💕عاهرة السيد💕
(بقايا أنثى عاشقة)
البارت 81
بقلم : سلطانة القلم (اكرام)
لا احلل النشر قبل اخد الاذن و الاحتفاض بالبوسط...
التتمة...
مروان تخلع ماعرف باش تبلااا دْخْلُوو بعض الأطباء و الممرضيين و نقلوو شمس لأحد الغرف و عقموو ليهاا الجرووح لي كانو بالغيين بزااف بسبب جاج اللوطو لي هرسات بيديهاا و تأكدو من حاالتهاا لقااو عندها طانسيو هاابط شي لي خلاها تسخف!!
ركبو ليها سيرووم و خلاوها فالغرفة ترتااح و مروان بعد ماطمأن على حاال شمس توجه لقدام غرفة العمليات و بقاا كايتسنا فالأطباء يخرجوو بااش يطمئن حتا على آسر و هوا كايدعي فخاطرو مايوقع لييه واالوو..
دازوو جوج سوايع بالحساب و مروان بااقي كايتسناا قدام غرفة العمليات و بين يدوو تيليفون بااغي يعيط لماجدة و ماقادرش خااف لاتوقع ليها شي حاجة بحال شمس!!
تنفس الصعداء و رجع تيلي لجيبوو فضل يخلي آسر يقرر واش يعلمهوم ولا لا...
بعد دقائق خررج الطبييب من غرفة العمليات و جبينو كايقطر بالعرق غيير شاافوو مروان مشا بالزربة وقف عليه كي ملك الموت!!
مروان : (متوتر) امضراا كيف بقااا ؟
الطبيب : (مبتااسم) الحمد الله حالتو مستقرة ماعندو حتا شي حاجة خطييرة سبب النزييف كان غيير بسبب الضربة لي تلقااها و صااف انقلو سي آسر لغرفة خاصة من هناا نصف ساعة ايفيق و غدا انشااء الله بعد مايرتااح يقدر يخررج!!
مروان : (تنهد بارتياح) شكرا دوكتوور!!
الطبييي : الله ياوديي ا سي مروان خيركوم ساابق و هادا واجبيي و دابا سمحلي باقي عندي مرضا نتفقدهوم!!
كتفا مروان انو يحرك ليه راسوو و مشاا رجع كلس بلاصتوو حتاا لمحهوم مخرجين آسر من غرفة العمليات و جارينوو فبياص و مضورين على راسو فااصمة و فاقد الوعي..
تبعهوم حتا دخلووه للغرفة الخاااصة لي كانت بحااال شي غرفة فاوطيل خمس نجوم ماتقولش كاع واش فالسبيطاار!!
تحاماو عليه خمسة ديال الممرضين و بزز باش نقلووه للسرير و هوماا كايلهتوو ههه جاهوم تقييل بلا قياس!!
قادو ليه السيروم و خرجوو و خلاو معاه مروان لي مشا جر كرسي و كلس حداه و بقاا كايشووف فييه و هواا كايتحسرر...
بقا كاالس حداه ما يقارب نص ساعة حتاا بداا آسر كايحل عينيه غير شافو مروان نقز و تقاد فالكلسة بعد ما كان متكيي!!
مروان : العشيير بااش كاتحس..
آسر : (شاد راسو) ااه فيين اناا؟
مروان : فالسبيطااار درتي اكسيدون
آسر : (قفز) شمس!! فيين شمس؟
مروان : (تنهد) غيير رتااح شمس راهاا غير فالغرفة حداناا فقدات الوعي ملي جابوك!
آسر : (تخلع) كيفاش فقدااات الوعيي؟ كي بقااات؟
مروان : ماتخلعش ا صاحبي غير خافت و طاح ليها الطونسيوو و سخفات ماتسطنش رااسك!!
آسر : (زفر) اوووف شييت!!
مروان : عاود ليا شنو وقع حتاا وقع ليكوم هكاا مابقيت فاهم فيكوم واالو!!
عاود آسر لمروان كولشيي و هواا معصب و مروان سمع ليه باهتماام حتاا كمل هضرتوو كااملة و قبل مااينطق باي كلمة سمع صوت الغوات براا ماجااو فين يستوعبو اشنوو وااقع حتاا دخلاات علييهوم شمس كيف الرعدة و حالتهاا حاالا الدمووع فعينيهاا و شعرها مشعكك و حوايجهاا ملايانين غبرة و يديها كايقطرو بالدم و هيا ماحاساش بيهووم!!
غيرر شافووها تخلعوو بجووج آسر مسكين من كترة الخوف ناض وقف و مشاا لعندهاا بسرعة و وقف قدامها و بقاا كايطلع و يهبط فيهاا و هواا عاقد حجبانوو!!
ماجا فين يحل فموو حتاا تلاااحت شمس فحضنوو و هيااا كاتبكي و تشهق و هياا مزيرة عليه ماباغاش طلقوو و ففمها غير كلمة الحمد الله..
آسر مالقا غير يعنقهاا لعندوو و يطبطب علييهاا و يهمس فودنها بحنان باش تهدن..
آسر : ششش صاافيي احيااتييي تهدنيي ماتبكييش كولشيي فاات!!
أنت تقرأ
عاهرة السيد
Romance🌹 #عاهرة_السيد 🌹 ( بقايا أنثى عاشقة ) شمس _ اسر 🥀 ملاحضة : القصة فوق 🔞 اللهم اني قد بلغت فاشهد صحابات كيلوتي سر سعادتي وا اخواتها بلاصتكوم ماشي هناا 🚫 هوا يقول : ساغتصبكي .... و اجعلكي دميتي ... ساعذبكي حتا أديب فؤادك ... لن يكون هناك مجال للر...
