SURI

SURI PART 8

SURI
TUSUN 8
DIKARANG DARA MELANJAN

     Malam nya lama indai tuai nya duduk nunga dapur.. Pemuas iya ka tegenung iya lalu nanya Laki iya. "Wai, baka ni aku enggau tu, di padah ka aku, ukai tua enda nemu indai janin nya, enda di padah kasih endu Suri nya" ku indai tuai nya bejaku. "Aku enda mih nemu wai, ati diri mih tua, nibuh enggau orang, ukai tua bisi tanah bisi rumah bukai enti tua enggai di peda orang kasih tua wai, anak nadai ga tua" ku Apai tuai nya. Nya mih Aya Unas enggau Ibu Unas ketegal ka nadai anak seduai iya di kangau ka Ibu Aya Unas.. Sigi enda sibuk ka orang bilik bukai laban ka ngenang diri merinsa.Nadai mih orang nusi nya pengawa Indai Janin enggau Indai Lika, labanka indai Unas nadai nusi ngagai orang.

      Pagi nya tumu Suri nunga Aki enggau Ini iya, laban bisi utai deka padah. "Aki, Ini  aku bisi utai deka di kerandau enggau seduai" ku Suri. "Iya nama utai ka di padahka dik Uchu?" Ku Aki iya nanya. Ini iya duduk aja mendingka Suri enggau laki iya. "Bakatu aki, pagi ari minggu ila, aku pinta anjung aya apai Jugam ngagai ibu indai liya aku ka begulai enggau iya gawa di sibu, enda aku tan ditu aki merinsa amai asai aku di gaga bakatu" ku Suri madah enggau sesabak. "Apu uchu, bakani dik ka jauh gawa, kasih ka kenduai Ini dik tinggal ditu" ku Aki iya nyaut. "Enti aku agi ditu ensiban ati aku aki, puas ninga jaku orang ngagau ka aku Anak ampang anak buai" ku Suri ga nyaut. Lama dih aki iya enda bebunyi ninga jaku Uchu asi iya munyi nya, di lak ka iya, Suri ukai nemu utai di nengeri enggai ka baka indai iya.

     Nyau tegenung Aki Suri ingat ka indai iya kala munyi nya. Madahka diri deka gawa ke menua bukai. Ketegal k enda nyaga diri mih indai Suri ngandung ka Suri. Ketegal ka alah pengerindu enggau orang laki. "Berat asai ati aku Uchu ngelak ka dik kediri, bejimat mih dik di nengeri ila" ku Aki iya. Ninga Aki iya ngasuh gaga mih Suri iya lalu angkat pansut ka ruai nuju bilik ibu iya indai Jugam.

    "Aya ibu, bisi seduai dia?" Ku Suri ngetuk pintu. "Bisi ditu mih kenduai ibu dik lalu mih" ku Aya iya nyaut. Ari jauh Indai Lika meda Suri nyau begengam jari iya tu laban ketegal Suri iya enda di ibuh ka Lika enggau Laki iya, nyau di kumbai anak enggau laki iya gila. "Bisi maya dik ila Suri mati laban aku, ketegal dik laki aku enda ibuh ka aku, sigi amai mih apai Lika nya ka dik anak ampang!!" Ku indai Lika bejaku.

    "Duduk mih endu, nama tumu amai nuan kitu, agi pedis dik?" Ku Ibu indai Jugan nanya Suri. "Udah baik gik aku ibu, nadai pedis amai pala aku, ibu aya aku bisi utai di kerandau enggau seduai" ku Suri madah ka pejalai diri. "Nama nya endu" ku Aya iya. "Aya, aku ari minggu minta dik nganjung ngagai ibu indai Liya di sibu, aku ka gawa enggau iya din" ku Suri. "Apu endu nama dik ka ninggal ka Aki enggau Ini dik ditu, ukai seduai iya gerai" ku Ibu iya nyaut. "Udah ku madah ka Aki enggau Ini ibu, ngasuh seduai iya aku kin" ku Suri. "Au mih enti baka nya, jimatka dik din ila, anang alah laban bai orang" ku Aya iya. "Au aya, nemu aku ngibun diri, ditu merinsa mih aku, nyau enda nyamai asai ati ku di kangau anak ampang anak buai, din ku ulih gawa ngiga belanja kami sida aki" ku Suri. "Au mih endu, ari minggu kenduai ibu dik nganjung kin" ku Aya iya. Gaga mih suri laban aya apai Jugam deka nganjung iya. "Terima kasih aya ibu, laban sanggup nganjung aku" ku Suri lalu angkat mulaika diri. Pansut iya cun cun Indai Janin baru pulai ari setak laban nganjung utai ngagai entua iya..

      "Idup dik anak ampang, kumbai aku pahai mih dik nya!" Ku Indai janin. "Ibu, umbas mih dik munyi nya, ukai ka deka aku baka tu, ukai aku nyalah ka dik, tang umbas mih dik munyi nya dik udah tuai udah nemu jalai pengidup aku enda sebaka enggau orang, nibuh dik ngulang nya belama ibu" ku Suri alu mupuk ninggal ka indai Janin. "Apu dih, aku ka di ajar dik! Bisi dik ila tulah dik ngelaban aku!!" Ku Indai Janin kekucau niti ruai. Pansut ga bini tuai rumah meda iya kekucau. Saut siku nya iya. "Gila dik wai indai Janin, enti gila ambi aku ngasuh Janin enggau apai iya ngaga langkau dik ka diri ujung tanju anang begulai enggau kami serumah ditu dik!" Ku Bini tuai rumah ngereja ka indai Janin. "Mulut dik ibun wai, enda manah amai dik baka nya!!!" Ku Iya ngelaban. "Sapa manah sapa enda manah, uji peda pendiau dik nya, ka semampai enda rinduka orang, semua orang di sumpah dik, semua orang di beri dik jaku!!" Ku Bini tuai rumah bejaku. "Dik nya ka gila aku nadai ngachau dik anang minta dik, nya ni umang dik ka begulai gau dik!, ketegal ulah dik ka pama mih anak dik enggai begulai enggau dik!!" Ku Indai janin. "Ehh anak aku ga gawa,sigi enda mih begulai gau aku, nya uji peda dik ulah janin enggau apai iya bisi nanah ka dik!!" Ku Bini tuai Rumah nimbal iya. Nyau belaya mih seduai iya ba ruai. Nyau dikemegau ka orang seduai iya.

    Pansut janin enggau apai iya pia mega tuai Rumah besaup ngenat ka seduai iya ke ka bejamah. Enda liat dih ati janin di perak iya indai iya laban ka enda nemu badu ngiga penyalah orang. "Umbas dik indai umbas dik!!, pama aku enda tan meda ulah dik asuh ku buru apai dik, anang dik ngumbai tua apau enda ulih idup nadai dik, suah amai dik ngemaluka tua apai!!" Ku Janin merak iya. "Uji mih seduai dik muru aku anak!! Ketegal iya nya dik enggau apai dik ka Muru Aku!!" Ku Indai iya nyaut. Peda semetap mua iya di tampar Apai Janin "indu sigi enda nemu malu, udah suah aku sabar enggau dik makin ari dik makin pama, tama dik enti enggai di irit aku telanjai niti ruai!!" Ku laki iya merak iya. Indai Janin alu pulai ka bilik datai di bilik abis utai di kusai ka iya enggau kekuchau..

     "Ila sepik seduai dik meapai ku bunuh seduai dik, gaga amai seduai dik nanah ka orang bukai ari aku bini enggau indai seduai dik!!" Ku Indai Janin. Iya lalu pulai ka bilik tinduk alu di kunchi iya bilik tinduk nya. Tama Janin enggau apai iya meda barang abis ke sebar di kusai ka indai iya. "Chukup indai siku nadai udah baka pemangah iya nya!!" Ku Janin sambil ngadu ka bilik...