SURI

SURI PART 18

SURI
TUSUN 18
DIKARANG DARA MELANJAN

SEBULAN UDAH NYA.

Nyau sebulan tudah Suri diau di rumah panjai. Sebulan nya mih Mikai enggau Lenta ngundang iya kia. Indai Lika semampai ngiga Cara kena iya kena iya ngulih ka Mikai jadi enggau Lika.Lemai nya Mikai tumu kia laban ka betemu enggau Suri cun ga Lika pansut ka Tanju bebuat gari. Iya belanda tama ka bilik udah nya pansut baru "Eh dik tadi wai,niki mih lalu dulu"ku Lika.nyau lentik lentik ba mua Mikai.laban ka Mikai udah  di gaga Tudah Indai iya nadai beleman Mikai Nitih ka bilik sida Lika.

"Indai indai din ba bilik besai bisi Mikai baka ni dih indai tua enggau iya" ku Lika. Alai dik nukar gari bekena ka kain aja, legi aku ngasuh iya tama ka bilik dik ngaga diri deka dipasung Mikai, udah nya aku ngaga diri tekenyit lalu ngagau ka kitai serumah "ku Indai Lika bejaku. Nyau mih Lika tadi ngagai bilik peninduk lalu nukar gari iya ngagai kain aja. Indai Lika lalu ngaga diri ngaga Mikai." Oh Dom din endu tadi dalam bilik Tinduk aku tu ka keruai dulu ka ngagai sida ibu dik sepiak kia. Endu ngasuh dik tama "ku Indai Lika.

Mikai nadai beleman iya alu angkat nadai mayuh utai tanya nyau belik nitih aja utai di asuh. Datai iya ba bilik Lika nya mih Lika Lalu narit Tudah Mikai duduk ba atas iya. Ngaga diri tama mih Indai Lika tu tadi ka bilik lalu ngaga diri tekenyit. "Apuu Dom nama ulah di baka tu ngaga anak aku, tulung aku tulung" ku Indai Lika belanda ka ruai enggau sesabak. Mikai nyau tekenyit ka ulah diri.

"Ya lapa dik wai nyau rerauh minta Tulung" ku Bini tuai Rumah. "Peda dik wai peda dik ba bilik din nya mih sida iya serumah nyentuk ka Suri enggau tama ka bilik indai Lika. Peda sida iya Mikai agi meragau merap tudah Lika di peda." Apu dom Salah pengawa dik baka tu "ku Aki Suri. Suri udah ngelari ka diri enda tan ati meda ulah Mikai enggau Lika ka enda bebaju." Baka ni enggau tu Tuai Rumah enggai aku di gaga baka tu malu aku tuai malu aku "ku indai Lika ngaga diri nyabak.

"Nadai ku enggau jadi seduai iya" ku Tuai rumah. "Aya enggai aku. Meri mih aku minta ampun enda aku jadi enggau Lika" ku Mikai nyaut "enda salah ku aya enggai nyadi aku jadi enggau iya. Kati ka Suri deh aya" ku Mikai. "Jadi mih dik enggau Lika, seduai ga udah begulai, terima Kasih Mikai laban udah meri penyayau pengasih dik ngagai aku" ku Suri mulai ka diri. Gaga tudah Indai Lika ninga pemutus jaku Tuai rumah ngasuh Lika jadi enggau Mikai.

Bendar tudah Suri nyabak di bilik ngenang Mikai ka ngayah ka iya. "Sampai ati dik ambai ngaga aku baka tu, enti orang bukai enda anchur asai ati aku tang mih dik begulai gau bala aku petunggal aku empu" ku Suri nyabak. Ba ruai bala orang rumah panjai majak mayuh betugung. Laban ka nuku ka Mikai enggau Lika. Gaga amai mih Lika enggau Indai iya laban Mikai enda jadi enggau Suri. "Sepik Asai dik Suri nadai dik nemu nya pengawa aku" ku Indai Lika. "Diatu Mikai menantu aku, dik sampai mati mih enda belaki" ku Indai Lika.

Benung sida iya berandau benung ka miyau ka Lika enggau Mikai pansut Indai Janin. "Anang ngasuh Dom nya jadi enggau Lika, tadi Lika muat gari bisi ngusut utai ngagai peguk Dom nya udah nya Dom lalu nitih ka iya." Ku Indai Janin. Indai Lika lalu Angkat. "Dik ka gila anang mayuh utai sebut dik nadai orang percaya ka dik" ku Indai Lika. "Amai aku gila tang dik anang nguji ka ngambi Dom nya enggau Salah, kumbai di sari tu aja aku meda ulah seduai dik menyana, nyin aya setak nyin meda ulah seduai menyanak tadi" ku Indai Janin nunjuk ka Aki Sempurai.

Malik semua orang ngagai Aki Sempurai nya mih tuai rumah lalu nanya. Indai Lika enggau Lika udah takut laban but seduai iya di temu orang. "Amai nya aya bisi meda dik ulah seduai iya menyanak" ku Tuai rumah nanya. "Amai Tuai, tadi Lika bebuat ka gari datai Dom nya Lika lalu belanda pulai ka bilik laban ka aku baru pansut ari bilik meda mih aku iya ngusut utai ba jari iya lalu pansut ka tanju baru ngusut utai ba peguk dom nya tadi,utai ka sebut indai Janin nya amai magang laban tua iya sama meda" ku Aki Sempurai.

Ninga ka aki Sempurai munyi nya, Dia dih Mikai lalu angkat. Mansang iya ngagai Lika lalu di cekak iya. "Berani rani dik ngaga aku baka nya, dik nemu sapa aku digaga dik baka nya! Mati dik mati!!!!!" Ku Mikai majak nyekak Lika. Meda Mikai nyekak Lika nyau seput seput tudah Lika. Angkat Janin lalu ngelara "umbas akih anang munuh iya dik enda alah dik empu tangkap orang. Utai jai anang nunda iya biar petara ngukum seduai" ku Janin. Nya baru Mikai Ngelepas ka jari iya. "Aya atur dik nama utai ka patut" ku Mikai lalu nuju bilik sida Suri.

Meda Mikai Belanda ngagai ruai sida Suri. Aki iya lalu nitih. "Suri buka pintu tu kumang, anang mih dik ngaga aku baka tu, ukai salah aku kumang nadai aku ngaga pengawa baka nya" ku Mikai ngetuk pintu. Enda ga Suri muka pintu. Datai ga aki suri ari setak meda Mikai agi ngetuk Pintu. "Awak aku Dom, nguji ngetuk" ku Aki Suri.ketuk tudah aki Suri pintu  enda ga di buka Suri. Meda Suri alu enda muka pintu Mikai mansang baru ka setek di titih ka Aki Suri.

Datai iya ba ruai nya dia dih iya lalu bejaku. "Aya, sebedau aku bejaku panjai agi aku nusun 10 jari minta ampun, nyadi aku ka nyebut ngagai kita lalu minta penemu kita serumah kelebih agi ngagai dik aya apai Lika Enggau Aya tuai Rumah" ku Mikai. Apai Lika tunduk aja malu ka diri bulih bini anak ka baka nya. "Sebut dia mih dom nadai kami nganu dik, enti penemu nya betul di kena sigi di sukung bala mayuh" ku Tuai Rumah. "Seduai ibu, Aku sigi enda nganu seduai tang aku enggai enda nyebut pengawa seduai tu salah amai baka nya, enti seduai dik enda berubah aku minta aya tuai rumah enggau aya apai Lika muru seduai dik ari tu, aku enggai orang ka datai ila digaga seduai iya baka tu, sekali udah kepapas ka pengidup orang sampai mati seduai iya agi baka tu, ngagai dik aya enti dik agi beguna ka seduai iya ajar mih, enti enggai beguna ni penemu dik aya laban ukai sari dua seduai dik ibu begulai dik pan nemu baka ni ulah iya, ngagai dik Lika enti asai ka belaki anang ngena cara salah enggai ka nyadi baka tu Petara sigi enda nyukung nyema ulah kelalu jai, amai indai Janin gila tang utai ka di padah ka iya nya amai, 10 kali seduai dik begaga bedukun enti ukai ungkup dik enggai mih nyadi manah aku enda munuh seduai" ku Mikai Lalu angkat mai aki Suri pulai ka setak.

Ninga utai ka sebut Mikai nya ngena dia dih tuai rumah lalu bejaku enggai apai Lika "kati ku dik kih, kami tu sigi nganti penemu dik aja, dik ngemou bini" ku Tuqi rumah "uji ta sarak ka iya nya anjung pulai nadai guna iya agi di rumah kitai tu ngemalu ka nama kitai, enti aku baka Dom nya tadi enda ngalau iya ta palu enggau sengayuh neya" ku bini tuai rumah bejaku. Nya mih gamal indai Lika nyau bekuring meda Bini tuai rumah. "Nama pepeda nama kala ngasai sengayuh dik!" Ku bini tuai rumah. "Umbas umbas dik Indai Umang, ya dik ku palu enggau sengayuh nya legi, anang bejaku dinga utai ku Apai Lika nya" ku Tuai rumah bejaku. Nyau lelintuk bini tuai rumah meda ulah indai Lika...