SURI

SURI PART 39

SURI
TUSUN 39
DIKARANG DARA MELANJAN

Pagi nya tumu sida iya serumah bekupas ka pereka ti dikena. Udah ke tembu sida pan mulai kediri ke bilik enda memukai mukai Melia pansut ari bilik belanda nuju Suri benung tetunging nuchi periuk . Laban ka enda ngadang diri di jamah ari belakang dia dih mua Suri tesungkur ngagai periuk serta idung iya bedarah. Nyepi diri tesungkur ngemalat nya dia iya nyerauh madah kediri mati."Tulung aku tulung aku sah aku ulih kitak !!!"ku Suri nyerauh . Tang mih nadai siku ninga laban ka udah tama bilik magang.

"Mati tau mih dik nya anak ampang puas ati dik anak ampang udah nganchur ka pengidup anak aku!! Dik nya ti nitih enda tau sesekali belaki laban dik anak ampang nadai pendiau ngampal kin kia!! Chukup pedis ati aku meda mua dik nya idup nadai geguna!!ko Melia bediri migai kayu sereta jari iya ngayun ke kayu nya ngagai belakang Suri. Rerauh mih Suri madah diri pedis tang nadai ga orang ninga.

Benung indai Janin pansut deka nganjung mangkuk ke dikena bebagi ka lauk dia iya ninga nyawa orang minta tulung.Berumban baban dih kaki tudah tuai belanda ke tanju peda iya Melia benung minsai ka Suri."Apuu mati mih endu nya legi dijamah iya baka nya!!,Legi sepik dik Melia legi dik ,sedia ngena baju tekalih mih dik!!!"ko Indai janin belanda baru ke bilik nuju dapur.Lenta ke meda entua iya kin kia baka bisi utai giga lalu nanya. "Nama utai ke ngasuh dik kin kia indai , nama utai digiga dik?"ku Lenta nanya. "Ni sengayuh tua ibu dik endu? Dini dik nyimpan iya?"ko Indai janin. "Dedin indai ba dapur kayu ku nyimpan kemari ,bah kena nama sengayuh nya,nama dik madah ka nganjung mangkuk tadi ngagai sida ibu?"ku Menantu iya nanya baru. 

Belanda iya ngagai dapur kayu peda iya sengayuh berumban ga iya nyapai sengayuh lalu tama baru ke bilik."Endu alai dik ngagai sida ibu dik padah ke ibu dik Endu Suri di jamah Melia setengah mati nya di tanju aku dulu kin jampat kih!!"ko indai janin lalu belanda nuju tanju pia mega Lenta lalu belanda nuju bilik sida tuai rumah.. Datai ba bilik tuai rumah berumban Lenta belanda nuju dapur enggau gesah gesah.Meda Lenta nyau tegesah gesah dia Bini tuai rumah nanya ke nama pengawa iya."nama ulah dik kenya endu nama belaya seduai dik mentua?"ko bini tuai rumah." Ibbbbuuu tulunnnggg inndaaiii dinnn Akaaaa Suriiiii seeettenggahhh mattiiii jammmmahhh Indaiii iyaaaa"ko Lenta nyau tesekat bejaku laban ke kesal.

Ninga menantu iya setengah mati dia Bini tuai rumah enggau sida iya sebilik lalu belanda ke ruai . Ninga nyawa indai janin besai ngelaban Melia. Pansut sida ke tanju peda Suri nyau udah luput bai kelalu balat di palu Melia ba pala. Mansang Jawan lalu belanda nuju Suri dia iya ngasuh Lenta ngambi baju sereta kuchi kereta."Aka nulung aku ngambi baju sereta kuchi dik,aram nyaban ke bini aku Sepital kitai "ko Jawan lalu merap Suri ke udah nadai nemu utai agi.

Indai janin agi bepalu ke sengayuh enggau Melia . Bulih dih tudah indai janin laban benung Melia deka malu Suri iya malu ari belakang ."Mati dik melia mati dik nadai guna dik idup ngenusah ke orang!!!"ku indai Janin malu tubuh melia ngena sengayuh. Mansang tudah Bini tuai rumah alu diterkam iya Melia ari dada. Ditumbuk iya enggau pengambis ati mua tudah Melia. Nadai wai nyau tekulai gamal tudah melia empa jamah dua samseng nya.

Ninga orang nyau capuh ba tanju ninga dih Ini Suri enggau Aki Suri di bilik." Nama nya baka nyawa indai janin enggau indai umang kada enda belaya seduai iya,ukai tau begulai manjai tunjuk enti dah ngirup" ku Aki Suri muchau lalu pansut.Sekali seduai iya meda melia benung di jamah seduai nya .belanda iya lalu nanya ba bala mayuh ke betunggung dia."nama ulah antu nya di jamah seduai iya?"ko Aki Suri nanya."kati enda nyamah apai,Endu di jamah setengah mati ,nya udah di taban ke laki iya enggau endu lenta ke Sepital tadi"ku Saut Tuai rumah.

Nyau lemik tulang seduai iya ke nyamah Melia baru seduai iya ngelengka."Udah tembu iya anjung ke sepital enti agi bisi seput enti nadai asuh anjung ngagai menua baju tekalih kin,nadai guna idup enti ka mati"ku indai janin agi malu melia ngena sengayuh.Mikai baru pansut alu mih enda nemu utai sekali meda orang nyangka pemayuh begelumu ba ruai entua iya tuai rumah.belanda iya lalu pansut ke tanju peda iya melia sigi udah enda kekebut lupit tauka mati enda temu laban enda negu.

"Nama ulah seduai indai nama gila nya nyau enda kekebut?"ko Mikai nanya. "Nama agi nyamah adik dik endu Suri arh"ko bini tuai rumah."ni endu dah ?"ko Mikai "udah bai dom ke sepital seduai iya Lenta,alai peda seput antu indu nya engka nyau udah padam,enti udah ngambi nganjung ngagai dunya baju tekalih enti bedau tau anjung sepital ,bai udah bisi pemai iya "ku Indai janin nyaut.

Seduai iya nyau seput seput lelak bai mansai enggau merau,jauh tuju seduai iya merau tadi nuju batang mandai nganjung semengat tudah melia."Sepik asai sapa aku enggau iya main main"ku indai janin. Bini tuai rumah alu tama ke bilik enda lama peda pansut mai tajau tuak. "Tu baru nyawa,ngirup tua wai"ku bini tuai rumah rerauh ngagau ke indai janin.Enda nemu enggai nyawa alu mansang tudah.Mikai lalu mansang nuju Melia dia iya ngama kedap Melia agi bisi."bedau mati iya,anjung kita iya !!"ku Mikai nunjuk ke mua laki melia.

Ninga bedau seput berumban dih anak laki iya ngangkat ke iya.baru ka nepuk ngagai kereta iya pan padam baka lampu kelita ke ambis gas.ninga nyawa anak iya rerauh nyabak ke melia ngagau ke indai iya udah lesi . "Eee mati enggai enda ba rumah kitai enda ka aku ngemuntau diri nguan bangkai dik nya!!"ku Bini tuai rumah. Ka pan enda tiki ke sida iya serumah mih tudah bangkai Melia. Nadai mayuh orang datai ngintu iya laban sida iya serumah enggai kiruh.mina ke dedunga enggau sida iya bala ke laki aja.iya ke indu semuti ke bisi..Parai melia ngulit kitai....