ဒဏ္ဍာရီထဲက ဖူရှင်း အပိုင်း (၇၆၁ မှ ၉၆၀ ထိ)

အပိုင်း (၉၂၈): ကိုးလွှာမှ တိုက်ပွဲ

ဒဏ္ဍာရီထဲက ဖူရှင်း

စာစဉ်(၆၃)

အပိုင်း (၉၂၈): ကိုးလွှာမှ တိုက်ပွဲ

ကျူးထန်နန်းတော်၌ အားလုံးက စင်မြင့်ထက်ကို လှမ်းကြည့်နေကြသည်။

ယခု စင်မြင့်ထက်တွင် တန်ခိုးရှင်ခြောက်ယောက် ရောက်နေကြပြီဖြစ်သည်။

စွေ့ရန်ဓားနန်းတော်သခင်၏သားဖြစ်သော ပေ့ချိန်ရန်၊ ချင်နန်းတော်မှ ချင်ချီ၊ ရှင်းစန်းတို့အားလုံးက ထူးခြားထက်မြက်သူများဖြစ်ကြသည်။

ယနေ့ တိုက်ပွဲတွင် အထက်ဘုံမှ ပါရမီရှင်များက သမိုင်းကို မှတ်တမ်းတင်သွားမည်လား၊ အောက်ဘုံမှ ပါရမီရှင်များက မထင်မှတ်သည်များအား လုပ်ပြသွားမည်လားကိုမူကား မကြာခင် သိရပေတော့မည်။

ပေ့ချန်ရန်က ရီဖူရှင်းအား မျက်နှာချင်းဆိုင်ကာ ရပ်နေသည်။

ချင်ချီက ဂူတုံးလျိုနှင့် မျက်နှာချင်းဆိုင်ရပ်နေသည်။

ရှင်းစန်းက ယူချင်းနှင့် မျက်နှာချင်းဆိုင်ရပ်နေသည်။

တိုက်ပွဲစင်မြင့်က တစ်ခုတည်း ရှိသော်လည်း တိုက်ပွဲသုံးခုလုံးအတွက်နေရာက လုံလုံလောက်လောက် ကျယ်ပြန့်ပေသည်။

ရီဖူရှင်းက ထိုနေရာတွင် ရပ်နေရင်းကပင် တစ်ဘက်လူထံမှ ပျံ့လွင့်လာသော ကြောက်မက်ဖွယ် ဓားစွမ်းအားများကို ခံစားမိသည်။ သူ၏မျက်လုံးများက မာနတရားများဖြင့်ပြည့်နှက်နေ၏။

ရှားစန်း၏ခြေလှမ်းတစ်လှမ်းစီက စင်မြင့်ကို တုန်ခါစေသည်။ အားကောင်းသော ကိုယ်ရောင်ကိုယ်ဝါက ယူချင်းထံသို့ ဖိအားပေးလာသည်။ ကိုယ်ရောင်ကိုယ်ဝါက ယူချင်းထံသို့ ရောက်လာကာ နတ်ဘုရားတစ်ပါးအလား ထင်မှတ်စေသည်။ သို့သော်လည်း ယူချင်းက သူ့အား ကြည့်ကာ လှုပ်ရှားခြင်း မပြုပေ။ သူက ထိုနေရာတွင်ပင် တောင်တစ်လုံးအလား ခိုင်မြဲစွာ ရပ်နေသည်။ ကောင်းကင်ပြိုကျလာလျှင်ပင် သူက လှုပ်ရှားမည်မဟုတ်ပေ။

သည်လူက ရီဝူချင်း၏သက်စောင့်ဝိညာဉ် ထုတ်နှုတ်ခြင်းကိစ္စ၌ ပါဝင်ပတ်သက်ခဲ့သည်ဟု ဂူတုံးလျိုက ပြောသည်။ သူက လက်သီးကို ဆုပ်လိုက်လျှင် အရိုးကျိုးသံ သဲ့သဲ့ ထွက်လာ၏။ နက်ရွှေရောင်အငွေ့အသက်များ စတင်စီးဆင်းလာလျှင် သူ့အား နတ်ဆိုးတစ်ပါးအလား ထင်မြင်လာရစေသည်။