بعد ايلي عداه من ليلة يلوم في روحو كيفاش عكش ومانجمش يصارحها ولا يخليها تقعد معاه شوية ، ليلة كاملة وهو من جنب لجنب يلوج في الراحة والنوم وبربي منين باش تجي الراحة وبالو مشغول ، ماصدق لربي باش رقد ساعتين وقام ماشي للفاك لعل الخدمة و تعبها تخليه ينسى و يتلهى في حاجات اخرى ، حرك كرومتو و تفقد شعرو راكح والا لا ،لوج بعينو على تاكسي ،شي مالقاش ، جات عينو على كرهبة بيجو زرقاء واقفة ، صحة ليهم ايلي يستناو فيهم ع الاقل ينقصو عليهم طول الطريق و تكسير الراس ، جاه صوت يعرفو ملييييح
"ايه ايه ....بروفيسور !؟ "
تلفت لزياد ايلي جاي يفرك في يديه " زياد ! " عقد حواجبو " هاك على بكري "
"فماش مانعجبك ...ههههه ...مادام جاري نشيط خدام مثقف...برو ...في...سور كبير ...كيفاش انا نقعد بخلي "
هز حواجبو " اوه...هايل ...ان شاء الله ديما هكا "
قرب منو و شد وجهو تقول يلوج في حاجة فيه ،يقلب فيه تقول مشبه عليه حد ايلي خلى معتز يخاف لا يكون عرفو
" تي شبيك ..!؟" بعدلو يدو " نحي يدك ..فاش تعمل "
" مافمة حتى امارة على وجهك .. يعني ليلة لبارح تعدت سلامات ...لا بونيا لا ضرب "
" علاش تحكي بالضبط !؟" عمل فيها بهلول رغم فاهم قصدو
" ايلي خلط على عشاه روتار....ماقالكش شبيك لتوا...ماتغشش وخلى الطاولة ومشى؟...مابعثلكش مساج وقالك ' انا اخر حاجة في حياتك تتفكرني !'...اه تعدات سلامات؟! " تبسم " ما سكرش عليك التاليفون !؟ "
"زياد !"
"اه ...مالا عامل حب عزيز ...مانتصورش الاومور تعدات لاباس وقت جيتها قصدي جيتو روتار "
ضربو ببونية بالطبيعة خفيفة وقعد يضرب فيه وزياد يحاول يهرب منو وهو يضحك "باش تتعلم تنقص من البلادة متاعك "
بعد عليه وهو يريڨل في دبشو "ايا برا اخدم و سيب عليك من الكلام الماسط متاعك "
"...هيا بون جورنااااي....برووو...فيسووور " بيبالو وهو يمشي ويوخر ..." بروفيسووور...هههه الليلة استدعاه و رضيه...ماتخافش ما نفسدلكش البروڨرام "
دارلو وهو يعض على فمو تالمون غلب عليه " زياد !" اما عينو جات على الكرهبة البيجو الزرقاء، كانو مركزين عليهم ووقت شافهم وعرفو ايلي شلق بيهم عملو رواحهم يحكو بينات بعضهم يتلفو ...وقتها معتز دورها في مخو ولقف الحكاية
"زياد....اسمع....شقولك توصلني للفاك "
وساعت عينو موش مصدق "انت ...باش تركب معايا ...وع الموتور !....لا مانصدقش ! ...اخر مرة ترعش ورايا كي القصبة في الريح "
"نتعلم...ميسالش ماهو " عين عليه وعين ع الكرهبة
"ههههه المرة الجاية تقلي هات نسوق ...اه...اخزرلي جاي ...تقلي والا لا !؟ "
عاود ضربو على كتفو " تي امشي برك ...باش نوصل روتار للفاك على حساب هكا "
"هيا ...حاضر عرفي ...شد الكاسك "
أنت تقرأ
💚✴حارس روحــي✴💚 ( كرونيك باللهجة التونسية: مكتملة )
Diversos★الاسم : حارس روحــي ( my soul guardian ) ★النوع : كرونيك ، اجتماعي ، رومنسي ، تشويق ، اثارة ، عائلي ..." ★الكاتبة : ň🅾D🅰 ★عدد الفصول " 46 " ★سنة الانتاج " 2018 " ★القصة " ✴تتعدى سنين على الفراق وماتخلف كان الوحش و الذكريات المنسية 🌸، يرجع بعد مد...
