ဒဏ္ဍာရီထဲက ဖူရှင်း အပိုင်း (၇၆၁ မှ ၉၆၀ ထိ)

အပိုင်း (၈၅၅): ဆေးစမ်းသပ်ခံ

ဒဏ္ဍာရီထဲက ဖူရှင်း

စာစဉ်(၅၈)

အပိုင်း (၈၅၅): ဆေးစမ်းသပ်ခံ

ရှန့်ထိုကျန့်က ရီဖူရှင်းကို ကြည့်သည်တွင် ဖိအားတစ်ခုက ရီဖူရှင်းထံ ကျဆင်းလာသည်။ သူက အနည်းငယ် စိုးရိမ်နေဟန်ရကာ လက်သီးအား ဆုပ်ထားသည်။

ရှန့်ထိုကျန့်၏အဖြေက သူ့ဆရာ၏ကံကြမ္မာကို ဆုံးဖြတ်ပေမည်။

စုချီဟန်နှင့် နတ်မိမယ်ဒီးတို့က ဘေးတွင်ရပ်ကာ ဘာမှ မပြောကြပေ။ သူတို့က ရှန့်ထိုကျန့်၏တပည့်များဖြစ်ကြသော်လည်း သူတို့ဆရာ၏အဆုံးအဖြတ်အပေါ် မည်သို့မှ လွှမ်းမိုးနိုင်စွမ်းမရှိပေ။

မြေရိုင်းပြည်နယ်မှ လူများအားလုံးကလည်း စိုးရိမ်နေကြသည်။ သည်ကိစ္စအဆင်ပြေသွားခဲ့ပါက မြေရိုင်းပြည်နယ်တွင် နောက်ထပ် ရှန့်ထိုတစ်ပါးဖြစ်လာပေမည်။

“ အခု ကျောက်ပြည်ထောင်က မြေရိုင်းပြည်နယ်နဲ့ တော်ဝင်စစ်ပွဲဖြစ်နေတယ်…တကယ်လို့ ငါက သူ့ကို ကူညီခဲ့ရင် တော်ဝင်မြေတစ်ခုကို အပြစ်လုပ်မိလိမ့်မယ်… ဒါက ငါ့အတွက် ပြဿနာသိပ်မရှိဘူးဆိုပေမယ့် နောက်ပြဿနာတစ်ခုရှိတယ်… သူ့ကို ရှန့်ထိုအဆင့်သို့ တက်လှမ်းနိုင်အောင်အထိဆိုရင် ငါက ဘယ်လိုဆေးဝါးတွေ သုံးရမယ်လို့မင်းထင်လဲ…” ရှန့်ထိုကျန့်က အေးစက်စွာ ပြောသည်… “ သူ့ကို ကူညီဖို့အကြောင်းပြချက်ပေးပါ… ”

ရီဖူရှင်းက ရှန့်ထိုကျန့်၏စကားကို ကြားကာ တိတ်ဆိတ်နေသည်။ သူက ရှန့်ထိုကျန့်၏စကားကို မငြင်းပယ်နိုင်ပေ။ သူတို့က မည်သို့မှ သက်ဆိုင်ခြင်းမရှိသည့်အပြင် ယခုမှ တွေ့ဆုံခြင်းလည်းဖြစ်သည်။ သူ၏တော်ဝင်ကျဲနန်းတော်သခင်ဟူသော နေရာက ရှန့်ထိုကျန့်အတွက် မည်သို့မှ အရေးမပါပေ။

ရှန့်ထိုကျန့်တွင် သူ့အား ကူညီရန် မည်သည့်အကြောင်းပြချက်မှ မရှိပေ။

ရှန့်ထိုကျန့်က ကျောက်ပြည်ထောင်ဘုရင်ကို ဂရုမစိုက်မည်မဟုတ်သော်လည်း လူစိမ်းတစ်ယောက်အတွက် ရန်မီးတစ်ခု ပွားစရာ အကြောင်းလည်းမရှိပေ။ ထို့အပြင် သူက ထောင်ကျန်းအတွက် များစွာသော ဆေးဝါးများအား သုံးစွဲရပေဦးမည်။