ဒဏ္ဍာရီထဲက ဖူရှင်း အပိုင်း (၇၆၁ မှ ၉၆၀ ထိ)

အပိုင်း (၇၇၀): အရှုံးပေးခြင်း

ဒဏ္ဍာရီထဲက ဖူရှင်း

စာစဉ်(၅၃)

အပိုင်း (၇၇၀): အရှုံးပေးခြင်း

ကျိရှမ်းကမ်းပါး၏ဧည့်ကြည့်နေရာမှ ခွန်ယိုနှင့် ကျန်လူများအားလုံးက မျက်နှာများ တင်းမာခက်ထန်နေကြသည်။ သူတို့က ခန့်မှန်းမိပြီးဖြစ်သော်လည်း ယူချင်းက ယွမ်ချန်းကို စိန်ခေါ်သောအခါ အကြီးအကျယ် ဒေါသထွက်ကြရ၏။

ယွမ်ချန်းနှင့် ခွန်ချိန်တို့ကား သည်တစ်ခေါက် ပြည်နယ်ကိုးခုညီလာခံ၌ ပြိုင်ပွဲဝင်သော ကျိရှမ်းကမ်းပါးတပည့်များတွင် အတော်ဆုံးနှစ်ယောက်ဖြစ်သည်။ သို့သော်လည်း ယွန်ချန်းက အတော်ဆုံးဖြစ်သည်ကို ခွန်ယိုနှင့်အချို့သောပုဂ္ဂိုလ်ကြီးများက သိကြပေသည်။ သူက ကျိရှမ်းကမ်းပါးသားတော်ကိုးပါးထဲမှ တစ်ပါးဖြစ်သော ကျန်းရှာနေရာတွင် ယွမ်ချန်းဖြင့် အစားထိုးရန် စီစဉ်ထားပြီးဖြစ်သည်။

အကယ်၍​ယူချင်းကသာ သည်တိုက်ပွဲတွင် ယွန်ချန်းအား အနိုင်ယူခဲ့ပါက သည်တစ်ခေါက် ပြည်နယ်ကိုးခုညီလာခံ၌ ကျိရှမ်းကမ်ပါးကား အဆုံးသတ်လေပြီ။

ယွမ်ချန်းက ယူချင်းကို သေချာပေါက် အနိုင်ယူမည်ဟု သူတို့ကိုယ်သူတို့ အားတင်းယုံကြည်ကြသည်။ အကယ်၍​ ယူချင်း၏သည်မတိုင်ခင်တိုက်ပွဲများကို မမြင်ခဲ့ရပါက သည့်ထက် ယုံကြည်မှု ရှိမည်ဖြစ်သော်လည်း ယန်ကျန်းက ခွန်ချိန်ကို အနိုင်ယူခဲ့သည့်တိုက်ပွဲက သူတို့၏ယုံကြည်မှုကို ပျက်ပြားစေခဲ့သည်။

ယွမ်ချန်းကိုယ်တိုင်မူကား ရှေ့ကို တည်ငြိမ်စွာ တက်လာကာ ယူချင်းကို ကြည့်သည်။ ယူချင်းကား ပြည်နယ်ကိုးခုညီလာခံ၏ပထမတိုက်ပွဲကတည်းက သူ့အား အမှတ်ထင်ထင်ရှိစေခဲ့သူဖြစ်သည်။ နောက်ပိုင်း မြေရိုင်းပြည်နယ်က တိုက်ပွဲများတွင် ပါဝင်ပတ်သက်ခြင်းမရှိတော့ရာ အတော်များများက ယူချင်းအား မေ့လျှော့သွားခဲ့ကြသည်။ သို့သော်လည်း သူ၏အရှိန်အဝါကြီးမြင့်သောတိုက်ခိုက်ဟန်အား မည်သို့မေ့လျှော့၍​ရမည်နည်း။

ယူချင်းက သိပ်မတွေးပေ။ သူ၏အတွေးများကလည်း အမှန်တကယ်ပင် ရိုးရှင်းပေသည်။ ရီဖူရှင်းက ကျိရှမ်းကမ်းပါးကို ပြိုင်ပွဲမှ ဖယ်ထုတ်လိုပါက သူ့အတွက် လုပ်ရမည်ကား ကျိရှမ်းကမ်းပါး၏အတော်ဆုံးတပည့်ကို စိန်ခေါ်ခြင်းပင်။ သူလုပ်နိုင်မည်လားဟူသောမေးခွန်းကိုကား အတွေးထဲပင် မထည့်ပေ။