ဒဏ္ဍာရီထဲက ဖူရှင်း အပိုင်း (၇၆၁ မှ ၉၆၀ ထိ)

အပိုင်း (၉၁၉): မင်းက ငါ့ကို တောင်းပန်စေချင်တာလား...

ဒဏ္ဍာရီထဲက ဖူရှင်း

စာစဉ်(၆၃)

အပိုင်း (၉၁၉): မင်းက ငါ့ကို တောင်းပန်စေချင်တာလား...

ကောင်းကင်ရှစ်လွှာ၏စင်မြင့်ထက်တွင် ဂူတုံးလျိုက ဦးဆောင်ကာ တိုက်ခိုက်နေသည်။

နတ်ဘုရားကိုးပါးကား တိုက်ခိုက်လေလေ ပိုမို၍ အားကောင်းလေလေဖြစ်သည်။ အဆုံးအစမဲ့သော အလင်းတန်းများ အတူတူသွယ်တန်းထားကြလျှင် သူတို့ကား တစ်ကိုယ်တည်းအဖြစ် ပြောင်းလဲ၏။ သူတို့၏တိုက်ခိုက်မှု တစ်ခုစီက တစ်ချက်ပြီးတစ်ချက် ပိုမို၍ အားကောင်းလာသည်။ သူတို့ကား မုဖန်းချန်း၏ကိုယ်ပွားများအား ဖိနှိပ်ထား၏။

ထိုအခိုက်တွင် ကျောက်ရှီပင် ဆွံ့အနေပြီး သူမ၏မျက်နှာက ပြာနှမ်းနေ၏။ သူမ၏အဆင့်က နိမ့်သော်လည်း အနည်းဆုံး သူမက တိုက်ပွဲအခြေအနေကို အကဲခတ်မိပေသည်။ မုဖန်းချန်းက ဂူတုံးလျို၏အခြေအနေကို အကဲခတ်နေခြင်းမဟုတ်ဘဲ ပြန်လည်တိုက်ခိုက်နိုင်စွမ်းမရှိခြင်းမျှသာဖြစ်၏။

မုဖန်းချန်းကဲ့သို့ အားကောင်းသူပင် ဖိနှိပ်ခံရ၏။

ကျူးထန်နန်းတော်မှ လူများအားလုံးက တိုက်ပွဲကို အံ့အားသင့်စွာ ကြည့်နေကြသည်။ မုဖန်းချန်းက ပြန်လည်၍ တိုက်ခိုက်နိုင်မည်ဟု သူတို့ ထင်မှတ်ခဲ့ကြသည်။ အဆုံးသတ်က ဤသို့ဖြစ်လာမည်ဟု မည်သူကမှ မထင်မှတ်ခဲ့ကြပေ။ လူအုပ်ကြီးကား တိတ်ဆိတ်နေသည်။ မုဖန်းချန်းအတွက် အားပေးခဲ့ကြသောလူများကား အသံပင် မထွက်တော့ပေ။

နောက်ဆုံးတွင် အလင်းပေါက်ကွဲမှုတစ်ခုနှင့်အတူ မုဖန်းချန်းကား အရိုက်ခံရသည်။ သူက ပါးစပ်မှ သွေးများအန်ကျကာ နောက်သို့ လွင့်စင်သွား၏။ သူက ဆက်လက်၍ တိုက်ခိုက်လိုသော်လည်း ဂူတုံးလျိုက သူ့အား အခွင့်အရေးမပေးပေ။ ဂူတုံးလျို၏လက်ဝါးရိုက်ချက်များက သူ့ခန္ဓာကိုယ်ထံသို့ အဆက်မပြတ် ကျဆင်းလာကာ သွေးများ အဆက်မပြတ် အန်သည်။

နောက်ထပ် ပေါက်ကွဲမှုတစ်ခုနှင့်အတူ မုဖန်းချန်းမှာ အဝေးသို့ လွင့်စင်သွားပြန်သည်။ သူကား ခုခံခြင်းမပြုတော့ပေ။ သူက ဂူတုံးလျိုအား ကြည့်သည်။ သူကား မူလကကဲ့သို့ ယုံကြည်မှုမြင့်မားသော ဟန်ပင်မဟုတ်တော့ဘဲ အနည်းငယ် တွေဝေမိန်းမောနေ၏။ သူကား အောက်ဘုံမှ တစ်စုံတစ်ယောက်ထံ၌ ရှုံးနိမ့်ခဲ့သည်။