ဒဏ္ဍာရီထဲက ဖူရှင်း အပိုင်း (၇၆၁ မှ ၉၆၀ ထိ)

အပိုင်း (၇၇၄): ခွန်ယို၏အကြံအစည်

ဒဏ္ဍာရီထဲက ဖူရှင်း

စာစဉ်(၅၃)

အပိုင်း (၇၇၄): ခွန်ယို၏အကြံအစည်

“ တော်ဝင်ကျဲနန်းတော်သခင် ရီဖူရှင်းဆိုတာ အရင်နန်းတော်သခင်ကိုယ်တိုင်က အင်ပါယာရှားကို ပင့်ဆောင်ပြီးတော့ လူငယ်လေးကို သူ့နေရာဆက်ခံစေတဲ့သူဆိုပဲ… သူက လူငယ်လေးကို အဲလို ဆက်ခံစေဖို့အတွက် ကြီးကြီးမားမား ပေးဆပ်ခဲ့ရတယ်… ဒီနှစ်မြေရိုင်းပြည်နယ်ကလည်း အရမ်းကို ကောင်းမွန်တဲ့စွမ်းဆောင်ရည်ကို ပြသခဲ့ကြတော့ နန်းတော်သခင်ကိုယ်တိုင်က အရမ်းကို ထူးခြားထက်မြက်မှာပဲ… ” တစ်ယောက်က ရီဖူရှင်းကို လှမ်းကြည့်ကာ ပြောသည်။

သူတစ်ယောက်တည်းသာ ထိုသို့တွေးသည်မဟုတ်ဘဲ တခြားလူများကလည်း ထိုသို့အမြင်များရှိကြသည်။ ယူချင်းကိုယ်တိုင်က အလွန်ထူးခြားထက်မြက်နေပြီဖြစ်ကာ တခြားဟွာဂျီယူတို့ စုချွဲတို့ကလည်း ကိုယ်စီ ထက်မြက်ကြ၏။ သူတို့အားလုံးက မည်သည့်တော်ဝင်မြေမှ ပါရမီရှင်များနှင့်မဆို ရင်ဘောင်တန်းနိုင်ကြ၏။ ဤသို့ဆိုလျှင် လက်ရှိမြေရိုင်းပြည်နယ်၏လူငယ်ခေါင်းဆောင် ရီဖူရှင်းက ပိုမို၍​မသာလွန်ဘဲ​နေမည်လား...။

လူအများအပြားက သူနှင့်ပတ်သက်၍​စိတ်ဝင်စားကြသည်။

“ ကျွန်မတပည့်ချိန်နီဆီက ကြားတာကတော့ ရီဖူရှင်းက တော်ဝင်ကျဲနန်းတော်က တပည့်တွေကို ဦးဆောင်ပြီး စစ်တုရင်ကျွေးရွာက နတ်နဂါးကစားကွက်ကို ဖျက်နိုင်ခဲ့တယ်ဆိုပဲ… သူက ကွဲပြားခြားနားတဲ့ ကစားဟန်ကိုးခုကို တစ်ယောက်တည်း ထိန်းချုပ်ခဲ့တယ်… ” မှန်နန်းတော်သခင်မကလည်း ရီဖူရှင်းကို ပြုံးလျှက်လှမ်းပြောသည်… “ တကယ်လို့ သူက ရှီအဆင့်ကို မတက်လှမ်းရသေးဘူးဆိုရင် ဒီပြိုင်ပွဲမှာ သူ့အရည်အချင်းတွေကို မြင်တွေ့ခွင့်ရမှာပဲ… ”

“ နန်းတော်သခင်မက အရမ်းချီးကျူးလွန်းပါပြီ… ကျွန်တော့အဆင့်က နိမ့်ပါတယ်… တခြားပြည်နယ်ရှစ်ခုက ပါရမီရှင်တွေက အရမ်းကို ထူးချွန်ကြတယ်… ဒီလိုနေရာမှာ ကျွန်တော့ရဲ့ပါရမီကို ထည့်မပြောရဲပါဘူး… ”ရီဖူရှင်းက ခေါင်းငုံ့ကာ သူမအား တိုက်ရိုက်မကြည့်ဘဲ ပြောသည်။ သူမကား ရှန့်ထိုဖြစ်ကာ အရှေ့ဘက်ပြည်နယ်၏နံပါတ်တစ်မိန်းမလှလည်းဖြစ်ရာ သူက အပြုအမူများအား သတိထားရန် လိုပေသည်။