ဒဏ္ဍာရီထဲက ဖူရှင်း
စာစဉ်(၆၂)
အပိုင်း (၉၀၇): မီးခိုးကဲ့သို့ ကွယ်ပျောက်သွားခြင်း
ရီဖူရှင်းက ရတနာလှံကို ကိုင်ကာ လှုပ်ရှားလိုက်သည်ကို မြင်လျှင် လင်းယွီ၏မျက်နှာမှာ ပြာနှမ်းသွားသည်။ သူ၏ရှေ့တွင်ကား လျူရှီမှာ ကံဆိုးသွားခဲ့ပြီဖြစ်သည်။ ရီဖူရှင်း၏အကြည့်ထံမှ သူက ကြီးမားသော အန္တရာယ်အငွေ့အသက်များအား ခံစားမိနေရသည်။
ထိုအခိုက်တွင် တော်ဝင်မြေသုံးခုမှ တန်ခိုးရှင်များအားလုံး တွန့်ဆုတ်နေကြသည်။ သူတို့ဘာလုပ်ရမည် မသိတော့ပေ။ မြေရိုင်းပြည်နယ်၊တော်ဝင်ကျဲနန်းတော်သခင်က ယခု အဆုံးမဲ့ပင်လယ်ကို ရောက်လာကာ ရှန့်ထိုသားရဲကျူးရင်အား သတ်ဖြတ်ပြီး နှစ်ပေါင်းများစွာ ကွယ်ပျောက်နေခဲ့သော ရတနာလှံအား ရရှိခဲ့၏။
သူတို့သိသလောက် ရီဖူရှင်းက ရှန့်ထိုအဆင့်ကား ယခုမှ တစ်ခါ သတ်ဖြတ်ခဲ့ဖူးသည်မဟုတ်ပေ။ စစ်တုရင်ရှန့်ထိုမှာလည်း သူ့လက်ချက်ဖြင့်သေဆုံးခဲ့သည်။
“ သူ့ကို ဖမ်းပြီးတော့ နန်းတော်သခင်ဆီကို ပို့မယ်... ” လင်းယွီက ရီဖူရှင်း၏မျက်လုံးများထံမှ အန္တရာယ်၏အငွေ့အသက်များအား ခံစားမိသည်။ သို့သော်လည်း ရီဖူရှင်းက ထွက်ပြေးလွတ်မြောက်သွား၍ မရပေ။
ပင်လယ်နန်းတော်မှ ရှီတန်ခိုးရှင်တစ်ပါးက ငွေလှံရှည်ကို ကိုင်စွဲကာ ရီဖူရှင်းအား ထိုးသွင်းလိုက်သည်။ ပင်လယ်ရေများက လှိုင်းထန်သွားကာ ရေခဲနဂါးအသွင်ဖြင့် ရီဖူရှင်းထံသို့ တိုးဝင်လာ၏။ ရေများက အေးခဲသွားကာ ရီဖူရှင်းအား ပြင်းထန်စွာ ရိုက်ခတ်လာကြ၏။
ရီဖူရှင်း၏လက်က အနည်းငယ် လှုပ်ယမ်းသွားသည်။ ရတနာလှံက သူ၏လေဟာနယ်စွမ်းအားများစွာကို ဝါးမျိုသွားပြီး သူ့ခန္ဓာကိုယ်မှာ အလွန်လင်းလက်လာခဲ့၏။ သူက ရှေ့ကို တက်ကာ လှံရှည်ဖြင့် ထိုးနှက်လိုက်လျှင် အလင်းတန်းက ရေခဲနဂါးအား အမှုန်အမွှားများအဖြစ် ပြောင်းလဲသွားစေသည်။
လေဟာနယ်မှာ အာကာသဓာတ်ကြောင့် အစိတ်အစိတ်အမွှာမွှာဖြစ်သွားသည်။
YOU ARE READING
ဒဏ္ဍာရီထဲက ဖူရှင်း အပိုင်း (၇၆၁ မှ ၉၆၀ ထိ)
Randomမိမိကိုယ်တိုင်ဘာသာပြန်ထားခြင်းမဟုတ်ပါ စာရေးသူ facebookတွင်တင်ထားသည်များကို ကိုယ်တိုင်ဖတ်ရန်အတွက် သာsaveခြင်းဖြစ်ပါသည်။ စာရေးသူက ဖျက်ခိုင်းလျှင် ပြန်ဖျက်ပါမည်။
