ဒဏ္ဍာရီထဲက ဖူရှင်း
စာစဉ်(၆၄)
အပိုင်း (၉၄၁) မျက်လုံးတစ်လုံးအတွက် မျက်လုံးတစ်လုံး
ယွီပြည်နယ်တွင် တော်ဝင်မြေနှစ်ခုနှင့် ရှန့်ထိုသုံးပါး ရှိသည်။
ကျိရှမ်းကမ်းပါး၌ ရှန့်ထိုနှစ်ပါးရှိပြီး သူတို့မှာ ရှန့်ထိုကျဲနှင့် မီးတောက်ရှန့်ထိုတို့ ဖြစ်ကြ၏။ ကျိရှမ်းကမ်းပါးသည် ယွီပြည်နယ်၏အင်အားအကြီးဆုံးအင်အားစု ဖြစ်သည်။ သို့တိုင်အောင် ယွီပြည်နယ်၊ မြေရိုင်းပြည်နယ်၊ အဆုံးမဲ့ပင်လယ်၌တည်ရှိသောပင်လယ်ပြည်နယ်တို့မှာ ပြည်နယ်ကိုးခုအတွင်း၌ အင်အားအနည်းဆုံးဖြစ်ကြသည်။
ဤတွင် ကျိရှမ်းကမ်းပါးသည် ရှန့်ထိုမရှိသောမြေရိုင်းပြည်နယ်အား အမြဲတမ်းအားဖြင့် လိုချင်တပ်မက်ခဲ့သည်။ သူတို့သာ မြေရိုင်းပြည်နယ်အား သိမ်းပိုက်နိုင်ခဲ့လျှင် တော်ဝင်ကျဲနန်းတော်မှ ရှန့်ထိုအမွေအနှစ်များ၊ တော်ဝင်ရတနာများနှင့် အရည်အသွေးမြင့်မားသော လူငယ်ပါရမီရှင်များကို ပိုင်ဆိုင်နိုင်ပေမည်။
တော်ဝင်ကျဲနန်းတော်အပြင်ဘက်တိုက်ပွဲ၏အကြောင်းအရင်းမှာလည်း ထိုရည်ရွယ်ချက်ပင်ဖြစ်သည်။ ပြဿနာ၏အရင်းအမြစ်မှာ ကျန်းရှာနှင့်ဂူတုံးလျိုတို့အကြား ရန်ငြိုးကြောင့်ဖြစ်လာခဲ့သော်လည်း နောက်ကွယ်၌ ရှန့်ထိုကျဲ၏လောဘရမက်များ ကပ်ငြိနေမည်မှာ သေချာပေသည်။ ဖြစ်စဉ်တစ်ခုလုံး၌ ရှန့်ထိုကျဲ၏တွန်းအားသာမပါခဲ့လျှင် ခွန်ယိုတို့လည်း ထိုမျှ အတင့်ရဲခဲ့မည်မဟုတ်ပေ။ ယခင်နန်းတော်သခင်ဟောင်းနှင့် လျူချန်းတို့၏မိမိကိုယ်ကိုယ်စတေးကာ အင်ပါယာရှားအား ဖိတ်ခေါ်ခြင်းမပြုခဲ့လျှင် ထိုစဉ်ကတည်းက တော်ဝင်ကျဲနန်းတော်မှာ အဆုံးသတ်ခဲ့ပြီဖြစ်သည်။
ကျိရှမ်းကမ်းပါးမှာ များစွာသော တောင်ကမ်းပါးများတည်ရှိရာနေရာ၌ တည်ဆောက်ထားသည်။ ထိုနေရာကား မရေမတွက်နိုင်သော ယွီပြည်နယ်သားများ အထွတ်အမြတ်ထားရာနေရာလည်းဖြစ်သည်။ ယခု ထိုနေရာကား တိတ်ဆိတ်နေသည်။ တောင်နောက်တွင် လူတစ်ယောက် တိတ်ဆိတ်စွာ လေ့ကျင့်နေသည်။ သူကား ကျိရှမ်းကမ်းပါးသားတော်ကိုးပါး၏ခေါင်းဆောင်ဖြစ်သော ကီဖုန်းဖြစ်သည်။ သူကား ပြည်နယ်ကိုးခုရှီအဆင့်ဝင်လည်းဖြစ်၏။ သူကား ကျင့်ကြံခြင်းတွင်သာ အားစိုက်လေ့ကျင့်နေခဲ့သည်မှာ အတော်ကြာပြီဖြစ်ကာ လာမည့် ပြည်နယ်ကိုးခုရှန့်ထိုတိုက်ပွဲအတွက် ကြိုတင်ပြင်ဆင်နေသည်။
YOU ARE READING
ဒဏ္ဍာရီထဲက ဖူရှင်း အပိုင်း (၇၆၁ မှ ၉၆၀ ထိ)
Randomမိမိကိုယ်တိုင်ဘာသာပြန်ထားခြင်းမဟုတ်ပါ စာရေးသူ facebookတွင်တင်ထားသည်များကို ကိုယ်တိုင်ဖတ်ရန်အတွက် သာsaveခြင်းဖြစ်ပါသည်။ စာရေးသူက ဖျက်ခိုင်းလျှင် ပြန်ဖျက်ပါမည်။
