💕عاهرة السيد💕
(بقايا أنثى عاشقة)
البارت 91
بقلم : سلطانة القلم (اكرام)
لا احلل النشر قبل اخد الاذن و الاحتفاض بالبوسط...
شفت راسي فالمراية عجبني رااسي اليوم نزييد نطيح باباه ههه
البنت 1 : مدام مسيو آسر كايتسناك لتحت!!
انا (تبسمت ليها) واخا شكراا
هزيت جلايلي و تميت خارجة من البيت بشوية علياا و انا نازلة فالدروج كي شي اميرة حتاا بان ليا الحيبان ديالي واقف قدام الدروج بطقم اسود جاا كايحمق احح اميمتي نتابهت ليه غير شافني بقاا حااال فموو مبهووض ههه ضحكني..
بتاسمت ليه بحب و وقفت قدامو و هوا شد ايدي برقة و باسها بشوية و نضراتو كلها حب ليا..
آسر : جيتي كاتحمقي يا الاميرة ديالي
انا : (تبسمت) شكراا...
آسر : لو رأكي القمر لا خجل من نفسه..
ماجيت فين نحل فميي حتاا سدو ليا ببوسة خفييفة حلوة و هزني بين يديه و تم غادي بياا و كل واحد فينا ساهي فعيون لاخر!!
حطني فاللور ديال اللوطو و كلس حدايا و خلا الشيفور هوا يسوق بيناا و كل شوية كايقجني ببوسة حتا وليت نطلب معاه الشرااع!!
بعد دقائق حسيت باللوطو توقفات و حل الشيفور ل آسر الباب حتا نزل و ماد ليا يدو و هوا كايبتاسم ليا و حتا انا مارديتهاش فوجهو و مديت ليه يدي و خرجت بشوية عليا و انا كانقرقب بالطالون و آسر حاط يدو على خصري مزيرني لعندو..
هزيت عينياا بان ليا واحد اليخت كبييير فالمينااء عجبني شكلوو و فرحت حيت انركبوو يخت!!
هزني آسر بين يديه حتاا طلعناا لليخت و حطني هه حيت عارفني ماغانقدرش نطلع بوحدي بديك لاغوب و الطالون من الفوق...
بقينا طالعين فالدروج ديال اليخت حتا وصلنا للسطح ديالو و هناا حلييت فميي فالمنضر الرومانسي لي كان تم بقيت غير كانشوف و انا مخرجة عينياا ههه كترو عليا المفجأت اليوم!!
جر ليا آسر كرسي حتا كلست و كلس مقاابل معاياا و انا كانضور فعويناتي حتا هز يدي و باسهاا!!
آسر : عجبك ا حبيبة؟
انا : (دبت فيه) بزاااف وااو
آسر : (بتاسم ليا) هادي غير البداية احياتي!!
جات واحد البنت من الخدم و هيا هازة فيديها جوج اطباق و حطاتهووم قدامنا و زولات الغطاا و كبات لينا جوج كيسان ديال النبيذ و نسحبات فهدوء...
بدييت كانسمع فصوت الكماان كايتعزف بواحد الطريقة زوينة بزااف كاتخليك ترتااح..
بقيت كانسمع ليهاا و آسر كايوكلني بيدوو و هوا كايتبسم ليا و انا كانشوف فيه و سارحة فالموسييقاا حتا كملت و نااض وقف و شدني من خصري و نوضني بشوية و انا فهمتو اش باغي يدير..
ضور يديه على خصري و انا ضورتهوم على عنقوو و حاضية لانتقصح فيدياا و بدينا كانتمايلوو على اقااع الموسيقار و جبيينو فوق جبينو و كانتنفسو من نفس بعضياتنا...
شوية طلق مني و بعد جوج خطوات اللور و اناا كانشوف فيه باستغراب مافهمتش اش باغي يصنع..
شوية تحنااا على ركبتوو و خشاا يدو فجيبو و جبد بواطة شكلهاا زويين بزااف فالحمر و حلهاا و باان خااتم د الألمااس و مع الحلة تحل فمي تصدمت و حطيت يديا على فمي..
بقيت غير مصدومة و قلبي حاسة بييه ايخرج و الدموع بداو تايطيحو لياا من عينيا..
آسر : (بجدية) حبيبة روحي و شمس دنيااي وااش تقبليي تزوجي بياا و تولي مرتي على سنة الله و رسوله؟؟
من كترة الصدمة بقييت غيير كانبكي و نمسح دمووعيي فجأني صراحة!!
آسر : ههه وااش اتخليني نتسنا بزااف را ضراتني ركبتي هههه!!
انا : (كانمسح دموعي) هه اه قاابلة.. قابلة!!
ناض وقف على ركاابيه و حاسة بيه الفرحة اتخرج ليه من عينيه.. ركب لياا الخااتم لي جاني هواا هااداااك
مزالني كنتأمل فييه حتاا حسييت برااسي مهزووزة و آسر كايضور بيا و يغووت و اناا بدييت كانضحك و نضرب فيه بشوية باش يحطني حيت بديت كاندوخ ههه!!
#يتبع
أنت تقرأ
عاهرة السيد
Roman d'amour🌹 #عاهرة_السيد 🌹 ( بقايا أنثى عاشقة ) شمس _ اسر 🥀 ملاحضة : القصة فوق 🔞 اللهم اني قد بلغت فاشهد صحابات كيلوتي سر سعادتي وا اخواتها بلاصتكوم ماشي هناا 🚫 هوا يقول : ساغتصبكي .... و اجعلكي دميتي ... ساعذبكي حتا أديب فؤادك ... لن يكون هناك مجال للر...
