🌹 عاهرة السيد 🌹
(بقايا أنثى عاشقة)
البارت 8 🥀🥀
بقلم : سلطانة القلم (اكرام)
لا احلل النشر قبل اخذ الاذن و الاحتفاض بالبوسط....
أحبك ❤️..
بعينين 👀 تعشق النضر اليك 🌺..
أحبك ❤️..
بلسانا لا يكتفي من الغزل " بك🌻..
أحبك ❤️.. الى ما بعد الحب🌿..
بعد، ساعة تقريبا..
بدات شمس تاتحل عيونها الزروق بشوية و بتقاالة بقات شحال تاتشوف فالسقف حتا تفكرات كولشي و هيا تقفز كالسة نزلات عينيها لقات راسها مزال بحوايجها و هيا تنفس براحة
بلسان شمس
حليت عينيا و انا متخوفة من الكابوس لي مريت منو تفكرت كولشي هاد الليلة فكراتني فاوجاع الماضي من هادشي كولو ماعرفتش واش بصح داكشي لي شافتو عينيا مستحيل يكون اسر هوا لي عتقني اكيد كانتخيل ...
قاطع تفكيري صوت الباب لي تحل و دخل بخطواتو الموزونين اه هواا و الله الى هوا ماكنتش كانخيل كان هوا بصح
كلس حدايا فالسرير و هوا ساكت و مطلع حاجب
زول ليزار فوقي و حط يدو فوق ركبتي و انا نهربها بالم
انا : ااااه
هز راسو فيا و انا عاضة على شفتي و ملامحي كايوحيو على الألم
آسر : (عاقد حجبانو) اش كنتي كاديري هاد الوقت فالزنقة
انا : (متوترة) اناا؟ امم ك كنت ك.. كنت..
اسر : (خنزر) كنتي اش.. (غوت)هضريي ..
قفزني بصوتو و بديت تانبكي ماعرفتش علاش تصرف معايا هكا مادرت حتا شي حاجة تستاحق هاد المعاملة كنت غير على سبة و كنت محتاجة نبكي باش نتجاوز هادشي لب داز عليا اليوم..
بقيت كانبكي و نشهق و انا حانية راسي ماحسيت حتا لقيت راسي مخشية فصدرو و زاد زيرني كتر تصدمت بقيت غير مخرجة عينيا... اويلي ياكما تانحلم اش هادشيي تزعزت انااا
آسر : (بحناان) ششش ماتبكيش ...
حسيت بقلبي كايضرب بجهد من بعد هضرتو اول مرة كاتسلل لقلبي هاد المشاعير ماعرفتش علاش تبسمت و بادلتو العناق و انا حاسة براسي انطير من الفرحة
بعدني عليه و شد فكتافي و بقا كايشوف فيا و باس جبيني بقبلة خفيفة زااادت الصدمة ديالي و بقيت غير كانبحلق و حناكي حسيت بيهوم ايطرطقو بالسخونية و بدون شعور عضيت شفايفي بقوة من الايحراج لي تحطيت فيه و قلبي كايشطح الركادة
شوية بدا تايقرب مني و انا مبنجة اويلي اش ناوي يديير
آسر : (بهمس) ماتبقايش تعضي شنايفك
انا : هااه؟؟
اسر : (غمزة)
هيييييه اويلي و الله حتا غمزني 😳😱
بقيت تانشوف فيه اش غادي يدير هز رجلي لي مجروحة بشوية فوق رجليه و هز سروال بشوية حتا بانت جرحة حل علبة الايسعفات و هز معقم دار شوية فالقطن و نضف ليا الجرحة بلا مانحس و ضور الفاصمة على رجلي
جمع ليا خصلات كانو طايحين على وجهي و انا غير تانشوف فيه هز فاصمة صغيرة و حطها على الجرحة الصغيرة لي كانت فجبهتي..
آسر : (ناض) احم هادو حوايج ليك لبسيهوم و نزلي تعشاي
انا : (بتوتر) شكرا مي خاصني نمشي بابا ايتشوش عليا مانقدرش نبقا كتر
آسر : اتمشي فهاد الحالة ؟ كنقتارح عليك تبقاي حتال غدا ماجاتش تمشي لداركوم فهاد الحالة عيطي ليه و قولي ليه اتباتي عند شي صاحبتك..
انا : لاا.. لا خاصني نمشي عفاك
اسر : (بصرامة) شمس هضرت معاك حتال غدا و سيري
انا : واخا 😞
#يتبع
أنت تقرأ
عاهرة السيد
Romansa🌹 #عاهرة_السيد 🌹 ( بقايا أنثى عاشقة ) شمس _ اسر 🥀 ملاحضة : القصة فوق 🔞 اللهم اني قد بلغت فاشهد صحابات كيلوتي سر سعادتي وا اخواتها بلاصتكوم ماشي هناا 🚫 هوا يقول : ساغتصبكي .... و اجعلكي دميتي ... ساعذبكي حتا أديب فؤادك ... لن يكون هناك مجال للر...
