💕عاهرة السيد💕
(بقايا أنثى عاشقة)
البارت 86
بقلم : سلطانة القلم (اكرام)
لا احلل النشر قبل اخد الاذن و الاحتفاض بالبوسط...
بعد ماخيطات الطبيبة لشمس الجررح تحنى آسر لعندهاا لقاهاا نعساات بسبب التعب و الصدمة لي تلقات هاد النهاار..
باسهاا فرااسهاا و نااض مشا كلس حدا مروان بعيد شوية على شمس باش مايفيقوهااش!!
مروان : ههه فخبارك كون شي واحد قاال ليا هادشي لي شفت بعينيا غيير من دابا شوية و الله لا تيقتوو هه طحتي ا العشيير طيحة خااايبة هههه!!
آسر : (تنهد) ختك قلبات كااع موازين حيااتيي ا مرواان تخيل وليت فين مانغمض عينيا كاطيح ليا صورتهاا بين عينياا ولييت مدمن على ريحتهاا بحال الأكسجين الى ماشميتهااش انتسطاا و بعدها عليها كايعدبنيي وليت مهووس بيهاا!!
مروان : (مصدوم) لهااد الدرجة؟؟
آسر : (باستهزاء) هه و كتر كااع واخا نعياا مانعبر ليك مانقدرش نوصف ليك درجة عشقي لختك..
مروان : (معجب) ييه و اش ناوي دير معاها؟
آسر : ههه عندها جوج اختيارات ياا تسامحني بخاطرهاا يا نخطفهاا ممنوع تبعد عليها!!
مروان : ههه لالا نتا الدرية حرقات ليك لفيزيبلات ديال راسك مافيهااش خخخ!!
آسر : (بصوت روجولي) لمن خليتي بنتي؟
مروان : (حنحن) اححم خلييتهاا مع دادا زينب المرا لي كبرات شمس ماتخافش راها تيقة!!
آسر : همم واخاا (طلع حاجب) فين حوايجي؟
مروان : وا آسر الله يهديك ا صاحبي كلس حتال غدا و خرج مال راسك قاصح
آسر : (ببرود) نوض جيب ليا حوايجي عارفني مزيان ماكانحملش نعاود الهضرة جوج مرات!!
مروان : و شمس حتا هيا اتخرجها؟
آسر : اه انخرج مرتي عندك شي مانيع؟
مروان : ههه وابااز اصاحبي دغيا رديتيها مرتك؟
آسر : هه و شنوو انا وختك بيناتنا بنت راها ولات محسوبة عليا (غمزة) 😉
ضحك مروان و نااض خررج يمشي يجيب حواايج آسر..
بعد دقائق رجع و بين يديه حوايج و تيليفون آسر عطاهوم ليه و خرج مخليه يبدل على راحتوو!!
لبس آسر حوايجو و بقا كايشوف فديك الفاصمة لي مضورين على راسو و زفر بدييق.. حول نضرو لمحبوبتو لقاهاا مزالة نااعسة تبسم بحب و قرب لعندها بشوية و طبع قبلة على شنيفاتهاا و هزهاا بين يديه بشوية جاتو خفيفة بحال شي ريشة!!
حل الباب و تم خاارح فيهاا و هوا ساهي كايشوف فيها حتا وقفو مروان!!
مروان : اش كادير ا صاحبي راك مزال مريض و هازهاا (مد يديه باش ياخذهاا) عطيها ليا!!
آسر : (بعدها عليه مخنزر) حيد اديك عليها مرتي و قاد بيها عندك شي موشكيل؟؟
فاتو آسر و خلاه مبرق فيه عينيه و كايشوف فيه بصدمة شافو قرب يفوتو و هوا يتبعو كايزرب فخطاوييه!!
خرج آسر برات المشفى و كاع الأنضار عليهوم حلو ليه ليكارد الباب ديال اللوطو و حط شمس بشوية فاللور و دخل كلس حداها و رجعها لحضنو معنقها و خاشي وجهو فعنقها!!
مروان : فين غادي بيها ا العشير؟
آسر : (باس شمس) للداري سير جيب نور للدار المعلومة!!
مالقا مروان باش يجاوبو و مشا ركب فاللوطو ديالو و ضيمارا فحين السائق ديال آسر ضيمارا حتاا هوا و الوجهة القصر ديال آسر!!
بعد ربع ساعة ديال الطريق وقفات اللوطو ديال آسر قدام القصر ديالو لي كان جاب لييه شمس اول مرة..
حل ليه الشيفور الباب و خرج آسر و بين يديه شمس و حلو ليه الخدم الباب و تم داخل فيهاا و هوا كايشوف غير فيها و الخدم كايوشوشو من مورااه!!
طلعها فالسانسور حتاا الجناح ديالو و حل باب جنااحو و حطها فوق السرير برفق و حيد صباطو و تكا حداها و هوا كايلعب بشعرها الاشقر و عينيه علييهاا و على فمو تبسيمة صغيرة كاتعجبو و هيا ناعسة!!
بقا كيتأمل فيها مايقارب نصف ساعة بدون ملل حتا سمع دقات خفاف على الباب.. عقد حجبانو و تاض بشوية حل الباب و هوا مخنزر!!
كانت واحد الخدامة واقفة و خايفة نوعا ما و حانية راسهاا..
الخدامة : سيدي سي مروان راه جاا وو...
آسر : (قاطعها مخنزر) سيري لشغلك
ماعاوداتش معاه الهضرة تمات غادة راجعة بحالها و آسر سد موراه الباب و نزل فالسانسور حتاا الطابق تحتاني و خرج مشا نيشان للصالون لقاا مروان هاز بين يديه نور و معاه صاك ديالهاا..
غير شاف آسر نور حيد التخنزيرة و رسم ابتسامة صغيرة على شفايفو.. توجه بخطوات سراع ناحيتهاا و هزهاا بين يديين مروان و هوا كايلعب، بيها فالهواا و هياا كاضحك و تكركر عاجبها الحااال..
آسر : اوبلااا الحبيبة ديال باباهاا (باسها) موااح توحشتك ابنتي!!
كلسها آسر فحجرو و بقاا كايضحك و يلعب معاها و يبوسهاا و كل شوية كيتأمل ملامحهاا لي كايشبهو ملامح شمس..
مروان : (مبتاسم) كاتشبه ليها يااك؟!
آسر : (تبسم) بزاااف هه تقول انا غير مسخر!!
مروان : ههه صراحة دازت عليهاا ففترة الحمل تخيل كانت كاتوحم على ريحتك!!
آسر : (عجبو الحاال) كاتهضر من نيتك هه؟
مروان : ههه كانت كاتفيقني بالليل بااش نجييب ليهاا الصباغة هه كانت كاتعجبهاا ريحتهاا واحد المرة بقات كاتبكي نهار كامل حتا جبت ليها واحد تيشورت ديالك نسيتيه عندي اخر مرة جيتي عندي لبارييس (تفكر شي حاجة) وااش بصح نييت ماقدرتيش توصل لشمس ولا!؟؟
#يتبع
أنت تقرأ
عاهرة السيد
Roman d'amour🌹 #عاهرة_السيد 🌹 ( بقايا أنثى عاشقة ) شمس _ اسر 🥀 ملاحضة : القصة فوق 🔞 اللهم اني قد بلغت فاشهد صحابات كيلوتي سر سعادتي وا اخواتها بلاصتكوم ماشي هناا 🚫 هوا يقول : ساغتصبكي .... و اجعلكي دميتي ... ساعذبكي حتا أديب فؤادك ... لن يكون هناك مجال للر...
