دجى الليل الجزء الثاني - عتمة الزينة كاملة

مناقشة

طيب معلش شوية مناقشات كده على السريع علشان بقالي كتير اوي متناقشتش مع الناس في الرواية وهنتكلم عن الأبطال وعن علاقتهم ببعض ونرد على شوية اسئلة حلوة ون شاء الله نعمل مناقشة تانية كمان كام بارت

1 - سليم!

سليم ده الراجل اللي مشفتهوش في رواية، الراجل اللي موجود ما بيننا كل يوم وهو يُعتبر حد كويس جداً إنك ترتبطي بيه.. لا هو البطل السادي المتحكم بتاعي زي عمر وبدر، ولا هو مريض ومكتئب، ولا هو شديد في كل حاجة وقاسي الرجل الذي لا يُقهر، لأ ده إنسان طبيعي، بيضحك وبيهزر وبيحب أهله وقرايبه وعنده مشاعر لبنت عمته .. يعني لو بصينا لسليم كبطل من الأبطال هنلاقيه زي أي بطل تاني في نهاية رواية سعيدة بعد ما عاشوا في تبات ونبات وخلفوا صبيان وبنات..

شخصيته مش ضعيفة بالعكس، شخصيته مرحه ولذيذة وذكية، لو مكنش ذكي مكنش وصل مع بدر ونورسين وأخته لكده.. ومكنش الكل باصصله إنه إنسان مسئول.. يعني إياد وشاهندة وبدر ونور وأروى كل دول شايفينه حد ناجح ومسئول وعارف هو بيعمل ايه كويس.. وفي نفس الوقت شخصيته القوية (مش القاسية) هي اللي بتخلي شهاب وعاصم يغيروا منه.

2 - بدر!

بدر الحب غيره والعلاج كمان وقرب ابنه ليه، بدر أصلاً لو رجعنا للجزء الأول هنلاقيه كان خايف بغباء على عيلته، وكان بيحب نجوى وشاهندة وليلي جداً.. بدر كان ناقصه في حياته الصاحب اللي لاقاه في ليلى وراح منه واتعوض بوجود سليم.. وشه الجامد موجود اه لسه موجود عشان مفيش حد بيتغير 180 درجه، قسوته لسه موجوده، غيرته وخوفه موجودين وهيبانوا اكتر الأجزاء الجاية..

3 - علاقة بدر وسليم!

أنا بحاول اقرا روايات على قد ما بقدر بس بدر وسليم مشوفتش علاقة أب وابنه زيهم، مع العلم إن فيه علاقات كده حوالينا كتير وأنا لغاية دلوقتي بنادي والدي باسمه من غير بابا وعندي 27 سنة يعني المواضيع دي مش غريبة خالص هي فعلاً واقعية.. أنا شايفة إنها من امتع الحاجات اللي في الرواية، بجد لما بحس إني عايزة أغير المود شوية بفتح الأجزاء بتاعت سليم وبدر وبفضل اقرا فيها وبتبسط.. 

5 - علاقة بدر ونور!

النهاية السعيدة اللي ما بينهم فرحتني أنا شخصياً.. حلو البوس والأحضان، حلو الضحك والهزار، بس لازم نشوفهم وهمّ بيكبروا، لما مشاكل تدخل حياتهم وحياة الناس اللي بيحبوهم وازاي بالحب اللي ما بينهم بيقدروا يخففوا عن بعض ويكونوا سند لبعض.. فأنا بعتذر جداً للناس اللي بتطلب مشاهد جنسية ما بين اتنين كبار المفروض نركز في حياتهم على حاجات تانية خالص وبرفض طلب الناس دي.. لأن لو بدر الدين فرتك نورسين من كتر الرومانسية وقلة الأدب، احنا كده استفدنا ايه في احداث الرواية؟! 

4 - شهاب !!!!

أنا ممكن طبعاً أزود ورا الإسم ده علامات تعجب كتيرة، شهاب مش بس سادي، ولا بس عنيف ولا بس مريض نفسي!! شهاب مش معقد عقدة واحدة او اتنين، لسه منعرفش فيه ايه ورا شخصيته المقرفة دي.. هو فيه حاجات كتيرة اوي فيه لسه مش واضحة ومظنش هتوضح قريب خالص.. سيبوا شهاب على جنب شوية وحاولوا متتعبوش نفسكو معاه خالص دلوقتي.