💚✴حارس روحــي✴💚 ( كرونيك باللهجة التونسية: مكتملة )

✴🎶القسم 29 🎶✴

مازال كي خرج من كورو ،  اغلبية الحصة عقلو يدور في حاجات اخرين ، اولهم كاميليا ، قلبو يتقطع كل مايخمم انو بعد عليها وضاعت عليه  ومشات لصاحبو ... تمسمرت ساقيه وهو يرى فيها تمشي وتجي تستنى فيه ، الحق من الاول  قال اكيد نستخايل  ، في العادة خيالو يخليه يراها ببارشا حالات   ، ممكن توا وفي ها اللحظة يتخيل فيها تستنى فيه  اما لا...بالحق هاكي كاميليا ، عارف ايلي هو من مدة يتجاهل فيها عيني عينك ... زعمة جات تحكي معاه لها السبب ؟!!...حاول يتخبى عليها شوية وما تخليهوش يراها ، اذا حكى معاها باش يضعف ، باش ينطق من جنابو ، كل حاجة فيه باش تنطق وهو لازمو يدفن محبتو في خاطر صاحبو ، شاف بثينة جايتو وقاصدتو في يدها اوراق ، فرصة باش يخليها تشك ايلي بيناتهم حاجة  ، وتغير و قلبها يوجعها وتراه بدلها ،تغيضها الفازة ،تتغشش، وتقرر تنساه ....قربت منو بثينة تتبسم و تتمعجن ، مافماش عين ماتنجمش ترى ايلي هي معجبة بيه ع الاخير وماذبيها تلقى اي فرصة باش تحكي معاه اكثر وقت
"مسيووووو.....انا لوجت عليك الصباح ...اممم...فمة حاجة نحب نسألك عليها "

حاول يقرب اكثر منها و يمشي خطوات لوين واقفة كاميليا ، توا متأكد ايلي هي راتو ، عقلو مركز معاها ، نجم يرى خيال منها ،  واقفة مصدومة تخزرلو يحكي مع بثينة ، المرا ايلي راتها معاه في الاوتيل ، قلبها كلاها ماكلة وغزلت ، معناها يغرم في زمانو هوني وهي حارقة روحها عليه ، طلعت بهيمة ساهرة ليالي تخمم فيه وعلاش مجافيها ،وهو يتمعشق مع الطالبة متاعو ، مشات ناحيتهم وهي ترى فيهم يوشوشو عفست على قلبها ونادتو

"سي ابراهيم "

عمل روحو متفاجأ كي راها
"كاميليا !" خزر لبثينة ورجعلها الاوراق " توا نحكاو...بيناتنا تاليفون اوكي "

تبسملها وهي رجعتلو تبسيمة ، خذات منو الاوراق بتزعبينة " باهي " بعدت عليهم وهو يشيع فيها بعينيه ، هكا حب يوريها انو هو زادا معجب ببثبنة هاذي ، غاضها الحال بالطبيعة اما مالازمش تبين غيرتها
"ممكن نحكاو "

دار ناحيتها وواجها ، قلبو في الالف ، توحش يخزرلها هكا " لاباس، زياد بعثك هوني "

"زياد مافي بالوش"

هز حاجبو " اه بون؟! "

"اه وي " خزرت لبثينة ايلي بعدت " يظهرلي علاقتك بيها اكثر من بروف وطالبة "

بدل الموضوع " شفمة ....حتى تجي لهوني من غير علم عرفك وفي وقت الخدمة "

"خذيت نهار ليوم ، ماذبيا نحكي معاك في موضوع مهم "

"اما انا ماعنديش وقت "

بدا الدم يطلع لراسها " حاجة ماتعنينيش انا لازمني نقلك ايلي عندي.....انا باش نستناك لبرا ...و لازمك تجي "

دارت ماشية وخلاتو يتبع فيها بعينو ، متمني يخلط عليها و يعنقها بقوة لين تتكسر عظامها تالمون توحشها ... لازمو يشوف شبيها  ويعرف شنوة فمة  بالضبط وعلاش لاحقتو لهوني .