ဒဏ္ဍာရီထဲက ဖူရှင်း အပိုင်း (၇၆၁ မှ ၉၆၀ ထိ)

အပိုင်း (၉၃၉): တော်ဝင်မြေသုံးခု လက်တွဲခြင်း

ဒဏ္ဍာရီထဲက ဖူရှင်း

စာစဉ်(၆၄)

အပိုင်း (၉၃၉): တော်ဝင်မြေသုံးခု လက်တွဲခြင်း

ရီဖူရှင်းသည် ရှီဟွာက ရှီဟွာတောင်ရှန့်ထိုအား မျက်လုံးများကို ကျုံ့ကာ ကြည့်သည်။ သူသည် ပြုံးနေဆဲဖြစ်သော်လည်း စိတ်ထဲတွင်ကား ဒေါသထွက်နေပြီဖြစ်၏။

နောက်ဆုံး သူတို့က လှုပ်ရှားကြံစည်ကြတော့မည်လား။

မရဏတောင်ကိစ္စဖြစ်ပြီးနောက်ပိုင်း ရှီဟွာတောင်သည် မရဏတောင်၌ ဖြစ်ပျက်ခဲ့သည်များအား ကြိုးဆွဲကြံစည်နေခဲ့သည်ဟု ရီဖူရှင်း သံသယ ဝင်မိ၏။ ရှီဟွာတောင်ရှန့်ထို၏ထောက်ခံမှုမပါဘဲ လျူကျောင်းက ထိုမျှ များပြားသောလူများအား စတေးရန် တစ်ယောက်တည်း ဆုံးဖြတ်မည်မဟုတ်ပေ။

ယခု ရှီဟွာတောင်ရှန့်ထိုက သူ့အား မရဏဓားဝင်္ကပါကို ပေးအပ်ကာ အမှားဝန်ခံတောင်းပန်ရမည်ဟု ဆိုသည်။ ထိုအရာမှာ ဖြစ်နိုင်ဖွယ်မရှိကြောင်း အားလုံးနားလည်ကြ၏။ ရီဖူရှင်းက သူပြောသည့်အတိုင်း လုပ်လျှင်ကော အပြစ်လွတ်ပါမည်လား။ သို့တိုင်အောင် ရှီဟွာတောင်ရှန့်ထိုက ထိုသို့အဆိုပြု၏။ ထိုအဆိုက သူဝင်ပါရန် အကြောင်းပြချက်တစ်ခုမျှသာဖြစ်သည်။ သည်လက်ထပ်ပွဲဖြစ်လာကတည်းက တော်ဝင်မြေနှစ်ခုမှာ အကျိုးအမြတ်ခွဲဝေခြင်းများ ပြုလုပ်ထားပြီးဖြစ်ကြောင်း ရီဖူရှင်း ခန့်မှန်းသိနိုင်သည်။ အတိအကျကိုမူကား သူမသိပေ။

“ ကျုပ်မှာ မရဏဓားဝင်္ကပါရှိရင် ဒီလက်ထပ်ပွဲ ရှိပါဦးမလား စီနီယာ။ ” ရီဖူရှင်းက ပြုံးလျှက်ပြောသည်။ ပုံမှန်အားဖြင့် ရီဖူရှင်း ဘာဆိုလိုသည်ကို အားလုံး နားလည်ကြ၏။ သူသာ အမှန်တကယ် မရဏဓားဝင်္ကပါအား ထိန်းချုပ်နိုင်သည်ဆိုပါက ကျောက်ပြည်ထောင်မှာ ဆက်လက်တည်ရှိစရာ အကြောင်းမရှိတော့။

“ မင်းရဲ့ တန်ခိုးအဆင့်က ဓားဝင်္ကပါကို ထိန်းချုပ်နိုင်ခြင်းမရှိသေးတာလည်း ဖြစ်နိုင်တာပဲ။ မင်းက နည်းစနစ်ကိုပဲ သိသေးတာ ဖြစ်ရမယ်။ ” ရှီဟွာတောင်ရှန့်ထိုက ပြုံးလျှက်ပြောသည်... “ မှန်တယ်၊ မင်းက ဒီကိစ္စမှာ ရိုးသားဖို့ပဲ လိုတယ်။ ဥပမာ မင်းက အဲ့ဒီ ဓားဝိညာဉ်မိန်းကလေးကို ပေးတာမျိုး၊ ဒါမှမဟုတ် မြေရိုင်းပြည်နယ်ရဲ့တပည့် ရီဝူချင်းက အထက်ဘုံသို့ သွားလေ့ကျင့်တုန်းမှာ ရန်ဟောင်ဓားအသိအချို့ကို ရခဲ့တယ်လို့ကြားတယ်။ အဲ့ဒါကို ပေးတယ်ဆိုရင်လည်း သိပ်မဆိုးဘူး။ ”