🌹عاهرة السيد🌹
(بقايا أنثى عاشقة)
البارت 20🥀🥀
بقلم : سلطانة القلم (اكرام)🌿
لا احلل النشر قبل اخد الاذن و الاحتفاض بالبوسط....
بقا آسر مراقبها حتا دخلات و ديمارا و مشى بحالو و هوا ساخط على الوضعية اما شمس غير دخلات طلعات لبيتها نيشاان تلاحت فوق سريرها بحوايجها و هزات تيلي بدااات تاتصوني لسيلين و هيا تقطع عليها بتسمات باستهزااء.. فينما كاتبغيها تكون فجنبها ماكاتلقاهاش...
ماهيا الى لحضاات حتا بدا تيلي ديالها كايصوني شافت النمرة كانت ديال ماجدة جاوباتها بصوت عيان
شمس : ويي ماجدة
ماجدة : (باستغراب) شمس واش صافا؟؟
شمس : (بعد صمت) ماجدة تجي عندي للدار؟؟
ماجدة : (بالزربة) واخا عطيني العنوان..
شمس : انخليه ليك فميساج
ماجدة : اوكي باي حتا نتلاقاو...
قطعات شمس معا ماجدة و هزات تيلي صيفطات ليها العنوان و دخلات للدوش دوشات و دارت روتين ديالها و لبسات بيجامة فالغوز سروال و تيشورت ديالو جمعات شعرها كوب شوفال و لبسات بانطوفتها فرجليها و مشات تكات فوق سريرها و راسها كايخمم...
ماهيا الى لحضات حتا سمعاات دقاان فباب بيتهاا
عطات الإذن بالدخول و دخلات واحد الخدامة كاتبتاسم لشمس...
تيليلا : ختي شمس واحد البنت سميتها ماجدة باغا تشوفك
شمس : عفاااك طلعيها لعندي
تيليلا : واخا اختي...
شمس : شكرا
بعد دقائق تحل الباب بشوية و دخلات ماجدة و هيا تاضحك
ماجدة : كوكووو شميسة
هزات فيها شمس راسها و ناضت قافزة لعندها تلاحت عليها بتعنيقة
شمس : الحب جيتي توحشتك يا الموصيبة 😍
ماجدة : (بالزربة) اه اه حتا انا عاودي ليا دغيااا اش واقع؟
شمس : (خنزرات فيها) شتك زربانة مالك على حالتك.. مي ماشي موشكيل الالة اصلا انا عيطت ليك باش نعاود ليك...
كلسو البنات فوق الناموسية و بدات تاتعاود شمس كولشي من طاق طاق حتال سلام عليكم و ماجدة كاتسنط ليها باهتمام...
ماجدة : (بصدمة) شمس واش عارفة اش كايعني هادشي لي تاتقولي ليا؟؟ خويا را بصح طايح فيك.. هادشي لي تاتقولي ليا مستحيل نصدقو خويا عارفاه و عمرو دار هاد الحالة على قبل شي وحدة كاع العلاقات لي دوز كانو علقات عابرة و صاف و هوما لي كانو كايتلاحو عليه و هوا ماكانش مسوق ليهوم.. شمس خويا را بصح كايهتم بيك و كايبغيك و هادا اكبر دليل على هادشي لي كانقول لك عطيه فرصة عفااكبغيتك تكوني مرات خويياا ا شمس...
شمس : (بخجل) تي دغيا دخلتي فموضوع زواج ههه
ماجدة : هههو علاش لا علاه كاين شي واحد كاره يدي هاد زين كامل بلفرحات عليه يديك اختي ههه
قاطعهوم صوت دقان فلبات عقدات شمس حجبانها و عطات الإذن بالدخول و دخلات الخدمة ديال قبيلة هازا فيديها بوكي ديال الورد فالغوز تايحمق
تيليلا : ختي شمس هاد البوكي بسميتك
شمس : (طرطقات عينيها) هاد البوكي ليا انااا؟
تيليلا : اه اختي
مداتو ليها البنت و ستادنات منهوم و خرجات فحين شمس كاتشوف فالبوكي باعجاب و منها مستغربة فشكون لي مسيفطو...
ماجدة : اوووووه بان ليا عندك معجبين بزاف ااا.. شوفي شوفي هاهيا بطاقة شوفي اش مكتوب فيهاا..
خرجاتها شمس من الورد و بدات تاتقرى فيها بصوت مسموع
شمس :
إليك يا من أحبك قلبي كتبتك للشعر نبضا ونثرتك في الخيال شعور رسمتك صوره في داخل عيوني معلقها ونسجت أسمك بقلبي وانت حرفك من ذهب محفور وعطيتك كلمة لغيرك ما أقدر انطقها .. أحبك يا حياتي... آسر
ماجدة : (نترات ليها البطاقة من يدها) نووو مايمكنش وااش خوياا لي سيفطها ليك نووو اكيد كاين شي غلط ولا كانحلم ولا... اويلي فلتشهد يا تارييخ...
شمس : (تاتبتاسم و تشم الورد) كل نهاار كايزيد خوك يكبر بعيني ا ماجدة كايسطيني بالتصرفات ديالوو
سمعات تيلي كايصوني هزاتو كان آسر رسمات ابتاسمة فرح على شنايفها و جاوبات بصوت خافت انوتي...
شمس : الو آسر
ماجدة غير سمعات آسر ناضت تخشات فيها كاتصنت
آسر : حبيبة ديالي عجبك الورد
شمس : (بخجل) اه شكرا بزااف
آسر : مزالا مقلقة مني ا حياتي
شمس : ههه لا مامقلقاش منك لي فات مات غير ماتعاودش..
آسر : سمحي ليا ا حياتي خسرت الخرجة ديالنا كنت باغيك فموضووع اخر مي ماعليش
شمس : (بفضوول) اشمن موضووع؟؟
آسر : احم نتي عارفة بلي انا وياك باغين نعطيو فرصة لعلاقتنا باش نزيدو نتعرفو على بعضياتنا كتر و نطورو هاد العلاقة هادشي علاش فكرت قلت علاش مانديروش انا وياك شي رحلة نبدلو الجو و فنفس الوقت نزيدو نتقربو من بعضيياتناا اش باان لك؟؟
شمس : صراحة فكرة زوينة مي ماعرفتش اش نقول لك اول حاجة بابا ما..
آسر : (قاطعها) باباك خليه عليااا انااا ايوافق ماتخافييش ا كبيدة...
شمس : امم خليني نفكر و نرد عليك...
آسر : واخا ا حياتي مي عفاك حاولي توافقي.. نخليك دابا راني فالخدمة...
#يتبع
أنت تقرأ
عاهرة السيد
Romance🌹 #عاهرة_السيد 🌹 ( بقايا أنثى عاشقة ) شمس _ اسر 🥀 ملاحضة : القصة فوق 🔞 اللهم اني قد بلغت فاشهد صحابات كيلوتي سر سعادتي وا اخواتها بلاصتكوم ماشي هناا 🚫 هوا يقول : ساغتصبكي .... و اجعلكي دميتي ... ساعذبكي حتا أديب فؤادك ... لن يكون هناك مجال للر...
