دجى الليل الجزء الثاني - عتمة الزينة كاملة

٥

هحاول أنشر بكرة بس مش عارفة ليه كده حاسة إني مش هالحق أصلاً، عموماً اعذروني مقدماً.

تم النشر بتاريخ 4/10/2019

الفصل الخامس

اتكئت على ساعدها برأسها على السرير وانتظرته حتى دلف الغرفة لترى ثاقبتاه يتفحصا جسدها بنظرة ماكرة للغاية لتبتسم له هي تلك الإبتسامة الخجولة

"نيمت الولاد خلاص؟!" همست له سائلة ولا زالت تحتفظ بإبتسامتها

"ياااه" اتكأ بجانبها على ساعده أيضاً وحدق بملامحها ثم قبل جبينها "عارفة بقالك قد ايه مقولتليش الكلمة دي؟! من زمان اوي بقا.. رجعتيني للذي مضى" ازاح خصلاتها خلف اذنها وتلمس وجهها بأنامله

"كان فيه ايه بقا؟!" تسائلت نورسين وتفقدت ملامحه عندما تنهد في آسى

"هديل مصممة تخلي زينة تشتغل في الشركة، حرام اللي بتعمله في البنت ده، مش طبيعي ابداً" هز رأسه زافراً "مش فاهم هتفضل تعمل فيها كده لغاية امتى"

"طب وأنت عملت معاهم ايه؟!"

"أبداً يا ستي" توسد السرير بظهره ثم جذبها لتتوسد هي بدورها صدره وحاوط ظهرها بذراعه وتلمس كتفها ببطئ بأنامله "اقنعت البنت تشتغل لغاية ما تاخد خبرة وإن محدش هيحاسبها على أخطاءها حتى لو غلطت، وفهمتها انها ممكن تسافر مرتين تخلص فيهم الماجيستير، والهانم التانية أقنعتها انها هتنزل الشغل ومفهمتهاش طبعاً إنها فترة مؤقتة.. يمكن سنتين تلاتة الدنيا تتغير وهديل تتهد شوية وتكبر وتعقل بقا"

"معلش يا حبيبي أنت عارف هديل وتفكيرها ودماغها.. وبكرة زينة تكبر وتعرف تتصرف"

"بصي يا نورسين، فيه أمهات مهما كبرت مبتتغيرش.. وعندك أكبر مثلين، أمي ووفاء.. مفيش واحدة فيهم اتغيرت بالعكس، كل واحد صفاته لما بيكبر بتكبر معاه وبتطغى على شخصيته.. أنا خايف أوي على زينة معرفش هتقف قدامها ازاي وهي أصلاً اللي فيها مكفيها" تحدث بنبرة حزينة لتسرع نورسين بطمئنته وهي ترى القلق قد غلف ملامحه الشاردة لسقف الغرفة

"عندك حق بس متقلقش على زينة.. طول ما جنبها سليم ولما تعرف إنه بيحبها اوي هتكون كويسة وهيقدر يغيرلها حياتها كلها"

"اهو ده بقا حوار تاني.. ابنك يا هانم زينة مش حاسه بيه.. لا منه تقيل ولا منه حتى عارف يسيطر ولا هي اللي غبية.. أنا مش فاهم أصلاً هتبدأ تحس بيه امتى، وخايف أكتر عليه لو كسرت قلبه ومقبلتش مشاعره دي، ممكن يروح فيها"

"لا بقا.. أنت غلطان يا بدورتي.. اسمعني كده وركز معايا.. زينة لسه صغيرة وضغط مامتها عليها مخليها مش مستحملة حاجة وأنت عارف هديل كويس، فهي مش غبية، هي بس متوترة وفيه شوشرة كتيرة في دماغها، أمّا بقا سولي حبيبي فـ.."