عاهرة السيد

البارت 95

🌼عاهرة السيد🌼
(بقايا أنثى عاشقة) 
البارت 95
بقلم : سلطانة القلم (اكرام)
لا احلل النشر قبل اخد الاذن و الاحتفاض بالبوسط...

بعد 8 سنوااات________
نور : طاطاا طااطاا فيين ماما و بابا؟! 
ماجدة : (كاتضور فعينيها) ماعرفتش ابنتي صبري شوية دابا يجيو (كاتغوت) يزن بشوية علييك داباا طييح
مروان : (كايضحك) ههه خلي عليك الدري يلعب واش ايبقا كالس غير حدااك ههه
ماجدة : نتااا غير سكت بسبابك ولاا بحال هكاا خرجتي ليا عليه 😤
مروان : (شدها من خصرها) همم حبيبة اش بان ليك نزيدو شي وليد ولا بنية يعنرو علينا همم 😉
ماجدة : و يزن ماكافيكش واقيلا؟! اوا باركة حتا يكبر شوية مزال!! 
مروان : هههه اشمن حتاا يكبر ماشفتيش نتي خووك لي مامشاا حتاا حملهاا بتلاتة ديال الولااد و بلا مانساو دوك التوام باش حاملة دابا 😂😂
ماجدة : وااااع اتكون كاطلب معاه الشرع مسكينة😂😂
شمس : (قاطعاتهوم) بحااال الى حابو ليا ودنياا سميتي.. 
ضاروو بجووج لقاو آسر شااد فشمس لي كرشهاا سابقاهاا و جايين لعندهوم!! 
آسر : (شاد الضحكة) غيير خليهوم ا حبيبة رااه كايغيرو منااا
شمس : (كاتخنزر) غير طلقهاا.. 
بمجرد مانطقات بداا آسر كايضحك بهسترية و تبعوه مروان و ماجدة كايضحكو على شمس لي ردهاا كيف القنية يلااه كاتقول هاني ولدت تهنيت حتاا كايلسق ليها آسر تاني شي كرش!! 

و هوما مزال كايضحكو سمعات شمس صوت غواات ولدهاا أركان ضورات راسهاا لقاتو طايح فالأرض غير شافتوو ناضت بالزربة لعندوو كاتجري مع انها فشهرها التامن داباا حتاا وصلات لعندو و كلساات فالأرض حدااه ر هزاتو لعندهاا عنقاتو كاتسكت فيه و تمسح ليه دموعو..
شمس : (بحنان) أركااان ماالك احبيبي كاتبكي همم وااش طحتي ا حبيب ماماه؟ 
أركان : (تايبكي) اهء اهء تييحاتني نووول
هزات شمس عينيها فنور لقاتهاا تادمع حتاا هياا..
نور : اهئ اهئ مادرتهااش بلعاانيي سمح ليااا
لاحت نور la trottinet ديالها و مشات تاتجري و هياا تاتبكي لعند آسر و تلاحت فحضنو!! 
شمس : الماس شنو واقع ا حبيبة همم؟ 
الماس : أركان كان باغي la trottinette ديال نور ا ماما و شمس مابغاتش تعطيه حيت كبيرة عليه و خافتو يطيح و باش تبعدو من طريق دفعاتو و طاح!! 
تم جاي لعندهوم آسر و هوا هاز نور و مخنزر فشمس.. 
آسر : (كايغوت) شحااال من مرة قلت لمك ماتبقااايش تجريي و كوون طحتيي و وقعات ليم شي حاجة فين انوليو.. 
شمس : (تعصبات) وااش ماشفتيش ولدك طااح شنوو بغيتيني نبقاا كالسة كانتفرج فييه؟
آسر : (مسح وجهو) موصيبة معااك ا شمس شي نهاار تسكتي ليها القلب بهاد الفعايل!! 
شمس تجاهلاتو و ناضت بشوية و هيا شادة فكرشهاا بغا يعاونها تنترات منو و شدات فيد أركان و الماس و تمات غادية بيهوم عند مروان و ماجدة و كلساتهوم حداهاا..

اكييد اتكونو فهمتو بعض التفاصيل نور و الماس و أركان ولاد شميسة و آسر
و طبعا كيف عارفين نور كانت هياا اولد مولودهوم و هيا الكبيرة فخوتها عندها حاليا 9 سنين و تبعاتها الماس الوحيدة لي خرجات تاتشبه لآسر فولادو هه عينيهاا صفرين بحال آسر و شعرها اشقر عندها 5 سنين و عااد أركان لي هوا الصغير فعمرو عامين و نص و حتا هوا خرج كايشبه لشمس شكلا عينين زورق و شعر اشقر...
اما ماجدة و مروان عندهوم طفل واحد لي هوا يزن فعمرو 7 سنين خارج كايشبه لمروان فكولشي!! 
كلس آسر حداا شميسة لي كانت غضبانة منو و فحجرو كالسة نور مكمشة فباباهاا و كاتشوف فماماها بنص عين سحاب ليها غضبانة عليها!!
نور : (همسات فودن باباها) بابا واش ماما مقلقة مني؟؟ 
آسر : (بهمس حتا هوا) لا ا حبيبة ماماك مقلقة مني انا حيت غوت عليهاا هه!!
نور : (بصوت طوفولي) همم اواا نووض تصالح معاهاا لا تغضب علييك تاني و تسد عليها تاني البيت سيمانة!! 
آسر : (تخلع) واهادي تاني عندك فيها الحق (مع راسو) المادام مامعاها اللعب!! 

حط آسر نور و مشا لسق مع شمس لي كانت كاتدوي مع أركان و المااس و ضحك معاهوم حتا حسات بيه لسق عليها تاني كايبوس فيها..
آسر : (بحب) حبيبة ديالي مقلقة مني همم؟
تجاهلاات تاانيي شمس آسر و ناضت من حدااه بعد ماشد ليها أركان فيدهاا باغيها تقلب معاه على الكورة ديالو حتا بدات كاتحس شمس بالمااا هابط منهاا شوية بداا خرييق مجهدد كايامل فييهاا شي لي خلااهاا طيح فالأرض ر تبدااا تغووت بالجهد... 
شمس : اااااااه يااااربييييي اااااي
آسر غير شافهاا مابقاا عارف مايقدم مايوخر نشا لعندها بالزربة و تحنا لعندهاا و وحهو رحع صفر بالخلعة حتا مت ماجدة و مروان ضارو عليها و هونا مخلوعين و الولاد ملي شافو ماماهوم فديك الخالة بداو تايبكيو.. 
ماجدة : (مخلوعة) آسر المااء هبط منهاا ماعندهااش الوقت اتولد دااباا نووض عيط لشي طبيبة تجي تولدهاا هياا ماتقدرش تصبر حتاال السبيطار..
آسر : (مخلووع) شمس حبيبة بااش كاتحسيي حبيبة واش نتي لاباس؟؟ 
شمس : ااااي اهئ اهئ يا ولد الحرلاام اهئ وااااااع اف اف عطيني يدك.. 
آسر بدوون مايفكر عطااهاا يدوو و شمس غير شداتهاا مشات بيها ديريكت لفمهااا شبعات فييهاا عضاان و هوا صابر ليهاا و مروان ملي شاف آسر مخلوع مع شمس هز تيليفون و عيط لطبيبة.. 
ماجدة : آسر راني عيطت لطبيبة هزها طلعهاا الفووق دغياا!! 
هز آسر شمس بين يديه و تم غادي بيها و هوا كايزرب فخطاويه و طلعها لبيتهوم و حطها فوق السرير و هيا كاتغوت لربي لي خلقهاا و تنتف و ضرب فييه رداتو كي الدجاجة المنتوفة و هوا صابر ليهاا مسكين و كايهدن فيهاا...

#يتبع