SURI

SURI PART 34

SURI
TUSUN 34
DIKARANG DARA MELANJAN

Selemai lemai nya Tudah Suri diau di bilik enda pansut ati iya semampai kesal takut sereta rawan. Takut indai ada iya datai meri jaku baru. Takut ke perening laki baru indai iya nyelai. "Kati enti sida iya datai baru, bakani pengidup aku? Nyamai aku mulai kediri ke Langkau Kebun sida iya sigi datai baru udah tu" pia dih ku ati Suri. Begadai gadai Tudah nyimpan barang dalam beg ati iya semampai madah sida Melia datai baru.

Kira nyau tengah malam, dia dih Suri Angkat ari peninduk. Iya lalu nurun mai barang ke chukup kena diau di Langkau Kebun. Angkat iya tadi lalu mansang ngagai peninduk aki enggau ini iya. Peda seduai nya benung jenak amai. "Minta ampun aku aki pulai ke Langkau enda madah" ku Suri bejaku kediri sambil mulir ai Mata. Mupuk Tudah lalu ngejang ngagai ujung tanju dapur. Bebekau ka Lampu picnic siti kena nyenjal jalai mulai ke diri ka Langkau sida.

Ari nyau jauh amai ngalih malam,nyau dini ari pejalai Suri agi jauh laban ka Kebun nangka iya penyauh. Nasib ga bisi bebai ka botol ai ka di irup sepemanjai jalai. Besai ika Tudah dia iya lalu ngentu.
"Lelak amai asai,kerebak tawas nyau ga datai di Kebun legi" ku Suri bejaku kediri. Lama diri tudah ngetu dia Suri nerus ka pejalai iya. Pemuas ka bejalai dia nyau dipeda Simpang Kebun Sida Suri. "Akai, berasai lentang asai nyau datai gaba Kebun, ditu dulu mih aku diau" ku Suri lalu Niki bukit nuju Langkau Kebun.

Ba rumah panjai.

Dani tudah Aki Suri gau Ini iya meda nadai Suri ngelumai ai kupi disrupt pagi nya. "Nama Endu lalu bedau dani, nadai ngelumai kupi ke tua ngelamatu udah angkat iya" ku Aki Suri nanya. "Engka enda nyamai isi mih nya, awakka aja, nibuh ngerak iya engka lelak" ku Saut Ini Suri. Nyau ngalih ari nadai ga meda Suri angkat ati Aki Suri enda lantang Tang enda di kibuh ke iya engka amai sakit kenu ko ati. Enda bulih bejam dinga bisi orang ngagau ke seduai iya melaki bini ari bisi besai. "Apai indai nI seduai" ku nyawa orang nya ngagau. Orang di ruai udah begau meda sida nya menyanak datai baru.

Mansang seduai peda nyau udah penuh bilik besai alai sida nya menyanak nyimpan barang. "Nama pengawa Kita nyau berangkut ka barang ngemayuh nya Melia" ku Ini Suri nanya. "Eh pindah kitu arh, nama enda tau diau ditu Kami pia!" Ku Melia nyaut nyau rejan. "Nadai rumah Kita nyau mindah kitu kati ke Endu ila enggai iya di alah ke Kita rumah, Kita ga udah muai iya nadai Kita ngempu utai ditu!!" Ku Aki Suri nyaut. Begau orang ninga sida iya pindah kia. Nadai enda bejaku. Tang nadai sapa berani nanya kini penungga Suri Laban nadai di peda sehari ari nya.

"Enti Kita ka diau ditu, berapi kediri manduk kediri nyin endur Kita stok dapur kayu din bilik tu anang nujah ngapa ukai bilik Kita!!" Ku Aki Suri lalu angkat ke nuju bilik Suri. Buka Tudah pintu peda petang nadai api di Buka. Dikangau ka iya Suri nadai ga nyaut. Meda baka nya di idup ka iya api peda bilik kusung nadai orang. "Kini mih Endu nadai di bilik, patut ati aku enda lantang" ku Aki Suri lalu pansut ke ruai.

Mansang iya ngagai bilik tuai rumah. "Ni apai Jawan tadi indai Jawan" ku Aki Suri nanya. Nyaut ga bini tuai rumah madah ka laki iya baru udah undue ke pasar bebeli barang kedai. "Enda ngawa mih, legi datai asuh ngiga aku iya" ku Aki Suri lalu deka pansut. Meda gamal Aki Suri baka enda lantang dia dih bini tuai rumah nanya. "Nama mua dik baka enda lantang apai, nama bisi jaku jai Melia" ku Bini tuai rumah. "Nadai, Tang mih Endu Suri nadai ditu, enda nemu kini penungga nya utai ka di bai aku giga" ku Aki Suri nyaut.

Nyau tegempang Tudah Bini tuai rumah ninga Suri nadai dirumah. "Apu apai kini penungga endu dih? Nama nadai madah ke seduai iya bejalai" ku Bini tuai rumah. "Nadai madah kini iya, nyangka nyanati iya nemu indai iya pulai kitu alai iya ngelari kediri" ku Aki Suri. "Enti pia anang nganti apai Jawan dik apai, nya Jawan bisi pulai bai begiga ka endu, enti iya enggai nyemilik seduai ketegal Melia nya nyemilik aku ga iya, nadai aku enggai, alai nyin bai Jawan enggau Janin ngiga iya" ku Bini tuai rumah lalu angkat ngagau ke anak bujang iya.

"Dom oh Dom angkat ari bilik nya, pansut dulu dik?" Ku Bini tuai rumah ngagau ka anak iya. Ninga indai Tudah ngagau iya lalu pansut. "Nama indai, bisi utai diasuh dik?" Ku Jawan nyaut. "Alai seduai dik Janin enggau Aki Suri ngiga iya, nadai dia endu lari enda nemu tungga kini" ku Indai iya. Ninga Suri lenyau enda berasai wai orang bujang lalu pansut nginyit tinggal Aki Suri endur iya pansut nganti di kereta. Pansut Aki Suri nasib amai ga Janin enggau Lenta benung duduk di ruai. "Wat lengka ke dulu pengawa dik nya alai enggau Aki dik enggau Dom ngiga Suri nadai di bilik ari pagi tadi enda temu kini penunga iya" ku Bini tuai rumah.

Janin lalu angkat masuk ke baju lalu nitih ke Jawan enggau Aki Suri ngiga iya. Mupuk mih sida iya Tiga nadai mih orang nemu kini tungga sida iya Tiga semina Indai Janin, Lenta enggau Bini tuai rumah aja nemu. Ini suri pan enda nemu Laban ke enda di padah ka Aki suri tadi, agi bai ati pedis Ini Suri enda pansut ari bilik Laban ka enggai meda Melia enggau bala anak laki iya. "Kini mih penunga Aka dih Indai, nama mih iya ngelari kediri nadai bepadah bakanya" ku Lenta nanya Entua iya. "Nya sigi nadai pengawa bukai mai endu lari Laban enggai begulai enggau bala jelu nya" ku Indai Janin. "Nya mih ko aku wai kada enda iya nemu Melia nya datai kitu deka nyemilik sida iya, enti endu enggai nyemilik sida iya bai aku nyemilik aku mih endu jadi enggau Dom, ngambi iya badu merinsa di kacau sida nya" ku Bini tuai rumah.. sida iya Tiga nyau sesalat nganti penantai sida ngemai suri. Ambis mih ati Tudah jawan wai, sulu ambai lalai lari enda temu tungga..