SURI

SURI Part 3

SURI
TUSUN 3
DIKARANG DARA MELANJAN

Kira ka sebulan mih Suri nadai kala pulai ka rumah panjai laban takut betemu enggau urang di rumah panjai. Tang lemai nya Suri di asuh Aki iya ka rumah panjai laban bejual ikan enggau burung ulih seduai iya pagi nya. "Uchu alai nuan ka rumah panjai bejual ikan enggau burung ulih tua tadi, kala ka bedau malam ari endur dik ngerajang pulai kin" ku Aki Suri. Lama Suri enda nyaut laban iya berunding baka ni deka nyual ka rumah panjai. Nyau pemuas iya ka enda bebunyi Aki iya nanya baru. "Ka dik uchu nyual ikan enggau burung tu?" Ku Aki iya nanya baru. "Au mih Aki tungkus ka dia mih legi aku nganjung kin" ku Suri..Suri lalu begari pia ka iya berandau kediri. "Baka ni mih aku nyual ikan enggau burung nya legi, kada ka orang meli utai di jual aku" Pia dih ku Suri betelai kediri..

Udah ka tembu nyikap diri, Suri alu madah ka diri deka mupuk. "Aki Ini mupuk aku" ku Suri. "Au uchu jimat ka dik, pama nyau kelalu laun nibuh pulai kitu dik legi pulai ka bilik kitai aja" Pia ku Ini Suri. "Au mih Ini, mupuk mih aku, enggaika laun" ku suri. Mupuk mih iya bejalai nengah jalai mulai kediri ngagai rumah panjai. Pia ka iya bejalai pia ka iya berunding baka ni nyual nya di rumah panjai. "Sapa mih ka meli utai dijual aku legi, keni mih enti aku datai din kada enda di saup ka orang di rumah panjai aku" ku Suri. Laban iya ingat ka ibu indai Janin cukup enggai amai meda iya.

Begadai gadai tudah Suri mupuk mulai kediri ka rumah panjai, dia dih iya lelak ngetu ga iya ngirup Ai.. laban sigi jauh amai berasai tudah lelak. Puas ka bejalai nya baru iya datai enda jauh ari rumah. Peda iya orang mayuh betugung ba tanju, "kini mih aku tu bejual legi, irau ati ku orang te nyamah aku" ku Suri. Puas iya berunding baka ni iya bejual nya baru iya ingat ka Aya tuai rumah sida iya. "Oh aya tuai rumah, nyamai aku nuju seduai iya ibu ari belakang rumah, nengah belakang mih aku, legi ngasuh aya nyual ka aku" ku Suri lalu bejalai nuju belakang tanju sida tuai rumah.. Datai iya di belakang tanju sida tuai rumah peda iya nadai orang berumban iya niki..

Datai iya di atas iya lalu ngagau ka aya tuai rumah. "Aya oh aya ni seduai ibu bisi di bilik?" Ku Suri sambil pala iya gining gining enggai ka bisi orang meda. Nadai ga Tuai Rumah ninga iya ke ngagau. Kangau ka iya baru ga bisi empat kali iya ngagau nya baru Bini Tuai rumah ninga. "Sapa ke ngagau ari pintu tanju tua di belakang din wai, uji abas dik ke dapur kin" ku Bini Tuai Rumah. "Ish dik tu aku aja ka di asur ka dik, enti musuh enti antu aku mih dulu ka tua pahai" ku Tuai Rumah.. ka bebuyan iga ga Tuai Rumah. "Ti pia sama tua ga angkat nilik kin" ku bini iya. Angkat seduai iya beiring iring, nuju bilik dapur laban ka umbas iya pemanjai ga bilik tuai rumah.

Datai seduai iya ba dapur dinga agi ga orang nya ngagau. "Sapa nya wai,nyau silau ari tu dini bisi orang nengah pintu belakang"ku Tuai rumah nanya bini iya. "Enti dik enda nemu aku lebih agi enda nemu,alai buka kin pintu nya"ku bini iya ngasuh muka.Gadai gadai tudah tuai rumah muka peda iya Suri benung bediri tisi pintu,nyau panjai sintak semput tudah tuai rumah kumbai iya antu. "Apuu endu,lapa nuan nengah pintu belakang,nama enda nengah ruai tama tadi?"ku Tuai Rumah.tetuchum tudah Suri meda mua Tuai Rumah agi peluh turusur. "Enggai nengah ruai tadi aya,ukai dik enda nenu kitai serumah"ku Suri nyaut. "Tama mih,duduk kitu kih"ku Bini Tuai Rumah.

Tama Suri sida iya lalu duduk betunga ba dapur. "Nama ambi nuan nyau laun pulai ke rumah endu?"ku Bini Tuai Rumah nanya. "Nya mih ibu,asuh Aki nyual ikan enggau burung ulih tua iya pagi tadi,aku enda nemu ka bejual kitu,orang ditu kada ka meli enti aku ka bejual"ku Suri nyaut.Sinu bini Tuai Rumah meda Suri,nyau asai ka anak iya jauh ngereja ba menua bukai,serambau enggau Suri. "Nya mih aku ngasuh aya nyual ka aku ikan enggau burung tu,ngica ka orang bisi bebelika ikan enggau burung aku"ku Suri baru madah..Nadai ga Tuai Rumah mayuh jaku iya lalu madah au.

"Bai kitu endu aku nyual ka dik,dik dalam ditu anang pansut kenduai ibu dik pansut dulu bejual,nya lauk asi bisi magang ngenah ka diri mih dik makai"ku Tuai Rumah alu angkat.Nyampau diri ikan di bai Suri semak ka 10 kilo burung pan pia nyangka iya pemayuh.udahka Tuai Rumah enggau Bini iya angkat pansut.Suri lalu angkat ngambi pingai enggau nyukit asi enggau lauk,makai mih iya kediri diri di dapur..

Ba ruai nyau begau sida iya serumah laban bebeli ka ikan enggau burung di jual Tuai Rumah,Nadai mih sida iya nemu sapa ka bejual ikan enggau burung nya kebatang iya.Te meli magang sida iya nadai enda ka meli. "Lama amai wai aku enda belauk ikan sungai,nyamai amai tu enti di lulun"ku Indai Janin madah ka Bini Tuai Rumah. "Meli 2kilo aku Tuai Rumah "Ku Indai Janin. "Ney Indai Janin ikan burung Suri ka beli dik nya" ko bini Tuai rumah bejaku dalam ati. Nyau enda berasai nimbang senimbang peda agi belala bala bisi ka enda ampit, laban ka abis.

Sida iya pan mulai ka diri, Tuai Rumah enggau Bini iya pan tama. Suri baru tembu makai. "Udah makai dik tadi endu, kenyang dik?" Ku Bini Tuai Rumah nanya. "Udah ibu kenyang aku, terima kasih mih" ku Suri. Angkat Suri iya lalu mansang ngagai Uyut ka kena iya mai ikan enggau burung tadi. Ungkup Tuai Rumah enggau Bini iya ka diri. "Tu ungkup seduai ibu, tu beri aku ka seduai" ku Suri. "Tu duit dik tadi, nyampau nya simpan manah ka" ku Tuai Rumah. "Terima Kasih aya, laban udah nulung aku" ku Suri. "Nadai ngawa nya endu, dik ukai urang bukai, anak madik aku empu, nadai aku ka jai enggau dik..

"Kini dik mulai ka diri legi endu, enti udah laun amai nibuh pulai" ku Tuai Rumah. "Pulai aku legi Aya, enggai ga aku ninggalka Aki enggau Ini aja di langkau din, ukai bisi orang enggau seduai iya" ku Suri. "Au mih jimat ka nuan legi" ku Bini Tuai Rumah.. "Au ibu, tu aya, ngambi ka aku kue enggau gula dik din" ku suri. Tuai Rumah alu angkat ngambi semua utai ka tudah Suri, udah ka tembu Tuai Rumah lalu nyua ka Suri. "Tu endu utai ka dik tadi, bejimat dik pulai" ku Tuai Rumah. Suri lalu mupuk mulai ka diri..