دجى الليل الجزء الثاني - عتمة الزينة كاملة

١

أولاً: وحشتوني اوي اوي اوي بقا والبعد عنكم حاجة سخيفة جداً..

ثانياً: اللي مش في جروب الفيس فايته مسخرة وبلاوي كتيرة صراحة وفيديوهات حصرية للرواية وكوميكس على كل فصل وضحك السنين..

ثالثاً: لو مقريتش ظلام البدر مش هتفهم حاجة فنصيحة اقراها الأول

رابعاً: الرواية دي فيها شخصيات كتيرة جدا.. وضغط إن الواحد يكتب ويحاول يقرب لكل شخصية من الشخصيات ويعتبر نفسه هو اللي بيتكلم وبيتصرف دي ضغط كبير اوي، فبعتذرلكم من دلوقتي لكل اللي هيطلب بارت زيادة أنا آسفة جداً بس أنا ولا كأني شوفت كلامه ومش هارد عليه

خامساً: يارب تعجبكم بقا وتحبوها زي الجزء الأول

ملحوظة: بدر ليه دور كبير مش مهمش ولا حاجة.. 

ندخل بقا على الفصل وياريت تصويتات كتيرة ارجوكم ♥️♥️♥️

***

تم النشر بتاريخ 20 - 9 - 2019

***

الفصل الأول

مارس 2018..

"لا مش عايز اصحى دلوقتي" همس بنعاس ثم احتضنها بكل ما أوتي من قوة لتبتسم هي على طفولته التي لن يتوقف عنها أبداً

"لأ هاتصحى.. يالا كده صباح الخير وصباح النور ويالا فوق على ما أحضرلكوا الفطار"

"طب بذمتك صباح النور ايه وانا في حضني النور كله؟!" سألها بنبرة ناعسة لتتوسع ابتسامتها

"طب هقولك.. تعالى نصحيهم ونفطرهم اللي يروح شغله واللي تروح جامعتها وننام تاني بعدها"

"يوووه بقا يا نوري.. مبقاش فيه حب ودلع خلاص، كله بقا لسليم وسيدرا وأنا بقيت كخه"

"لا فيه دلع وحب وكله كله بس بردو لازم نصحي الحلوين دول وبعد كده عندنا اليوم كله نعمل اللي عايزينه براحتنا"

"افهم من كده إن فيه قلة أدب النهاردة؟" همس بنبرة رخيمة بأذنها ليقبل عنقها لتهز نورسين رأسها في إنكار

"مبتكبرش على قلة الأدب أنت؟! ما تبطل بقا يا ملك الكون!" صاحت بإبتسامة

"لا أنا لسه شباب.. الدور والباقي عليكي.. عجزتي يا نوري ولا ايه؟!"

"مين دي اللي عجزت.. ده أنا اللي زيي بيعملوا افراحهم اليومين دول!" اجابته بإنزعاج

"طب ما تيجي نعمل فرح وشهر عسل!"

"يوووه بقا با بدر.. وسع كده أما أقوم" نجحت في الإفلات منه لتنهض ثم نظرت له "قوم يا عم الشباب خدلك شاور على ما اصحيهم وحصلني على تحت عشان تساعدني"