💚✴حارس روحــي✴💚 ( كرونيك باللهجة التونسية: مكتملة )

🌺❇القسم 21 ❇🌺

يدها فيها القطن وهي تبكي  بالشهقة والصوت موش منجمة تسكت و تسيطر على حالتها ،خذى يديها بين صوابعو و مسحلها دموعها ، ها الطفلة مخليتو يتصرف بلا عقل وينسى روحو ، قلبو معاها ولى ياسر رهيف "كاميليا ...فاش قام ها البكاء الكل ...ياخا موش امك خذات حرابشها ورقدت...وزيد الطبيب قالك عادي ها الحالة تنجم تجيها...و فكرة تاخوها لطبيب نفسي فكرة حلوة تنجم تنفعها "

حاولت تحكي اما دموعها خلتها تشرق و ماتنجمش تقول كلمة  ، قربها منو و عنقها ، زادت في بكاها و كبشت فيه ،صوت بكاها قطعلو قلبو لدرجة حس بعينو تعبات بالدموع "يلا ويني صحافيتنا المزيانة ...يزي من البكاء ...والا باش نولي ننقبلك نهارك كي خالد "

بعدت عليه شوية ومسحت دموعها " سامحني " خزرتلو بعين خزينة ومكسورة " سامحني على كل شي ...عطلتك وخليتك تجي معايا و...و تتضرب جرايري ...خليني نشوف جرحك "

"انت سامحني....كنت نقسى عليك في الخدمة ونضغط عليك و لا نهار خممت في شنوة تنجم تكون انت تعاني والا شكون وراك تتلهى بيه .....كاميليا من اليوم مافماش خدمة بعد الوقت و الروتار عادي تجي وقت تحب ...وقت تجي حاجات كي هكا من غير ماتشاورني اخرج ...تستحق اي حاجة فلوس والا اي قضية تكلمني واذا سمعت ايلي انت كنت في ضيق وماكلمتنيش ...نتغشش بارشا وغشي ما تتخيلهوش "خزر لفتات الڨزاز و الفاز المكسرة " ايجا نلمو هذا "

شدتو من يدو  وصوابعها شعلو فيه اانار " لا ...تو انا نلمو "

وقفت وسيبتلو يدو اما خلات بقايع دم عليها اول ماراهم استغرب   "كاميليا ؟!"

دارتلو في بالها بيه حاجة  وهو مدلها كفو "هات يدك " خزرت ليدها موش فاهمة.. حلت فمها مرعوبة ، الحقيقة انو موش من دمها اما من الذكريات متاع هاك اللليلة ومعتز يحل وجه الراجل، الرعب الباين على وجها خلاه يحاول يهديها" مافمة شي يخوف ....تلقاك تجرحت كي خبيت على وجهك وقت امك ضربتك بالكاس ......ايجا اقعد....تو انا انظفلك الجرح ...باهي بلاش خوف عاد "

اطمن عليها وعلى امها وماروح الا ما خلاها مريڨلة وهدات ، طريق كامل وهو يرى في وجها بالدموع ، مانجمش ينحاها من خيالو ، ليوم بالذات حس معاها احساس اخر ، ناحيتها فمة كمية متاع مشاعر قاعد كل مرة يكتشف فيها ، الشي جديد عليه ماعمرو ما عاشو ، دور المفتاح في الباب ودخل ،وقت جاء ينحى الفاست متاعو حس بوجيعة بين اكتافو ، طبيعي بعد ضربة الصحن المرتدة ،حرك كرومتو ومشى باش يقعد ، تصدم وهو يرى في شكري قاعد ويترشف في قهوة
"كيفاش دخلت !؟ "

"دار ولدي و انجم ندخللها في كل وقت "

غمض عينيه بقلة صبر من بعد قعد " والقهوة "

"اه...القهوة...جبتها معايا ...لانو نعرف في دارك ماتملك كان جهامتك هاذي"خزرلو وهو عاضض على سنونو ،يعرف مليح ايلي ولدو موش طايق يشوفو " في بالي عندنا موعد مع بعضنا ، سيادتك ناسيه والا متناسيه "