💚✴حارس روحــي✴💚 ( كرونيك باللهجة التونسية: مكتملة )

✴🌸القسم 3🌸✴

❇🍁🌸❇🌸

رغم انو عشاء عادي ومع راجل كيفو اما هو اختار يلبس بلڨدا ،سروال شراه اخر جمعة واول مرة باش يلبسو ،دجين في النوار مع شوميزة فار ميليتار ،خزر لروحو في المرايا وهو يلبس في منڨالتو " ياولدي راك بوڨوص خموس عليك "

  حاس روحو فرحان موش عادي ،تبسم وغمض عينيه "شنوة قاعد يصيرلي " حل عينو وخزر للمرايا  "يازياد هبلت ...اه ...هبلت ظاهر فيك " دار خارج مخو مشغشب في جيهتين ،جهة في الخدمة وجهة في جارو الجديد ، ماركزش في المفتاح ايلي هزو وخرج من غير مايثبت فيه ، وقف قدام باب جارو ،خذى هواء ودق عليه ، لحظات وظهر معتز بلا مراياتو ،عينيه بانو مااحلاهم فاتحين مع الضو  وشوافرو كحل غمقوهم  ،وجهو ضعيف والتبسيمة زادت فيه الشطر

اتكى زياد ع الحيط وهز حواجبو "جاري"

"اهلا زياد ...ادخل ...نلبس فاست ونجي."
بعد من الباب وهو يسكر بوتينة شوميزتو

دخل  زياد و ماقالش لا، على اول خطوة   ضربتو ريحة النظافة والهواء ايلي يفوح بريحة طيبة ماعرفهاش شنية ، كل حاجة في بلاصتها منظمة ومرتبة بطريقة غير عادية ،تبسم وهو يقعد على اقرب كرسي عرضو ... ،هو وين و جارو وين ، دارو تتسمى زريبة قدام الشي هذا ...فاق من سرحتو على صوت معتز " سامحني تلهيت انظم في الكور ...باش نعطيه غدوة للطلبة "

ايوا...صار كان انا قاتل روحي ولابس جديد وخارج قبل الوقت باش نركح اومور العشاء وهو يضيع في وقتو وموش حاسبلو حساب...علماء اش تحب تعمل وقتهم غالي ....ترسمت تبسيمة متاع واحد يمسكي...تبسيمة صفراء تغطي فيلي كان داير في عقلو...وسأل يتلف  "ابراهيم ...ياخا تعيش وحدك ؟! "

"وي....." لبس الفاست " هيا نمشاو "

"هيا "  وقف وهو مازال يخزر لتراكن الدار يتلفت على جنابو يلقاش حاجة ماهيش في بلاصتها ...شي ماشافش ...خرجو وهوما يتبسمو لبعضهم اكاكا بلا كلام ،وقت وصلو للكرهبة وجاء زياد يحل فيها ،عرف روحو اش يعمل ، في عوض يهز مفتاح كرهبتو ، هز مفتاح موتورو

عض سنونو  "يلعن...." وقت شاف وجه جارو سكت  وبلع بقية السبة ،يزي من الفضح...تبسم ووقف مقابلو  "قلي بروفيسور تركب موتورات ؟! "

وساعت عين معتز وتحل فمو "لا...لا ما نركبش"

ورالو المفتاح ايلي في يدو  " هزيت المفتاح بالغالط ...جبت متاع الموتور ....اه خوك باخل نطلع اك الدروج الكل ايا تتنازل وتركب ع الموتور تو انا نخلص العشاء"

بلع ريقو بصعوبة ، الموتور اكثر حاجة يكرها وعندو علاش ، اما مالازمش يقول باش يكشفش روحو "كان تحب تو نطلع انا نجيبو "

تفكر زياد  دارو الخايضة ايلي كل قطعة من دبشو فيها مطيشة في بلاصة ، و ماعونها المسخ ،يافضيحتو قدامو... " لا...هيا برك جرب ...تو نعطيك الكاسط ومانجريش نوعدك....هيا اركب...جو فيها عالمي ايا  عاد .."