SURI

SURI PART 35

SURI
TUSUN 35
DIKARANG DARA MELANJAN

"Dini kitai ngiga Suri aki?" Pia dih Tanya Jawan ngagai Aki Suri. "Nadai kebukai alai kitai ngiga iya Dom, bah ke Kebun kin kitai Tiga ngiga iya kada enda pulai ke Langkau kin iya" ku Saut Aki Suri. "Enti kenya aram mih kitai ngiga kin jangka aku sigi din mih iya" ku Saut Janin lalu mai ngiga Suri ngagai langkau Kebun sida Aki Suri. Kira bisi 10 minit pejalai sida ngena kereta datai ga sida ba Simpang jalai tungga ke Kebun.

Sida iya Tiga lalu nurun ari kereta. Janin pan lalu bejaku. "Sigi amai mih Endu tu pulai ke langkau, nya bekau kaki iya nya peda aku" pia dih ko janin. "Enti nya iya aram mih kitai tiga kin enggai ke nyau malam ari udah nadai bebai ke lampu kitai tiga tadi" ko Jawan lalu dulu nyeresa jalai. Bisi setengah jam sida iya nyeresa jalai Tama ke dalam. Sida pan datai ba Simpang langkau. Peda bisi berasap sebun asap kena Tudah Suri manduk utai dempa.

Mansang sida iya tiga ke langkau dia Aki Suri lalu Niki dulu ari Jawan enggau Janin. "Endu oh endu bisi ditu dik?" Pia dih ko Aki Suri. "Nama te nyawa Aki nya, kada enda ngiga aku iya, kasih mih Aki ngiga aku ari tu nyau majak petang" ku Suri bejaku kediri. Angkat iya ari dapur lalu nuju mua pintu tekenyit Tudah Suri meda Aki iya. Belanda iya lalu merap Tudah Aki iya. Suri bedau meda Jawan enggau janin agi bediri di Luar. "Nama dik kitu ngiga aku Aki, ari nyau petang kapa ka ngiruh diri, ambi dik enda mih aku pulai nyamai ga aku ke diri ditu" ko Suri mulir ai Mata. "Nama dik enggai pulai ke rumah Suri? Nama amai dik ka ke diri ditu, enti dik enggai nyemilik Aki dik nyamai dik nyemilik sida mak neh pia mak nadai mayuh jaku" ku Jawan nyaut ari Luar.

Tekenyit Tudah Suri ngiga Jawan bejaku ari Luar iya pan nyau melatah. "Eh aku nyemilik dik jadi enggau dik mih" ku Suri lalu mampul mulut diri tekenyit bai salah sebut. Mua Tudah Suri berupai mirah pia mega Jawan nyau mirah mua Laban ke burah berupai wai mua seduai iya. Nya mih janin nyau tetuchum ninga Saut Tudah Suri. "Ehh lama amai asai enda berami, nyau ka asai kaki tu betanda, bai nya kih munyi ko sida mak Tanya alu bai pagila lusa tua ngerami iya, bisi geng seduai mak mai sengayuh neh bini aku nyau nemu besengayuh sekumbang jadi" ku Janin nundi Jawan. Aki Suri semina lelinsum ninga Janin nundi Jawan.

"Amai ka kini orang nyemilik kitai, oh aki ngasuh dik aku ngemai Uchu dara dik nyemilik Kami" ku Jawan nanya aki Suri. "Ehh anang nanya aku Uchu nanya orang empu iya, pama au ko orang au mih ko aku pagila lusa nya mih kitai berami" ku aki Suri ga nundi. "Baka ni wai, sanggup dik nyemilik aku, enti sanggup simpan mih barang dik bai pulai datai din kitai berandau" ku Jawan nanya Suri. Suri nadai mayuh jaku iya pan nyimpan perengka ti di bai iya lari demalam.

"Aus akih pama sida iya nadai duduk nanya ka orang indu" ku Janin nundi. "Sigi baka wai pama ati keran enggai ke enda ampit" ku Jawan nyaut. "Pia mih Dom jaga manah mih Uchu asie aku anang ngemedis ke ati iya, bujik kelia iya udah merinsa tu beri mih penyenang ngambi ati iya enda ensiban" ku aki Suri meri jaku lalau..

Ba rumah panjai, indai Janin enggau bini tuai rumah nyau sesalat baka ukui ka beranak, ngenati ke Suri lalu bedau di bai pulai kerumah. "Kada mih endu tu di temu sida iya, nyau petang tegayam ari tu wai, bedau ga endu di temu" ku bini tuai rumah. "Ba iya wai, kini mih penungga endu ngelari kediri, nyema enda temu ukai bebula aku, sigi masuk ICU Melia nya jamah aku legi" ku indai Janin.

Meda seduai iya ke sesalat dia dih Ini Suri mansang. "Nama pengawa seduai baka ukui ka beranak indai Dom? Nama utai ke ngasuh seduai tusah ati, nama nadai tuak agi seduai pia" ku Ini Suri nanya. "Ehh indai agi bisi tuak dia ni kena begawai lusa, tang ke ngasuh sesalat tu meda Dom enggau Janin lalu bedau datai enggau aki seduai iya tadi begiga ke endu" ku Saut bini tuai rumah. Enda ingat kediri belalai ke Ini Suri sentang Suri ke lenyau dia dih Ini Suri lalu nanya baru.

"Sapa ke lenyau nya indai Dom!" Ko Ini Suri besai nyawa. Tekenyit Tudah indai Janin iya lalu nyebut nama Suri. Nya mih Ini Suri nyau besabak kangau ninga Uchu asie iya lenyau. Ninga Tudah nyau besabak kangau berumban seduai iya ngirit Tudah Ini Suri pulai ke Bilik. "Ehh dik tu indai ukai pahai endu nya di sabak ke dik, orang ninga legi, begau orang gaga Melia nya enti nemu endu lari" ku bini tuai rumah. "Kati ke aku enda nyabak kangau Uchu asie aku lari nadai temu, nama mih Kita ka belalai ke aku dih?" Ku Ini Suri. "Ukai belalai indai tang enggai ke dik tusah ati" ku Indai Janin.

Pemuas sida iya tiga betalat ke Suri lenyau dia dih bisi orang ngetuk pintu, angkat Tudah Indai Janin Laban ke semak pintu peda iya Sida tiga nya tadi. "Tama ah nice endu dih?" Ku Indai Janin nilik ke ruai. "Agi di dalam kereta Dom iya tadi, alai Indai Dom ambi alai dik, jimat enggai ke peda Melia" ku aki Suri bejaku. Bini tuai rumah lalu angkat mansut kediri ke Luar iya lalu gegining meda orang nasib ga nadai Siku mensia Laban ke benung diau di Bilik magang malam nya. Berumban ga seduai iya Suri Tama ke Bilik enggai ke bisi orang meda.

Datai di Bilik aki Suri lalu bejaku. "Nyadi endu nyemilik kita dulu Indai Dom nganti ke pagila lusa nya ngerami seduai iya dom enti ka seretai gawai sekali nadai hal ngambi enda suah ga berami enda ga ruak belanja" ku Aki Suri. Nya ninga Tudah Suri nyemilik lalu nyadi ke menantu iya panjai dih tuchum Sida bini tuai rumah. Utai sigi di sampi ka iya ngambi Suri nyadi ke menantu lalu nyemilik iya gaga dih anak ati. "Au mih apai ni ko Kita, pagila berandau ga enggau kitai serumah,nganti apai Dom datai pagila" ko Saut bini tuai rumah.

"Ehh pama Kita wai nyau bisi menantu udah tu bah Aram nunga tajau tua" ku Indai Janin. "Ba iya wai, utai sigi di sampi ngambi endu nyadi menantu, Aram tua nunga tajau, alai Dom bai kin bini dik, bai ngintu diri dulu, kenduai ibu dik ka ngirup pagila seduai beterang lusa seduai Rami" ku bini tuai rumah angkat lalu ngambi tajau mit sigi semampai di kena seduai iya ngirup, benung seduai iya ngirup Tama ga Lenta bini Janin nih alu di tarit bai ngirup. "Pagila lusa bisi menantu ku Umang, nyin endu Suri udah di bai pulai ke Bilik aku" ko bini tuai rumah.. Sida iya tiga lalu ngirup nadai mih sida iya nemu Melia ninga ari ruai lebuh ke begiga Indai iya Ini Suri tadi.... bah keni nyadi ke enda Suri enggau Jawan jadi lusa...

Anang lupa follow pages ku KERANJAI JARI DARA MELANJAN🌹🌹..