🔥عاهرة السيد🔥
(بقايا أنثى عاشقة)
البارت 60
بقلم : سلطانة القلم (اكرام)
لا احلل النشر قبل اخد الاذن و الاحتفاض بالبوسط....
وصلو أبطالنا للمطاار الخاص ديال مرواان و طلعوو للطياارة و بقااو كايتسناو فالطيرة تقلع...
بعد عشر دقائق قلعاات الطياارة و الوجهة المغرب...
بعد 3 ساعاات...
تحطاات الطائرة فمطااار المغرب على الساعة الثامنة مساء...
نزلات شمس و هياا هاازة نور بين يديها و هياا نااعسة و مروان تابعهاا و هواا جاار ليفاليز و ليكارد واقفين مصافين كايتسناو فيهوم غير شافوهوم نازلين يزرية خداو الحوايج من عند مروان و حطوهوم فالكوفر..
و توجهات شمس للسيارة باش تركب و مروان تابعها و هوا كايخربق فتيلي ديالو..
حل الكارد لشمس الباب و هوا حاني راسو و ركبات و ركب مروان حداهاا...
و نطاالقو للقصر ديال مروااان...
بعد نص ساعة وقفات اللوطو قدام قصر مروااان...
حل الكارد الباب لشمس و نزلات و هيا كاتقرقب بطالونهاا و شعرها كايتمايل مع خصرها النحييل كاع ليكارد بقاو حالين فيها فامهوووم حتااا خنزر فيهوم مروان تخنزيرة خلاتهوم يقربو يبولو فسراولهوم و هوا كايتحلف فيهوم بعينيه...
حط مروان صبعو فوق واحد الزر و تحل باب القصر و تمات شمس داخلة هازة بنتها بين يديهاا و هيا كاتستكشف المكان بعينيها حيت اول مرة تجي ليه...
على صوت دخولهوم خرجو الخدم كايجريو و هوما كايرحبو بمروان و هوما كايطلعو و يهبطو فشمس و هوماا حاالين فامهوم فيهاا...
مروان : اححم هاادي ختيي شمس نبغيي ماتخصهاا حتااا حااجة اي حاجة ناقصاها توفروها ليهاا مانبغي نسمع حتا شكوة منها مفهوم؟؟
رئيسة الخدم : (باحترام) كون هاااني ا سي مروااان انحطوها فعينيناااا...
مروان : (مع شمس) ختيي اناا غاادي خااارج طلعي لبيت الفوق باش ترتاحي و غيير تعشاي ماتسناينيش...
شمس : فين غاديي؟؟
مروان : داير مع واحد صاحبي (باسها و باس نور) يلاه نخليك...
تم خارج مروان و شمس بقات كاتشوف فيه حتا غبر قدام عينيها و ضارت كاتشوف فالقصر لي كان بين العصري و التقليدي حتا قاطعاتها رئيسة الخدم...
رئيسة الخدم : لالة تبغي نوصلك لبيتك؟
شمس : (تبسمات) ااه ماكرهتش و الله...
رئيسة الخدم : تفضلي معايا..
مشات شمس مع رئيسة الخدم و كل شوية ترد لنور السكاتة مهلية موراها الخدامات غير مخرجين عينيهوم فيها...
الخدامة 1 : هيييييه وااش شفتي شنو شفت؟ اويلي ماشي هادي هياا ديك المصممة المشهورة لي العالم كامل كايهضر عليها؟
الخدامة 2 : و الله الا هياااا و انا نقول باش كنيتها بحال كنية سي مروان ساعة طلعات ختوووو مممم..
الخدامة 3 : نااااريي ياختيي كاتفتن بالزييين انا و تزعطت فيهاا اجيو شكون ديك التربية لي هازة بين يديها؟؟
وصلات رئيسة الخدم شمس لواحد البيت من احد البيوت لي فالقصر و طلعات ليها بوالزها...
حطات شمس نوور فوق السرير و بدات تاضور فالبيت و تستكشفوو حتا ستكشفات كولشي...
عاد دخلات للدوش دوشات و خرجات لاوية الفوطة و لبسات بيجامة ستان شورط و ديباردور ديالو فالبيج و خلات شعرهاا فازك طايح على ضهرهاا...
هزات صاك نوور و خرجات ليها بيجامتها و ليكوش و بدلات ليهاا و هزااتها بين يدييهاو تمااات نازلة ليهاا للتحت..
ضورات وجهها و بانت ليها الكوزينة و مشات ليها بخطوات تقااال غير شافوها الخدم بقاو كيطلعو و يهبطو فيهاا...
شمس : (بصوت حنين) عفاك واخا تصاوبي ليا شوية ديال الخضرة بنتي جاهااا جووع اما انااا حطو ليا لي كاااان...
رئيسة الخدم : احم اش كاتسناااو صاوبو للمدام داكشي لي بغات يلاااه تحركووو..
شمس : هاني فالطيراس لي فالجردة جيبو لي العشا لتم...
#يتبع
أنت تقرأ
عاهرة السيد
Roman d'amour🌹 #عاهرة_السيد 🌹 ( بقايا أنثى عاشقة ) شمس _ اسر 🥀 ملاحضة : القصة فوق 🔞 اللهم اني قد بلغت فاشهد صحابات كيلوتي سر سعادتي وا اخواتها بلاصتكوم ماشي هناا 🚫 هوا يقول : ساغتصبكي .... و اجعلكي دميتي ... ساعذبكي حتا أديب فؤادك ... لن يكون هناك مجال للر...
