ဒဏ္ဍာရီထဲက ဖူရှင်း အပိုင်း (၇၆၁ မှ ၉၆၀ ထိ)

အပိုင်း (၉၃၁): ဒုတိယမြောက်ငြင်းပယ်မှု

ဒဏ္ဍာရီထဲက ဖူရှင်း

စာစဉ်(၆၄)

အပိုင်း (၉၃၁): ဒုတိယမြောက်ငြင်းပယ်မှု

ရီဖူရှင်းက လည်ပြန်လှည့်ကြည့်၏။ ဓားဝိညာဉ်က သူ၏မူလပိုင်ရှင်ထံသို့ ပြန်လည်ရှောက်ရှိသွားပြီဖြစ်သည်။ သို့သော်လည်း ရီဝူချင်းမှာ စိတ်ဝိညာဉ်အားပြတ်လတ်မှုကို တာရှည်စွာ ခံစားခဲ့ရသူဖြစ်ရာ အချိန်တိုအတွင်း နိုးထလာရန်တော့ မဖြစ်နိုင်ပေ။ ဖီးနစ်က စိတ်ဝိညာဉ်အားဖြည့် ဆေးလုံးတစ်လုံးအား ရီဝူချင်း၏ပါးစပ်ထဲသို့ ထည့်လိုက်သည်။ ဆေးလုံးက ရီဝူချင်း၏ကုန်ဆုံးသွားသော စိတ်စွမ်းအားများကို မြန်ဆန်စွာ ဖြည့်တင်းနိုင်ပေလိမ့်မည်။

“ မင်းသမီး… သက်စောင့်ဝိညာဉ်က ပိုင်ရှင်ဆီလည်း ပြန်ရောက်သွားပြီ… ချိန်ရန်လည်း ရှုံးသွားပြီ… အားလုံးကို ဒီလောက်နဲ့ အဆုံးသတ်ကြရအောင်… ” စွေ့ရန်ရှန့်ထိုဓားက ရှားရှင်းယွန်အား ကြည့်ကာ ပြောသည်။ ရီဖူရှင်းက ဆက်လက်၍ ပေ့ချိန်ရန်အား ရန်ရှာမည်ကို သူစိုးရိမ်သည်။ မူလအစကတည်းက ပေ့ချိန်ရန်ကိုယ်တိုင် ဂူတုံးလျိုတို့အား သူ့ကို လာရောက်စိန်ခေါ်ရန် ပြောဆိုခဲ့ကာ သဘောတူညီချက်များ ထုတ်ခဲ့သည်။ ထိုကိစ္စအား မင်းသမီးကိုယ်တိုင်ကလည်း အသိအမှတ်ပြုခဲ့၏။ ယခု ရှားရှင်းယွန်က စိန်ခေါ်ပွဲ၌ ကိုယ်တိုင် ရောက်ရှိနေခဲ့ရာ သူက အခြေအနေကို အရမ်းကာရော မတားဆီးရဲပေ။ သူလုပ်နိုင်သည်ကား မင်းသမီး၏သဘောထားကို မေးမြန်းခြင်းပင်။

ရှားရှင်းယွန်က စွေ့ရန်ရှန့်ထိုဓားအား မကြည့်ပေ။ သူမ၏မျက်လုံးများက စင်မြင့်ထက်မှ ရီဖူရှင်းထံတွင်သာ ရှိနေသည်။

“ တခြားလူရဲ့သက်စောင့်ဝိညာဉ်ကို လုယက်တယ်… အခု သူက ရှုံးနိမ့်ခဲ့မှတော့ ပြန်ပေးတာက လုံလောက်လို့လား… ” ယူချင်းက အေးစက်စွာ ပြောကာ ရှေ့သို့ တက်လာခဲ့သည်။

“ သူက ဒီလောက်ရိုက်ထားပြီးပြီ… မလုံလောက်ဘူးလား… ” စွေ့ရန်ရှန့်ထိုဓားက ယူချင်းအား ကြည့်ကာ ပြောသည်။ သူ၏မျက်လုံးများ၌ ပြင်းထန်စူးရှသော ဓားအသိများ ဖြာထွက်နေ၏။