🌹 عاهرة السيد 🌹
(بقايا أنثى عاشقة)
البارت 2 🥀🥀
بقلم : سلطانة القلم (ikram) 🌿
لا احلل النشر قبل اخذ الاذن و الاحتفاض بالبوسط....
قال لي سأقتل من يبكيك فهل يستيطع قتل نفسه الان ؟؟ 😔
التتمة ...
اكيييد مافهمتو حتا شي نرجعو شوية بيكوم للور قبل شهر تقريبااا
#فلاش_بااك
كانت ناعسة بحال شي ملاك فالغرفة ديالها شعرها الأشقر طايح على وجهها و مغمضة عويناتها المرمشين كانت ناعسة بسلااام و كاتنفس بشوية حتا عنكشاتها اشعة الشمس لي داخلة من شرجم بيتها حلات عينيها الزورق بشوية و بدات تاترمش بشوية حتا فاقت مزيااان و هيا ترسم ابتسامة خفيفة على شفايفها رجعات شعرها للور بيدها بشوية و بقات تاتفكر شحااال و فكل مرة كاتبتاسم حتا ناضت من فراشها تاتقفز بحال شي درية صغيرة لبسات بانطوفتها و دخلات للدوش غسلات سنيناتها و وجها و خرجات من باب بيتها تاتجري نزلات للكوزينة و بدات تاتمشي على طراف صبعانها و هيا ضور ليها مرأة فالخمسينات هازة مغرف فيدها ...
بلسان البطلة ...👅👅
... : شي نهار انجيبها ليك فالراس مزال مابغيتي تحيدي منك هاد الضحك الباسل
انا : وااا دادا زينب يهديك الله را غير ضاحكين 😂
كاين شي مايتكال ؟؟
دادا زينب : دوزي تكلسي نجيب لك ماتحنجري
انا : واااخا ا الحاننة لهلا يخطيك 😌 اجي مزال ماهداك الله نتي و عمي العربي تجيبو لينا شي بجغوط 😂😂
يلاه تحنات دادا ميمونة تهز السيلاح الشاهير عند الأمهات و انا نطلق رجليا
دادا زينب : ( كاتغوت من الكوزينة ) تيي دوزييي تفطريي
انا : اشمن واااحد فيهوووم ؟؟ 😂
دادا زينب : تيي اجييي قبل مانجي
انا : وابلااااش قولي ل سهام تجيبو ليا للصالون هههه 😂😂
دادا زينب : و الله لابقات فيك حتا نشدك يا تريكة دانون مسوس 😒
طلعت لبيتي و انا كانضحك على دادا زينب اه نسيت ماعرفتكوم عليها هيا خدامة عندنا فالفيلا هيا وراجلها عمي العربي ناس من أطيب خلق الله دايريني بحال بنتهوم و كتر و حتا انا دايراهوم واليديا مهم ماعلينا نخليكوم معا اكرام بيما دوشت 😘
بيما خرجات شميسة من دوش خليوني بعدا نوصفها ليكوم كيف قلت قبل لي شافها يقول مشاء الله فاتنة بلا قيااس شعرها طويل و زعر عويناتها زرقين و كبار مرمشين بشرتها بيضة كي تلج شنيفاتها غوز و منفوخين حجبانها مقادين و نيفها صغيور و سنيناتها بيضين تايشعلو و طايتها بوووم خير ربي مدفك الصدر و الطرماحة غير شايطين 😂
و اخيييرا ست الحسن خرجات من الدوش 😌 حلات البلاكار و بدات تاتفكر اش تلبس جبدات تريكو صفر مكتوب بالأسود و جيب كحلة حد الفخاد و ليبا طالعة حتال الركبة لبساتهوم و تقابلات معا المراية و رسمات ابتسامة رضا على شفايفها
توجهات قدام المراية هزات ليبلاك و بدات كاتقاد شعرها خلات شوية مطلوق و الباقي دارت فيه جوج كرينات و شي خصلات نازلين على عينيها دارت مكياج خفيف ، شافت راسها فالمراية و بتسمات رشات عطرها المفضل و هزات صباطها فيد و شكارة فيد و نزلات من الدروج تاتجري ..
بلسان شميسة 👅👅
دخلات للصالون لقاات الفطور وااجد و دادا زينب كاتسنى فيها
زينب : شميسة زيدي ابنتي تفطري الله يرضي عليك
انا : ( بستها فخدها ) صباح الخير يا احسن زنوبة فالعالم كولو موااااح 😘
زينب : صباح نور ا شميستي
انا : ( غمضت عينيا تانشمش ) مممم الله ريحت المسمن لي تايعجبني 😍
زينب : اوى دوزي تفطري قبل مايبرد
طلعت كمام تريكو و كلست كاناكل هادي تنفع هادي ضر حتا هضرات دادا زينب
زينب : (مترددة ) بنتي ... باباك فاق فالصباح بكري و قاليا ملي تفيقي نقول لك دوزي للشركة ضرووري ...
انا : ( بحزن ) ولكن ا دادا نتي عارفة بلي عند حصص مانقدرش كل مرة نأجلهوم ..
زينب : ( باسف ) غير صبري ا بنتي الله يرضي عليك راه كايبقا باك و باش تفاداي معاه صداع و المشاكيل سمعي لهضرتو
انا : ( تقرست ) دادا .. انا وياك عارفين مزيان بلي انا ماشي بنتو البيولوجية ..
نضت هزيت شكارتي و لبست صباطي و خرجت و انا كانفكر حتا قاطع افكاري صوت تيليفون كايصوني
هزيتو لقيتها سيلين لي كاتصوني
انا : الو سيلين
سيلين : واش ماغاداش تجي ا طحبة ولا شنو شفتك تعطلتي😏
انا : (تنهدت) ننن غادا للشركة ماجاياش اليوم
سيلين : عاوتاني باباك ؟
انا : اه مهم دابا قطعي ماباغاش نتعطل بااي الحب 😘
خرجت من باب القصر بان ليا الشيفور كيتسنى فيا بتاسمت ليه و حل ليا الباب اللوراني و ركبت فصمت
ماهيا الى دقائق حتا ديمارا الشيفور ...
شميسة 👇👇
#يتبع
أنت تقرأ
عاهرة السيد
Romance🌹 #عاهرة_السيد 🌹 ( بقايا أنثى عاشقة ) شمس _ اسر 🥀 ملاحضة : القصة فوق 🔞 اللهم اني قد بلغت فاشهد صحابات كيلوتي سر سعادتي وا اخواتها بلاصتكوم ماشي هناا 🚫 هوا يقول : ساغتصبكي .... و اجعلكي دميتي ... ساعذبكي حتا أديب فؤادك ... لن يكون هناك مجال للر...
