ဒဏ္ဍာရီထဲက ဖူရှင်း အပိုင်း (၇၆၁ မှ ၉၆၀ ထိ)

အပိုင်း(၈၃၆): စိတ်ဓာတ်တိုက်ပွဲ

ဒဏ္ဍာရီထဲက ဖူရှင်း

စာစဉ်(၅၇)

အပိုင်း(၈၃၆): စိတ်ဓာတ်တိုက်ပွဲ

ကျောက်မင်က စစ်မြေပြင်ကို စောင့်ကြည့်နေဆဲဖြစ်သည်။ ကျူးကော့ချန်းဖန်နှင့် ယူစီတို့က ရီဖူရှင်းကိုကူညီကာ ကျောက်ပြည်ထောင်၏အထောက်အပံ့များကို တားဆီးသည်တွင် သူတို့က ဤတိုက်ပွဲအား တတ်နိုင်သမျှ မြန်မြန်အဆုံးသတ်ရမည်ဖြစ်ကြောင်း နားလည်လိုက်သည်။

ရီဖူရှင်း၏ဝင်္ကပါဖွဲ့စည်းမှုက ဤမျှအားကောင်းမည်ဟု မည်သူထင်မည်နည်း။ သူတို့က မှော်ပညာအားကောင်းစွာထိန်းချုပ်ကာ ရွှမ်ဝူအား ပိတ်ဆို့ထားနိုင်ခဲ့သည်။ သို့သော်လည်း ကျောက်ပြည်ထောင်၏စစ်အင်အားအသာစီးရနေသောအချိန်၌ ရွှမ်ဝူဝင်္ကပါကို ဖျက်ဆီးရန်မှာ အလွန်ရည်မှန်းချက်မြင့်မားနေသေးပေသည်။

“ ကျောက်ပြည်ထောင်ကတန်ခိုးရှင်တွေ… အမိန့်နာခံကြ…ရီဖူရှင်းနဲ့အပေါင်းအပါကို ဖျက်ဆီးချေမှုန်းကြ… ” ကျောက်မင်က အမိန့်ပေးသည်။ ရုတ်တရက် ကျောက်ပြည်ထောင်မှ အင်အားစုများအားလုံးက စတင်၍ ရီဖူရှင်းထံသို့ ချီတက်လာကြတော့သည်။ သိပ်မကြာခင် စစ်တပ်က ရှေ့ကို ဖိအားပေးလာရာ ကျောက်ပြည်ထောင်စစ်တပ်နှင့် တော်ဝင်ကျဲနန်းတော်စစ်တပ်တို့က ပြင်းပြင်းထန်ထန်ရင်ဆိုင်တိုက်ခိုက်ကြရတော့သည်။

စစ်ပွဲကို လာရောက်ကြည့်ရှုသော ပရိသတ်များပင် စိတ်လှုပ်ရှားနေကြသည်။ သူတို့က ဘေးမှ ကြည့်နေကြသူများဖြစ်ကြသော်လည်း သူတို့ကလည်း အလွန်အမင်းစိုးရိမ်ကာ လက်သီးများကိုပင် ဆုပ်ထားမိကြတော့သည်။

“ တော်ဝင်ကျဲနန်းတော်က အနိုင်ရမှဖြစ်မယ်… ” တစ်ယောက်က တီးတိုးပြောသည်။ ထိုအတွေးကား မြေရိုင်းပြည်နယ်မှ လူအများအပြား၏ခေါင်းထဲတွင်ရှိသည်။ သူတို့က တိုက်ပွဲတွင်ပါဝင်ရန် စွမ်းရည်မရှိသော်လည်း ကျောက်ပြည်ထောင်ကား ကျူးကျော်သူဖြစ်သည်။ မြေရိုင်းပြည်နယ်၏တန်ခိုးရှင်တစ်ယောက်အနေဖြင့် မြေရိုင်းပြည်နယ်ကို အနိုင်ရရှိစေလိုခြင်းမှာ သူတို့၏သဘာဝကျသော ဆန္ဒဖြစ်ပေ၏။