ဒဏ္ဍာရီထဲက ဖူရှင်း အပိုင်း (၇၆၁ မှ ၉၆၀ ထိ)

အပိုင်း ( ၈၉၈): အပျက်အစီးနယ်မြေသို့

ဒဏ္ဍာရီထဲက ဖူရှင်း

စာစဉ်(၆၁)

အပိုင်း ( ၈၉၈): အပျက်အစီးနယ်မြေသို့

လျူကလန်မှ လူများအားလုံး၏အာရုံက အသံလာရာဘက်သို့ ရောက်သွားကြသည်။

သူတို့က ငယ်ရွယ်ကာ ချောမောသော လူငယ်တစ်ယောက်အား မြင်ကြ၏။ ထိုလူငယ်မှာ ကိုယ်ရောင်ကိုယ်ဝါကို ထိန်းချုပ်ကွယ်ဝှက်ထားဟန်ရသော်လည်း လူတိုင်းက သူ၏သာလွန်ကောင်းမွန်သော ဖြစ်တည်မှုကို သတိထားမိကြပေ၏။

လျူကလန်၏မိသားစုခွဲတစ်ခုဖြစ်သော လျူယွန်က သူ၏သားသမီးများအတွက် ဆရာတစ်ယောက် ရှာတွေ့ခဲ့သည်ဟု လူအများက ပြောကြ၏။ ထိုဆရာမှာ သည်လူငယ် ဖြစ်နိုင်ပေသည်။

ရီဖူရှင်း၊ လျူယွန်နှင့် လျူယွီတို့က လျူချိန်၏ဘေးသို့ လျှောက်လာခဲ့ကြ၏။ သူတို့သုံးယောက်၏မျက်နှာများက တင်းမာနေကြသည်။ သူတို့က ဖြစ်ပျက်ခဲ့သမျှအား မြင်တွေ့ခဲ့ကြပေသည်။ လျူယွမ်က လျူချိန်အား တမင်ရန်စစော်ကားကာ ရန်ပွဲအား အစပျိုးခဲ့ပြီး လျူယွမ်၏ဆရာဖြစ်ဟန်တူသူက ဝင်ရောက်စွက်ဖက်ခဲ့သည်။

သူ၏အပြုအမူများမှာလည်း ဂုဏ်သိက္ခာမရှိခဲ့ပေ။ သူကား လျူချိန်၏တိုက်ခိုက်မှုကို တားဆီးခဲ့သော်လည်း လျူယွမ်၏တန်ပြန်တိုက်ခိုက်မှုကို တားဆီးခဲ့ခြင်းမရှိရာ အကျိုးဆက်အားဖြင့် လျူချိန်အား ဒဏ်ရာရစေခဲ့၏။

သူကား သူ၏သားတပည့်ကို ကာကွယ်ရုံမျှမကဘဲ သွယ်ဝိုက်သောအားဖြင့် လျူချိန်ကို ထိခိုက်စေခဲ့သည်မှာ ထင်ရှားပေသည်။ ပုံမှန်အားဖ်ြင့ လူငယ်များအကြား ခိုက်ရန်ဖြစ်ပွားမှုတွင် ကြီးမားသော ဘေးအန္တရာယ် မရှိဘဲ ရှီတန်ခိုးရှင်တစ်ပါးက ဝင်ရောက်စွက်ဖက်စရာ အကြောင်းမရှိပေ။

ထိုလူကြီး၏နာမည်မှာ ရန်လူဖြစ်ကာ လျူကလန်ဝင်တစ်ယောက်မဟုတ်ပေ။ သို့သော် သူကား ကမ်းပါးမြို့သားတစ်ယောက်ဖြစ်၏။ သူ့အား လျူယွမ်၏အကြီးအကဲများက လျူယွမ်ကို သင်ကြားပေးရန် ငှားယမ်းထားခြင်းဖြစ်ပေသည်။

ရန်လူသည်လည်း ဤတစ်ခေါက် ခရီးကို လိုက်ပါမည်ဖြစ်သည်။

ရန်လူ၏အကြည့်က ရီဖူရှင်းထံသို့ ရောက်လာသည်။ တစ်ဘက်လူ၏အကြည့်ကို မြင်လျှင် သူက ပြုံးလျှက်မေးသည်... “ မင် တပည့်လား...”