🌹عاهرة السيد🌹
(بقايا أنثى عاشقة)
البارت 14🥀🥀
بقلم : سلطانة القلم (اكرام)🌿
لا احلل النشر قبل اخد الاذن و الاحتفاض بالبوسط....
بعد دقائق معدودة....
نزل آسر بلباسو الأنيق و عطرو الرجولي لي ملئ المكان و هوا هاز تيليفونو فيدو تايخربق فيه و عاقد حجبانو و شمس ساهية فيه و ابتسامة بلهاء على شفايفها بقات مخرجة فيه عينيها حتا كلس قدامها و هوا كايرشف من القهوة ديالو... ماقاطعها من سهوتها غير صوتو الروجولي الحرش....
آسر : كي صبحتي مزيانة؟
شمس : (بامتنان) ااه شكرا بزاااف خيرك عمري نسااه
آسر : (قهقه بروجولة) ههه ماعندك لاش تشكريني درت غير الواجب
شمس يااااااه ضحكتك زوينة...😍😍
آسر : (كايشوف فعينيها) و نتي أجمل
شمس : (توتراات) امم.. اناا.. خصني نمشيي نوجد راسي... الليلة كاينة حفلة
آسر : وي فكرتيني كنت ناسي (ناض وقف) الى ساليتي فطورك نوضي نوصلك
شمس : (بشوية) انشد طاكسي بلا مانعدبك
آسر : (تم غادي) اندير بحال الى مسمعت والو.. نوضي نوصلك
بتسمات شمس و هزات تيلي ديالها دارتو فجيب و تبعات آسر و هيا سااهية فضهرو العريض...
توقف آسر عن المشي و دار عند شمس لي كانت ساهية مارداتش البال حتا دخلات فصدر آسر.. كانت اترجع للور و لكن حكمها من خصرها و زاد قربها ليه...
طلعات فيه شمس عويناتها و هيا تاتبلل شنايفها و آسر مركز مع كل حركة كاديرها
آسر : (بتاسم) بشوية عليك..
شمس : هاااه؟!.. اه سمحلي سهيت.. هه
فلتات شمس من بيت يديه و حنيكاتها حمرين و بتسامة خفيفة على شفايفها...
آسر خشى يدو فالجيب و جبد تيليفونو مدو لشمس
آسر : احم.. قيدي ليا نمرتك
خدات من عندو تيليفون و هيا حانية راسها و بدات تاتقيد فنمرتها.. ملي سلات رجعات ليه تيليفون و هيا تاتبتاسم..
حل آسر باب اللوطو لشمس و طلعات و هيا دااايبة ف تصرفاتو (وااغييير زيدي ابنتي اتندمي على نهار لي عرفتيه فيه 😂)
ركب آسر حتا هوا و ديمارا اللوطو.. طول طريق و هوما ساكتين آسر مركز مع السوكان فحين شمس كاتشوف فشرجم باش تفادى تشوف فيه شحتا وصلو...
آسر : احم وصلناا...
شمس : ااه شكراا بزااف
جات شمس تنزل و شدها آسر من يدها حتا دارت كاتشوف فيه باستغرااب...
قرب لعندها حتا ولاو يتنفسو انفاس بعضيياتهوم و طبع قبلة خفيفة على خدها
آسر : (بهمس) نشوفك فالحفلة
طلقها آسر و نزلات و هيا تاتجري و شادة فحنكها بدات تادق الباب بالجهد حتا حلات عليها دادا زينب يلاه بغات تبدا عليها بالنكير حتا طارت شمس من قدامها بحال ريح و طلعات فالدروج
دخلات لبيتها و سدات عليها الباب بالساروت و طاحت حداه كاتنهز
شمس : اووووف... قلبي شوية و كان ايخرج... نارييي تايدوبني تصرفاتو و جريييئ بلا قياااس اففف صراحة الف وحدة تتمناه فيه كاع موصافات الرجل الميتالي مافيه حتا شي عيب و صراحة بلا مانكر انا معجبة بيه و خايفة يتحول اعجابي لحب من طرف واحد...
تنهدات شمس و ناضت وقفات على رجليها دارت تيليفون يتشارجا و مشات تلاحت فوق سريرها و هيا ساهية تاتشوف فسقف حتا جاتها فكرة و بدات تاتبتاسم...
هزات تيليفونها سيفطات ميساج ل سيلين كتأكد عليها باش تجي للحفل لي ايتنضم ف فندق 5 نجوم و عيطات على كوافير كاتعرفها طلبات منها تجي عندها للدار هيا و طقمها باش توجدها للحفل... بعد ما قدات نص غاراضها جمعات شعرها كوب شوفال و هزات صاكها و خرجات من بيتها كاتجري نزلات فالدروج و خرجات من الباب بان ليها الشيفور واقف كايمسح طونوبيل توجهات لعندو و ركبات فاللوطو و طلبات منو يديها للمول دير شوبينغ....
#تسريع_الأحدات
بعد دقائق وصلات شمس للمول و دخلات طايرة حيت باقي عندها بزاف مايدار دخلات لواحد البوتيك ديال ليغوب سواغي عيات بالتقلاب و مالقات والو حتا طاحت عينيها على واحد لاغوب من زينتها (خليوها مفجاة 😁)
و بدون ماتردد ولا تانية شراتها.. خلصات بالكارد كيشي و خرجات تاتزرب فخطاويها توجهات لبوتيك ديال صبابط طالون و خدات واحد لي يتوافق مع لاغوب ديالها...
رجعات عن الشيفور رجعها للدار و طلعات لبيتها حطات لبلاستيكات فالأرض و لبسات بيجامة بالخف و نزلات للتحت دخلات للكوزينة....
#يتبع
أنت تقرأ
عاهرة السيد
Romantizm🌹 #عاهرة_السيد 🌹 ( بقايا أنثى عاشقة ) شمس _ اسر 🥀 ملاحضة : القصة فوق 🔞 اللهم اني قد بلغت فاشهد صحابات كيلوتي سر سعادتي وا اخواتها بلاصتكوم ماشي هناا 🚫 هوا يقول : ساغتصبكي .... و اجعلكي دميتي ... ساعذبكي حتا أديب فؤادك ... لن يكون هناك مجال للر...
