فارشين بيتزا لوطة ، متكين ع الموتور متاع زياد ، نسمة باردة تلعب بشعرها ، ملفوفة ع الهواء بالفاست متاعو و تمضغ في مرسو بزايد جبن ، حللها كعبة كانات كوكة ومدهالها " مازالت بڨازها فيسع اشرب "
خذاتها من عندو و طول شربت " آآآو...حرقتني "
"شفت مااحلاها ...بنة الڨازوز غادي "
"زيااااد !"
"وي"جاوبها وهو يخزر بعيد
"ياخا عندك المعدة وتشرب في الڨازوز "
" علاه ممنوع "
"ايه "
"وشكون منعو "
شاورتلو بصبعها لصدرها " انا " ضيقت عينها باش تبان صعيبة وكذا ، عمل روحو عاقل ويسمع الكلام " حاضر عرفي"
"قلبنا الادوار "
"استغل فرصتك مالا ...لانو غدوة باش نرجع عرفك "
ضحكت وزادت مورسو اخر ، دخل يدو لجيبو وجبد بارشا امبولات موش منفوخين ، فيهم بارشا الوان وبارشا فازات مصورين عليهم ، صاحت متحمسة " يااااا امبولااااات "
" موش حكيتلي مرة كنت تنفخهم وتسيبهم في الهواء "
"تقليش شريتهم باش نعملوها توا .. يااااي "
خزرتلو بود وعيونها يحكو قداش هي ممنونتلو ..خذات من عندو وحدة ونفختها ع الاخير ،ربطتها وضربتو بيها " امشي انفخ معايا "
"يابناي راني الشاف عليك "
"هذاكا غدوة ...اماتوا انت صديقي"
هز حاجبو " اكاهاو "
خزرتلو موش فاهمة " على شنوة اكاهاو "
تلف "ع الامبولات يا كبدي"
نفخوهم الكل بالالوان الكل ، وقفت تنڨز فرحانة " توا لازم نسيبوهم في الهواء"
جبدتو من يدو باش ياقف " هياااا ...قوم امان "
مجنونة ومخليتو يجن معاها ، سيبو الامبولات في الهواء وقعدو يخزرولهم والنسمة هازتهم بعيد في السماء ، هي اتبع فيهم و الفم يضحك وهو مركز معاها وقلبو يدق محبة وعشق ليها ، ايه في اللحظة هاكي وقف بيه الزمن و كشفلو حقيقة احساسو معاها، هو يحبها حتى كان هي ماتحبوش ...
ركبت وراه ع الموتور وسيبت هبلتها متاع العادة ، صاحت غنت ، لعبت بشعرها ، سيبت يديها للهواء ، غمضت عينها ، عنقتو ، فرغت طاقتها الكل وفي الاخير نادتلو
"زيااااااااد "
"يا مجنونة شبيك"
"مرسييييييي"
"شنوة !"
كبست عليه بيديها على وسطو وقربت من وذنو " مرسييي"
"طرشتني راك...اما علاش مرسي"
أنت تقرأ
💚✴حارس روحــي✴💚 ( كرونيك باللهجة التونسية: مكتملة )
Random★الاسم : حارس روحــي ( my soul guardian ) ★النوع : كرونيك ، اجتماعي ، رومنسي ، تشويق ، اثارة ، عائلي ..." ★الكاتبة : ň🅾D🅰 ★عدد الفصول " 46 " ★سنة الانتاج " 2018 " ★القصة " ✴تتعدى سنين على الفراق وماتخلف كان الوحش و الذكريات المنسية 🌸، يرجع بعد مد...
