SURI

SURI PART 20

SURI
TUSUN 20
DIKARANG DARA MELANJAN

"Apai sapa Melia nya, nama kebuah apai tekenyit meda Suri" ku Mikai, Lenta enggau Suri bela bepening pangan diri laban enda nemu utai. "Apai dik ninga nama tanya aku, sapa Melia nya apai" ku Mikai ga nanya. Apai Mikai majak merening mua agai Suri mata iya sigi nadai beilap meda tudah Suri. Suri ka di perening iya berasai enda nyamai. "Aya, nama kebuah dik ngagau ka aku Melia, Melia nya nama indai aku" ku Suri nanya lalu madah kediri.

"Amai mih dik endu anak Melia, puas aku ninga dik ngelamatu baik mih dik nemu datai" ku Apai Mikai betelai ka diri. Iya endang enda ngelari ka mata iya merening tudah Suri. "Endu, dik mih di giga aku ngelama tu dik mih menyadi Mikai" ku Apai Mikai. "Err aya ulih ku nemu nama kebuah dik ngiga aku, sapa dik kebendar iya nama dik ngumbai aku menyadi Mikai dih aya, ulih dik madah enggau terus terang?" Ku Apai Mikai. Lama apai Mikai enda bebunyi iya, iya enda nemu baka ni nyaut. Perening iya Mikai perening iya ga Suri. "Baka ni mih aku nusi kisah seduai iya semadi ehh dih ka pan enda tusi ka aku mih nya, lama laun seduai patut nemu " ku Apai Mikai berandau kediri dalam ati. Nyau kepuas iya Apai Mikai narit seput dia nusi semua utai ngagai sida tiga nya ngarap ka seduai iya ulih nerima pangan diri semina diri menyadi tampung pala taja pan seduai iya enda sama karung tang mih sama darah..

24 taun ti belalu..

"Suba aku bisi menyadi nama Belayong nyadi jerita iya bepun ari tu "ku apai Mikai."Man aku minta tolong dik nyema aku nadai pagila lusa tulung ngiga anak aku nama Suri, pengudah aku betemu enggau Melia nadai kala ku ninga rita anak aku, dik aja mih ulih nulung aku begiga ka iya ila, Enggau siti agi peminta aku, ibun mih Mikai baka anak dik empu nyema aku ke tisi, Ingat Man giga anak indu aku ila" ku Belayong berandau enngau Man "eh nama dik munyi nya adi mali kitai munyi nya" ku Man nyaut tudah Belayong. Belayong apai kandung Suri enggau Mikai. Nyadi Man Apai ambu Mikai tauka apai Kandung Lenta menyadi tuai Belayong.Mikai endang enda nemu Man nya semina apai Ambu iya laban ka beapai ka Man. Apai Ambu iya mega nadai kala nusi jerita ngagai seduai iya Lenta.

Belayong betemu enggau indai Suri tauka Melia maya nya Melia gawa ba siti kedai makai. Nyadi Belayong udu ngetu ba kedai nya sampai ka seduai iya bekelala lalu bepangan. Maya nya Melia enda nemu Belayong tu udah bisi bini. Nyadi Indai Kandung Mikai benama Santi. Maya Belayong ka bepangan enggau Melia, Santi benung betubuh bisi. Makin lama pemgerindu seduai iya ka begulai nyentuk ka seduai iya suah beleman enggau pangan diri. Ngejung ka Melia betubuh bisi ngandung ka Suri. Maya nya Belayong nemu Suri betubuh bisi iya lalu ninggal ka Melia ketegal Santi ka nemu seduai iya begulai enggau pangan diri..

Pengudah Melia ka beranak, Melia lalu ngemai diri. Baka ka semaya Melia bepansa enggau Belayong ba siti alai . Melia nusi semua utai pasal Suri ngagai Belayong. Sepengudah setaun lebih Belayong enggau Santi nguji ngiga rumah panjai sida Melia tang mih enda di temu. Pemulai Santi enggau Belayong begiga ka Suri. Seduai iya melaki bini mati dilantak Lori. Nya mih Mikai di ambu tudah Man nyadi ka anak. Man nya menyadi tuai Belayong ka sebilik enggau iya bisi bini baru beranak mit iya nya Indai Lenta.Iya mih ka ngibun Mikai ari mit sampai ka diatu. Maya nya umur Mikai baru dua taun. Bedau nemu utai ulu ili. Nya mih sampai ka besai Mikai nadai nemu sapa apai indai iya kebendar.

~~~~~~~~~~~~~~~~~~~~
"Apai, nulung madah ka aku, sapa aku kebendar iya nama mesti aku menyadi kandung Suri apai!" Ku Mikai merak. Nyadi Suri mina tetunging nyabak di berap Lenta. "Minta ampun ku anak ukai enggai madah ngelamatu tang bedau maya, Diatu dik empu udah ngemai menyadi dik datai kitu aku nusi ka seduai lama laun seduai sigi nenemu" ku Man bejaku. "Nama meseti aku apai, apai nemu baka ni penyayau aku enggau Suri!!" Ku Mikai ngerasi. "Anak seduai enda tau jadi, seduai madi tampung pala semina enda saum temuni tang darah seduai agi sebaka laban apai seduai sama" ku Man nyaut sambil ai mata iya neritik.

"Aya nama baru diatu dik madah, nama dik enda ngiga aku, dik nemu aya, ketegal tu mih aku di kumbai orang anak ampang, ketegal tu mih aku selalu dikutuk di keji" ku Suri bejaku enggau ai mata. Perening iya Mikai asai ka anchur ati iya ngenang orang ti di sayau ka iya nya semina menyadi tampung pala. "Mikai, aku enda nemu ka ngagau ka dik sapa, ngagau ka nama dik tauka abang aku saru, tang aku gaga laban aku nemu aku bisi menyadi aku gaga laban aku udah nemu penatai aku" ku Suri Mulir ai mata gaga.

Lama Mikai meda Suri iya pan baka Suri enda nemu baka ni ka ngagau ka ngagau nama tauka ngagau Adi. Mansang iya ngagai Suri lalu di berap iya. "Adi biar pan tua enda sama indai tang aku janji aku ngibun dik enggau pengambis ati, dik aja mih harta aku di tinggal ka apai, biar pan aku meseti nerima semua tu, aku arap aku ulih nyaga dik nyaga aki enggau ini" Ku Mikai merap Suri.

"Terima kasih abang dik nerima aku nyadi ka menyadi dik, taja ati tua kala labuh pengerindu aku arap ka kaul tua nyadi diri menyadi lebih agi ari nya"ku Suri seduai iya sama beberap enda tinggal ga Lenta di berap seduai iya semadi.Nyau labuh ai mata Man meda bala anak iya udah betemu sereta nerima semua nya enggau ati ti tuchi"Belayong,diatu utai ka di asuh dik udah nyata,anak dik udah begulai betemu enggau pangan diri,taja jalai jerita seduai iya betemu ukai ari Aku tang jalai jerita pengerindu seduai mai seduai iya betemu diatu Belayong aku arap ka seduai iya nyaga kaul seduai ti nyadi diri menyadi"ku Man mulir ai mata gaga.

Malam nya sida iya sebilik betunga berandau bekenang ka apai seduai, Dia Mikai nguji mai Ngiga Indai Suri Ia nya Melia, seduai iya ngarap amai ulih tetemu ka Indai Suri. "Adi, bisi ari bisi maya tua ngiga indai, arap mih indai ulih nerima tua nyadi ka anak, biar pan aku ukai anak iya aku arap iya ulih nerima aku" ku Mikai "Aku pan arap baka nya abang, arap indai nerima aku nyadi ka anak iya, ambi aku badu irau badu tusah ngenang diri ka di kumbai anak ampang anak buai agi" ku Suri. Puas ka berandau sida iya empat lalu ninduk ka diri. Nyadi Suri begulai enggau Lenta. Mikai tinduk begulai enggau apai iya Man. Jenak mih Suri laban udah nemu asal penatai iya.

Pagi nya tumu sida iya sebuat dani labanka deka mupuk pulai ngagai rumah panjai Sida Suri ba Tinting Melanjan, labanka deka madah ka semua utai ka udah nyadi ngagai aki enggau ini iya. Nyadi apai Mikai iya nya Man pan enggau sida iya mupuk mulai ka diri ngagai Rumah Panjai sida Suri. "Bah mupuk mih kitai enti nadai penanggul agi, enggai ka datai din laun legi ukai semak menua" ku Mikai "Aram mih udah tembu aku anak, tumu mupuk tumu ga datai" ku Man nyaut anak iya Mikai.

"Ish anang guai arh, aku agi ngata tu, enggai kami pepera mua legi enda bajik" ku Lenta. "Laju Mang, enti lubah tinggal dik" ku Mikai nundi. "Berani dik ninggal ka aku, aku tu mih indu berani malu ngena sengayuh baka bini tuai rumah sida aka Suri hahaha" ku Lenta. Nya mih sida iya capuh ninga utai di sebut Lenta, "eee ta nadai orang bukai endur nyema ibu tuai ga sebut dik nih Mang, enti dik bedau kala nguji anang nyebut au, kumbai enda pedis tekung iya,suba ibu Indai Janin luput tangkup enggau pemansai dipalu ngena sengayuh, dik ka nguji mang ila madah ka ibu" ku Suri lelekik ketawa.

Munchung mulut tudah Lenta di tundi Suri ngemendar nya. "Bedau nya, mayuh gi ulah ibu bedau di temu seduai dik abang, enti ka nemu nganti mih tusun 21" ku Suri madah ngaga bala peminat Suri. 🙈🙈😅😅