SURI

SURI PART 22

SURI
TUSUN 22
DIKARANG DARA MELANJAN

Tumu pagi Indai Janin lalu madah ngagai Apai Janin utai ka di kerandau ka iya enggau Suri demalam. "Wai apai dom, aku bisi utai ka di padah ngagai dik" ku Indai Janin. "Bah nama utai ka di padah ka dik nya, dik anang memacam utai di gaga enda alah kitai di buru orang" pia ku saut Apai Janin. "Ehh nadai aku tu memacam, enda gila aku tu deh wai, ba ku bisi utai ka di kerandau ka enggau dik" ku Indai Janin ga. "Sebut ka dia kih, nama utai ku dik" ku Apai Janin.

Lama Indai Janin berunding baka ni madah. "Nai nama utai ka di padah dik dih, sebut kih nya nyau enda bejaku nyau isu dik pia" ku tudah Apai Janin. "Bakatu wai, pulai kita berandau ngirup ba ruai Aki Suri demalam, aku pansut ka ruai meda endu Suri ngumpul gelas udah di kena kita, lalu aku mansang ngagai iya, berandau deka nanya ka Suri nyadi Bini Dom tua" ku Indai Janin. "Ehh dik anang memain, legi endu nya enda nerima laya dik iya" ku Apai Janin. "Enda wai enda aku nganu iya, meda iya enda nerima ndai aku mayuh jaku, tang aku aku.." ku Indai Janin bedau abis jaku lalu di tanya Apai Janin baru.

"Aku nama nya, di anang nganu orang wai, udah dik di kumbai gila, nyau lebih gik ila jaku orang" ku Apai Janin. "Ishh dik bedau abis jaku udah di tetak dik, meda endu enggai nadai ku nganu, tang mih aku nanya ka Endu Lenta menyadi Mikai nya nyadi ka menantu" ku Indai Janin nyebut ka Apai Janin. Ninga ka Indai Janin nyebut nanya ka Lenta nyau ensembur ai Kupi ka baru di irup iya bai tekenyit. "Apuu wai, amai berani dik, kati dik enda jerak enti orang indu enda nerima legi di laya dik" ku Apai Janin.

Nya mih Indai Janin tetuchum meda laki iya tekenyit ninga Laki iya baka burung semalau. "Eh nadai orang Indu enggai Apai Dom, nya mih Aku madah ka mai dik nanya ka Endu nya legi ba Sida Aki Suri" ku Indai Janin "Eh enda aku bai dik malu aku legi, meda ulah dik nya ukai ulih di karap ka jaku dik nya" ku Apai Janin. Selabuh nya Janin baru angkat lalu ka dapur ninga mih iya randau Apai enggau Indai iya. Mansang iya lalu bejaku.

"Amai Apai,demalam aku ninga jaku Lenta deka nerima tanya Indai, nya mih Indai mai dik nanya iya kin legi" ku Janin nusui ka utai di dinga iya kemarik. "Enti amai nadai ngawa, kati dik dih Dom nerima dik endu nya nyadi ka bini" ku Apai iya nanya. "Aku aku emm lama udah ka ke Lenta, maya iya datai kitu dulu suba aku udah bisi ati deka nanya iya ka ambai" ku Janin nyaut. "Enti baka nya lemai legi mih Kitai kin mai Tuai, legi aku madah ka tuai mih" ku Apai Janin lalu angkat ka nurun gawa.

Ba bilik sida Suri lain sebengkah ga. "Aki, Apai Abang aku bisi utai ka padah ngagai kita" ku Suri, Lenta enda memunyi iya mina tunduk aja nganti Suri ka madah utai di kerandau sida iya Indai Janin. "Nama nya uchu padah ka dia mih" ku Aki Suri. "Au endu nama nya, dik ka belaki pia sapa laki nya" ku Apai Man nanya iya. "Eh ukai aku ka belaki nya adi Lenta nya ka belaki" ku Suri nyaut. Nya mih Sida iya seretai malik ngagai Lenta ka nemu pengamat jaku Suri tadi.

"Amai dik endu, nama amai ka belaki dik pia, bah sapa laki nya dih? Nama aku enda nemu dih" ku Apai iya nanya. "Eerrr errr baka ni aku ka nyaut, aka dik mih madah ka sida iya enda nemu aku ka ngepun ka randau" ku Lenta. "Indai Janin nanya ka Adi demalam apai, iya nanya ka aku agi ka enda nerima Janin jadi enggau enggau aku, tang aku enda nerima laban ati aku bedau ka belaki" ku Suri. "Udah nya ibu nya nanya Lenta asuh jadi enggau Janin, nya mih endu empu nerima jadi enggau anak iya, nyadi lemai tu sida iya ka kitu nanya ka adi" ku Suri.

"Au mih enti baka nya, enti amai nadai ngawa mih, enti dik endu nerima nadai ngawa kami pan nadai mantah" ku Apai Man. "Nerima aku apai, laban sigi bisi ati ngagai Janin nadai mih aku nulak" ku Lenta. "Manah mih nya tang ingat endu, enti belaki ukai baka tua ka bepangan iya, besai agi tanggung kitai nyadi bini orang" ku Aki Suri madah "Au mih Aki Apai ninga aku jaku ajar kita dih" ku Lenta nyaut. "Dik dih Dom, nama amai dik nerima anak Tuai rumah nya, anang ngasa ka orang kitai enti enda beamai amai" ku Apai Man nanya.

Nyau ensembur ai tudah tuai ninga Apai iya ka nanya, perening iya mua Suri, siku nya mina nagun ka pala. "Nganti Anak Tuai Pulai mih Apai ila ngerandau alu bedau tetemu ka orang Indu nya aku" ku Saut Tudah Mikai. "Au mih Dom" ku Apai Man. "Emm kita nanya ka kami duai adi Lenta, uji adi Suri nya tanya kemaya ka belaki" ku Mikai. "Au Apai aki, nya aka nya tanya kemaya" ku Lenta ga. "Eh bedau ari aku belaki mih nya, ila mih enti aku ka belaki ila aku madah ka kita" ku Suri nyaut iya lalu angkat ngagai Ruai laban ka ngeredai gari.

Pansut tudah Suri tadi ka ruai bebai ka gari. Mansang Indai Janin ngagai Suri. Meda ga bini Tuai Rumah. "Nya nama pengawa iya ke sentak kin legi dik enti aku tu datai tatau tengkup aku enggau pemansai dik nya legi" ku Bini Tuai Rumah bejaku. "Eh dik tu Wai nadai nemu badu dik nya ka tatau, abis orang ka di kereja dik nya umbas umbas enggau sengayuh pemansau dik nya" ku Tuai Rumah. "Eh ngacau orang dik nya, kin dik alai" ku Bini Tuai Rumah ngelesey ka laki iya alu ngaga diri ka nangkup Tuai Rumah enggau pemansai.

"Endu oh endu, tumu amai dik angkat ngeredai gari" ku Indai Janin ngepun ka jaku. "Eh dik tadi ibu, tumu ibu, enggai ka ngalih ari ujan legi, mal diatu pama udah ngalih ari ujan belama" ku Suri nyaut. "Ba iya endu aku bedau mih dia udah di basu tulang tu buruk amai" ku saut Indai Janin. "Ka buruk nya tangkup enggau pemansai, tulang ka jai nya uji palu enggau sengayub badu buruk" ku Bini Tuai nyaut. "Ehh dik nya tau gi di palu enggau sengayuh tangkup enggau pemansai penatau dik enda nemu badu" ku Indai Janin Nyaut.

"Eee dik ka nangkup aku kada enda dik dulu" ku Bini Tuai Rumah. "Kiruh kiruh aku enggau dik nya, din manuk Indai Lika tangkup dik udah nya palu enggau sengayuh udah ulih tunu tua ketabas nunga tajau Tuak dik" ku Indai Janin. "Amai nih wai arap tua nangkup iya udah nya sumai ketabas" ku Bini Tuai Rumah nyaut. Nya mih seduai iya nyau beirit irit nuju baru Rumah Indai Lika ka ngangkap manuk. Siku bebai ka pemansai siku bebai ka sengayuh, udah mih Enda ingat Indai Janin ka Nanya utai ba Suri tadi laban ka terumba bebai ngangkap manuk. Neyy enda begulai seduai dik penatau enda jauh enda lebih enda kurang enti agi suba Indai Janin enggau Bini tuai rumah mih sigi tatau begulai seduai iya sigi puh ngangkap manuk Indai Lika ketabas ngirup. Ancik dik hahha...