SURI

SURI PART 6

SURI
TUSUN 6
DIKARANG DARA MELANJAN

    Malam nya Tuai Rumah nesau sida iya serumah ba ruai Aki Jugok.. mayuh mih orang datai ba Ruai sida Suri. Nyadi indai Lika, Indai Janin  nadai pansut. Meda pia tuai rumah ngasuh Janin enggau Dino bepadah ka sida iya pansut. "Dom Janin, alai seduai Dino ngagau ka Indai dik enggau indai Lika pansut, anang enda" ku Tuai Rumah bejako. Bala banyak nadai mih nemu nama utai ka di kerandau laban Suri mega bedau asuh Tuai Rumah pansut. Angkat Janin ngagau ka indai iya ke bilik.

     "Indai oh Indai pansut dik, Tuai rumah ngagau ka dik" ku Janin rerauh, indai iya di dapur laban ninding diri ka bisi salah. Ka enggai indai iya pansut angkat iya enggau ati pedis. "Au angkat mih aku tu buntas! Padah ka tuai rumah dik pansut aku tu!!" Ku iya nyaut ari dapur.. "nadai bangat di tugung ka Anak ampang nya, legi sepik dik ku binsai ka dik nya legi!!" Ku iya kekucau mansang ka bilik besai nukar kain.. Janin ninga indai iya udah nyaut seduai iya Dino pansut ke ruai lalu napat ka bilik sida indai Lika..

    Datai seduai iya ba sentang Ruai indai lika, dia Janin ngetuk pintu. "Ibu, ni dik ibu, bisi dia dik?" Ku Janin, empai bulih lama peda pansut Lika. Lika tu ka ke janin nyau tetuchum indu dara meda tudah Janin. "Nama pengawa dik wat, sapa giga dik apai nyau udah ngagai ruai Sida Suri tadi" ku Lika. "Ni indai dik lika, tuai rumah ngasuh iya pansut ka ruai" ku Janin. "Di bilik iya enda nyamai isi ku iya tadi" saut Lika. "Padah ka indai dik, anang ngaga diri sakit pama kitai bisi salah" ku Janin renjan jaku. Lika lalu tekenyit laban Janin enda kala meri Iya jaku munyi nya. Tama iya alu ngagai bilik tinduk indai iya.

    "Indai, umbas dik ngaga diri nyin tuai rumah ngagau ka dik pansut, ke agi anang ngaga ulah peda dik janin meri aku jaku, malu ku indai malu, laki ke di sayau aku meri jaku munyi nya!" Ku Lika. "Dik ku bunuh dik legi Lika, anang mayuh utai sebut dik!" Ku Indai iya nyaut. "Ni ku dik indai anang sampai kitai di buru tuai ketegal ulah dik nya!" Ku Lika lalu pansut baru. "Alai wat dik empu ngagau ka indai, kapa ku kiruh" ku Lika nuduk ka diri di ruai. Tama Janin lalu nuju bilik Indai lika seduai iya Dino peda indai lika nyau apus tubuh ngena pua.

     "Ibu, enti empai pahai, anang nguai nyau apus tubuh ngebab ka pua nya, nyin tuai rumah ngagau ka dik!" Ku Janin. Ninga jaku Janin ka renjan alu angkat indai Lika. "Uji dik pahai, kelalu sibuk baka pengidup indai dik, dik nya!! Angkat mih tu aram aku nitih!!" Ku Indai Lika alu nitih ka Janin.. Datai sida iya tiga di ruai sida Suri nyau lelintuk mata seduai iya.

     Udah datai magang sida iya, tuai rumah alu bejaku. "Sebedau aku nerus utai ka di ka randau kitai, aku meri terima kasih enggau minta ampun, nyema utai ka di sebut aku bisi ngemedis ka ati kitai bala banyak, nyadi baka ka malam tu, kitai meda sida apai Jagok sebilik bisi pulai nya nanda utai tu ka di ke randau ka aku" ku Tuai rumah. Sida iya sama nadai memunyi ninga utai di padah Tuai Rumah. "Apai, bisi utai ka di sebut dik, padah ka dia mih nama utai ka ngasuh dik pedis ati" ku tuai rumah. Aki Suri alu angkat iya lalu bejaku "selamat malam ngagai bala banyak, terima kasih udah datai duduk nunga ruai aku, nyadi aku sigi enda puas ati, laban uchu aku di perinsa di jamah nadai ati sinu, isa iya anak ampang anang kelalu ngemedis sampai deka munuh iya!, enti ke agi di sebut kitak anak Ampang agi aku ulih sabar tang pama nyau ngemedis ka iya nyau ka munuh iya sigi patut di ukum!!" Ku Aki Suri bejaku..

      Nya mih bala nyau ke demuh munyi indu sepepat bejaku enggau pangan diri iya ka enda nemu ulah sida  Indai Janin nyau genung. "Uji kangau ka endu wai,asuh pansut iya,awak ka kitai sama meda"ku Tuai Rumah.Angkat bini Tuai Rumah lalu ngagau ka Suri. Bisi 5 minit pia peda pansut Suri enggau bini Tuai Rumah. Nya mih sida iya nyau tekenyit meda gamal Suri nyau enda di kelala bai mua nyau abis kembai,kaki ga di irit iya. Duduk iya sepiak Ini enggau Bini Tuai Rumah.

     "Apu endu sapa bangat jai lintan ngaga dik baka tu,sapa ka antu nyumbuh antu raya ngenyai nya enggau dik"ku aya iya apai Jugam tekenyit meda mua Suri.bala bukai pan tekenyit Suri.Laban Indai Janin sigi pandai ngelakun dia iya ngaga diri nanya. "Apu kumang,sapa ka nyamah dik enda beiga iga kenya,nadau ati sinu meda dik"ku iya ngelingut ka diri.laban Ati bini tuai rumah enda liat. "Ehh orang ka nanya nya orang nya mih ka nyamag iya enda beiga iga baka nya, urang ka jai lintan sigi enggai meda orang!" Ku Bini Tuai Rumah. "Dik anang nyangka sengapa enti nadai bukti aku nyamah iya!!!" Ku Indai Janin.

     "Enti aku bula, bula mih anak dik wai, anak dik empu ka nyebut kitai sebuat ka besaup nyamah iya!" Ku Bini Tuai Rumah. "Berani dik nyangka aku, nadai guna dik nya!!" Ku iya Indai janin. "Umbas seduai dik, dik indai Janin ngelama tu udah puas ku sabar enggau dik, kin kia dik ngerasut bala mayuh bai seduai dik indai lika enggai meda Suri!! Ku Aki Suri merak iya." Enti ke  agi di kangau ka anak ampang agi enda ku ngemana ka iya, tang tu udah ke lalu dik, sampai sanggup nyamah ka munuh uchu aku!! "Ku aki Suri nya mih orang malik magang ngagai indai janin enggau Indai Lika.

    Apai Lika enggau Apai Janin seleka enda nyaut mina tunduk malu ka bini seduai iya baka nya. "Dik nyebut ngapa dik aya, nadai aku tu ka munuh iya, kada enda orang bukai nya, enti asai mata dik empu enda meda anang nyangka sengapa!!" Ku Indai Janin nyaut. "Au aku enggai di sangka dik ngapa aya ukum aku dik legi!!" Ku Indai Lika. "Nibuh ngukum orang dik ibu, aku nyadi mata aku meda ulah kitak kami tiga sida Jugam enggau Dino meda nyin agi lendat ujung rumah tu endur kita bepasung ka Suri" ku Janin nyaut. Iya nyau pedis ati ninga indai iya enggau indai Lika enda ngaku.

      "Dik anang bejaku dom, enti pala dik enggau ku pulas ka legi!!" Ku Indai iya nyebut. "Apuu dih wai, nyamai amat mih dik ka mulas ka pala anak tua, kumbai dik baka mulas ka anak manuh mulas ka nya, lapa mih dik nya enggai di pulas ka antu di pala ngenyai nya jaku dik!!" Ku Laki iya nyaut. "Ukum dik mih bini aku aya, nadai aku enggai meda, nadai aku nyagang dik, minta ampun mih aku laban bini aku salah" ku Apai Lika bejaku. "Aku kenya mih aya ukum mih alah dik" ku Apai Janin.

    Ninga ka pemutus udah munyi nya seduai iya udah temu salah sida ka enggau masung Suri di ukum magang. Semua genap magang. "Diatu utai udah putus, sapa agi ngagau ka Suri anak ampang sigi di ukum aku, laban iya suba udah di intu kitai, sapa agi berandau ka sida Suri sebilik sigi asuh ku angkat ari rumah tu!" Ku Tuai Rumah. Indai Janin enggau Indai Lika alu mulai ka diri enda lama diau di ruai. "Ila dik nyepik iya Suri, sampai mati aku enggai meda dik, bisi maya dik enda ingat aku meri dik!" Ku Indai janin kekucah. Indai Lika ba bilik pan kekucah kediri laban Lika ka di bilik ninga mih iya nyau ngilik pala meda ulah Indai iya baka nya.....