SURI

SURI PART 29

SURI
TUSUN 29
DIKARANG DARA MELANJAN

Datai Lika ba simpang menua sida iya. Lika lalu bejaku. "Ibu Aya ditu aja mih seduai ngelengka ka aku, terima kasih laban nganjung aku pulai ka menua" ku Lika Bejaku. "Au mih endu bejimat dik bedarat mulai ka diri ka rumah panjai" ku Indai tuai nya nyaut. Lika lalu nerus ka pejalai apai tuai gau indai tuai nya pan lalu mupuk. "Kasih endu Lika nya wai, enti baka anak tua agi idup ambi ka menantu iya ngambi iya enda merinsa" ku indaj tuai nya bejaku enggau laki iya..

Bejalai mih tudah Lika berumban rumban nuju rumah panjai. Datai ba simpang langkau bukit peda iya nyau repak simpang tama ka dalam. "Nyau repak jalai bukit kada mih apak kala ngiga aku kia" ku Lika nerus ka pejalai sambil iya muril ai mata. Pengelama iya ka bejalai nyau ga datai ba rumah panjai. Iya lalu berumban niki ka tangga laban deka ngiga apai iya. Selebuh nya Bini Tuai Rumah enggau Indai Janin benung nungga Tajau tuak. "Apuu endu lama enda meda dik ari ni dik endu, kitu dik endu" ku Bini tuai rumah ngepai sambil leluga mabuk.

Mansang Lika ngagai seduai iya ka ngirup. Dia Lika lalu merap ibu iya bini tuai rumah. "Ibu minta ampun ku ibu minta ampun aku enda ku besalah ibu anang ngukum ku ibu, kasih mih madi ku Umang udah nadai.Enda mih aku nemu rita suba ibu enti Indai enda Nusi" ku Lika nyabak merap Bini Tuai Rumah. "Enda ku ngukum dik endu enda ku nganu dik ukai salah dik alai tama ka bilik dik endu kasih apai dik mawa beraie ka di jauh ninggal ka iya" ku Bini tuai rumah. "Au mih ibu aku tama dulu ngiga apak kasih iya" ku Lika lalu mansang ka ruai sida iya.

Tama Lika ngagai bilik di kangau ka iya mih apai iya. "Apak ohh apak ni dik tu aku endu tu, dini dik" ku Lika ngagau. Ninga nyawa bisi orang ngagau Apai Lika lalu angkat ari dapur laban ka benung berapi nya iya duduk di dapur. Datai iya ba bilik besai peda iya anak iya Lika ba mua pintu. Belanda iya nuju Lika lalu di berap iya. "Endu chukup mih pelenggau aku ka dik anak, dini mih seduai dik mindai ngelama tu" ku Apai Lika nyabak. "Bai indai aku apak bai iya lari ka menua kin aku, enggai aku diau enggau iya apak semampai ka di bunuh aku begulai enggau iya" ku Lika nyabak.

Ninga ka anak iya nusi munyi nya dia dih apai Lika pedis ati laban Lika sigi anak asi iya. Ninga bini iya deka munuh Lika ati iya majak bedendam. "Ditu dik endu apak ka ngagai aya di tuai rumah dik dulu, kin dik ka dapur asi benung di tanggal ka aku tadi" ku Apai Lika iya lalu ka ruai mansang ngagai Bilik tuai rumah. Datai iya di ruai di kanggau ka Bini tuai Rumah. "Kini di wat, din ikak dik tadi di bilik nama utai di perumban ka dik"ku bini tuai rumah.

"Ehh ngiga tuai mih aku tu Mang, tama dulu dik umbas seduai dik ngirup" ku Apai Lika. Angkat ga Bini tuai rumah lalu tama ka bilik. Indai Janin pan sereta tama enggau seduai iya. "Apai Umang nya apai endu ka berandau enggau seduai dik Dom" ku bini tuai Rumah. "Bah duduk par nama nya" ku Tuai rumah. "Aku deka madah tuai diatu kitai anang enda ngadang laban endu udag pulai kitu, sekumbang endu ka endu diau enggau iya din endu semampai ka di bunuh iya" ku Apai Lika.

Ninga ka munyi nya nyau kasih tudah Mikai ninga Lika ka di bunuh indai iya empu. "Aya enti pia, aku mih ngibun Lika aku mih jadi enggau iya, apai indai ukai aku enda bebasa ka seduai tang mih aku minta kasih ka seduai aku deka jadi enggau Lika ngambi aku ulih nyaga iya ari di bunuh indai iya diatu aku minta kasih kita tiga nerima utai deka di pinta aku" ku Mikai bejaku. Malik tudah entua iya bini tuai rumah ninga menantu iya deka jadi enggau Lika. Lama sida iya tiga enda bebunyi malik pangan diri dia dih tuai rumah bejaku.

"Au mih Dom, jaga dik mih endu ibun dik baka dik ngibun diri anang mih bedendam enggau iya laban iya enda nemu utai enda nemu penyalah indai iya" ku entua iya ka laki bejaku. "Au mih apai, aku mih ngibun nyaga iya ari semua utai aku janji ngibun iya baka aku ngibun diri" ku Mikai bejaku. "Enti baka nya anang lama nungu tu pagila mih kitai ngerami seduai iya, nibuh rami besai mih beterang aja udah chukup" ku bini tuai rumah bejaku.

"Ya tajau tuak impun aku dih dih, pama gila nya kitu aku bisi nyibal ka jala hahahaha" ku indai janin ketawa laban ka mabuk. " Ehh aku sengayuh bisi mih dia wai tua ngabat iya pama datai, enti iya berani timbak enggau senapang Dom iya" ku bini Tuai rumah. "Ngam nya wai, pama enda alah asuh timbak dom iya" ku Indai Janin. Tama tudah Suri laban ka nganjung kasam ikan. "Ibu aya tu kasam Ikan seduai tu enggau dik ibu" ku Suri bejaku.

"Apuu endu udah mansau tu tadi?" Ku bini tuai rumah "bedau ibu laban batu di kauk aku" ku suri nyaut "uji panduk dia Kasam nya ketabas tua ibu dik" ku bini tuai rumah. "Udah bisi tadi ibu di panduk aku, anang guai mih aku ngambik ka seduai" ku Suri. Neyy ketabas ko seduai iya indai Janin nganu kasam ikan. Nyau mih Suri pulai ka bilik ngambi kasam ka udah di panduk laban ka di tabas seduai iya.

Ba rumah panjai Indai Lika.

Mansang iya ngagai belayong. "Apu Dom, lama amai kereta dik nya di adu ka dik!" Ku Indai Lika merak. "Eh ibu nyau enda ulib di adu ka aku nya enda pia pagila di anjung ka kedai nya ngadu ka iya" ku Belayong. "Ciiii dik nya antu kereta enda ga ulih mati nihhh!" Ku indai Lika bejaku lalu pansut. "Dik mati tau gi jai adat jai ulah!!" Ku Belayong bejaku. "Nama jaku dik munyi nya dom?" Ku indai iya nyaut. "Eh indai manah kereta aku tang sengaja aku madah nya jai laban ku ngasuh endu lari laban ibu ka munuh endu" ku Belayong bejaku. Indai iya lalu badu bejaku laban nemu madi iya jai baka apai iya.......