SURI

SURI PART 37

SURI
TUSUN 37
DIKARANG DARA MELANJAN

Kira ke udah kerebak tawas dia dih tuai rumah angkat iya lalu nyediaka pereka ti deka di bai begiga ke lauk . Meda tudah laki iya angkat ,angkat ga tudah bini tuai rumah . Ninga nyawa entua berandau Suri pan angkat nitih ke dapur."Tumu dik dani endu?"ko Bini tuai rumah."Tumu indai ,ninga seduai apai udah angkat nya mih aku nitih "ku saut tudah Suri. Suri lalu begaga ke kupi sereta nyumai asi ke dibai sida entua iya bejalai ke tanah..

Udah tembu nyumai Suri pan lalu ke bilik ngerak Jawan."wai dani wai umbas agi nyau deka nurun apai "ku Suri ngerak Jawan. Nadai ga beleman tudah Jawan iya lalu angkat. "Tumu dik dani wai,ni sida indai enggau apai dih?"ko Jawan nanya Suri." Din apai udah pansut dik aja ke bedau angkat "ko Suri. "Dulu mih dik pansut aku begari dulu"ko Jawan ngasuh Suri pansut dulu. Nadai ga Suri mayuh leman iya pan lalu pansut.

Pansut Suri dia dih bini tuai rumah lalu nanya menantu iya." Ni Dom endu,nama lalu bedau angkat iya"ko bini tuai rumah."Udah angkat iya tadi indai,benung begari"saut Suri . Bedau lama tudah Suri enggau bini tuai rumah berandau,pansut ga Jawan ari bilik."Dom ,tesau dulu bala kitai serumah ,gempuru dulu ditu"ko tuai rumah lebuh ka meda Jawan pansut..

Udah semua sida serumah pansut mina melia enggau bala anak iya aja nadai pansut laban di tambit aki Suri pintu ari dapur enggau ruai ngena kerepau. Meda bala rayat iya udah dia magang tuai rumah  pan lalu bejaku. "Nyema kitai serumah udah ditu magang nyadi aku deka magi tubuh ni bagi begiga ke lauk enggau begaga ke langkau ba rumah ditu"ko tuai rumah ..sida iya pan bebagi tubuh nyadi tuai rumah enggau bala rayat iya ke bukai begiga ke lauk ke tanah,nyadi apai janin enggau apai lika tinggal di rumah begaga ka utai di rumah.

Baru deka nurun sida tuai rumah datai ga tudah mikai. "Kini kita apai ? Tumu amai kita bejalai ?"ko mikai nanya entua iya."begiga lauk wat,pagila nyau melah pinang dom enggau endu"ko Tuai rumah bejaku. "Endu Suri pia? Jadi enggau ipar jawan?" Ko Mikai nanya asai ka enda perchaya."au wat m bedau nemu dik pia?"ko tuai rumah."nasib mih aku pulai enda pia enda mih aku nemu ,enti pia nganti aku apai,aku enggau kita?"ko Mikai lalu deka berumban deka niki laban ka nukar gari."nibuh enggau dik wat tinggal ditu dik,begulai enggau entua dik enggau aya apai janin"ko tuai rumah.."au mih apai"ko mikai..

Mikai lalu niki kerumah tang enda nuju ke bilik entua iya .tang mih nuju bilik sida bini tuai rumah."indai oh indai ni dik ?"ko mikai rerauh ninga bini tuai rumah."tu aku wat ditu aku ba dapur" ko saut bini tuai rumah . Mikai lalu nuju dapur iya lalu merap bini tuai rumah."lelenggau aku indai ke dik,gerai dik indai? Ninting ari ku indai ngabas niang ,chukup mih aku lelenggau ka iya,enda mih aku betah iya indai "ko mikai nyabak merap bini tuai rumah.ketegal enda betah niang bini iya.

Sama nyabak mih seduai iya enda betah niang umang.chukup mih pelelenggau ka niang umang..Suri ke meda nyau nyabak belalai ketegal rindu ka niang ika iya."umang, pagila melah pinang aku enggau aka dik,ngarap ka dik besampi ka tua jawan semampai meruan jadi enggau laki bini "ko sampi Suri. Meda mikai  suri bediri tisi pintu dapur ." Endu,enda aku nyangka pagila ari besai dik"ko mikai merap Suri.

"Nasib ga dik datai aka,ukai enda madah aku,utai berumban baka tu,indai udah pulai kitu"ku Suri nyaut Mikai."nama tadi indai dik udah datai ditu??udah pulai kitu nyemilik aki enggau ini!!!"ko mikai merak Suri.Suri enggau bini tuai rumah nyau tekenyit ninga mikai merak bejaku.."aaaauuu innnndaiii udahhh puuulaii"ko suri nyaut. Ninga tudah suri madah ke mikai indai iya udah pulai.Mikai lalu pansut nuju bilik aki enggau ini iya.

Bang!!! Bang!!!! Bang!!! "Buka pintu tu Melia!!! Pansut dik!!!" Ko mikai nyerauh madam pintu .ini suri laban ke tinggal bendar mih tudah nyangang Mikai."umbas uchu umbas mayuh ulah anang mayuh penubuh kita"ko ini suri.Laban ka mikai bisi kunchi bilik aki ini iya dia dih iya belanda ke bilik tuai rumah baru ngambi kunchi udah iya ngambi kunchi rumah aki iya dia dih iya belanda baru ke bilik aki iya,bilik lalu di buka,mikai lalu mansang ngagai Melia ke benung duduk enda jauh ari pintu bilik besai ,melia lalu di cekak iya .

"Aku dah madah ngagai dik!!!anang ngachau madi aku!!! Aku udah nyebut anang sesekali kita pulai kitu!!!! Nama enda ninga jakuuu!!!"ko mikai benung nyekak Melia nya mih tudah melia nyau rerangap pejam enchelak mata laban ka enda tetarit ke seput diri.Laki melia enggau bala anak nadai berani nyagang Mikai laban sida iya nyau takut ke mua Mikai udah mansau baka deka munuh melia.Nya mih sida iya serumah nyau begau begelumuk ba bilik Aki Suri meda mikai ke nyekak melia.

Meda Mikai nadai ulih ditagang suri lalu mansang enggau sesabak."umbas aka anang baka tu dik polis enti dik munuh iya mati dik bunuh tangkap orang anang mayuh ulah aka,kasih ka aku pagila aku melah pinang ukai deka ngulit ke kita" ko suri nyabak merap mikai ari belakang .ninga jaku Suri ka udah munyi nya dia dih jari mikai begadai gadai nyelengka ka jari iya.tang mih mikai bisi jaku."Pagila kita menyanak anang sekali kali pansut ari bilik tu enggau orang betunga enti asai dik enggai mati di jari aku!!!"ko mikai meri jaku tangkan iya pan lalu pansut ..Tinggal indai janin,ini suri enggau bini tuai rumah da agi ba bilik dia.Melia nyau lemik tulang laban udah di cekak tudah mikai.Jantang sigi te nyau keberai ai mata meda indai iya di cekak baka nya.

"Nya sepik asai dik kumbai dik uduk anak ampang Suri ngelamatu!!! Nya mayuh orang sayau ke anak ampang nya!!!"ko indai janin iya lalu pansut."manah dik bedau ngena baju tekalih enti dah ngena baju tekalih mati dik nemu dik!!!! Puih numbak kediri ney!!"ko bini tuai rumah nendang melia iya lalu pansut mai sengayuh pulai laban sengayuh sigi enda kala jauh...udah bini tuai rumah pansut ini suri lalu bejaku." Ke agi badu mayuh ulah,orang rumah tu sigi sayau ke endu magang enti dik ngemedis ke endu dik mati!!"ko ini suri lalu pansut nambit pintu baru...