SURI

SURI PART 13

SURI
TUSUN 13
DIKARANG DARA MELANJAN

      Pagi tumu udah rerauh Indai Janin minta di lepas. "Lepas ka aku nama kita nadai pending pia!" Ku Indai Janin. Bala ka mansa iya kin kia semua nengah tisi dinding bai takut ka iya. Gamal nyau teberunsai baka ibu pulai mansai. Nya mih bala anak mit ka bisi ngelesey ka Indai Janin. "Wek wek Indai Janin gila, Indai Janin kerepau Janin" ku anak mit siku. "Mati dik legi enti aku lepas anang dik memain enggau aku!" Ku iya merak anak mit nya. Nyau takut anak mit nya lari ke bilik..

    Bini tuai rumah laban ka nyapu ruai nyau ngilik ka pala. "Amai gila mih dik nya Indai Janin anjung ka sepital sibu dik nya jerak masuk tingkat tiga" ku Bini tuai rumah bejaku ka diri nguing ka burit ngagai Indai Janin. Pansut Apai Janin enggau Janin ari bilik nya mih Indai Janin nyau engkuda minta di lepas. "Lepas ka aku lepas! Enti seduai dik menyanak enggai mati nadai pala!" Ku iya. Anang ka ngelepaska iya ngasuh seduai nya menyanak nuju bilik tuai rumah.

     "Wai, ni akih tuai bisi dia?" Ku Apai Janin. "Bisi iya dia, baru pulai ari baruh iya tadi" ku Bini tuai Rumah. "Au mih, dom alai dik ngagau ka aya dik apai Dino Jugam enggau Apai Lika, Aki Jagok anang enda ingat legi" ku Apai iya. Nyau mih Janin ngagau ka sida nya laban di asuh apai iya. "Antu mih kita serumah tu nadai enda jai hahahah" ku Indai Janin ketawa. "Ila kita aku lepas punas kita rumah panjai tu" ku iya bejaku.

     Pedis ati bini tuai rumah ninga iya dedurah ambi iya pemansai benung di jembi iya di luar bai ka iya sengayuh gadai gadai iya ari belakang tangkup lalu palu iya sengayuh ngagai siku nya neyy nyau tegalik meredup Indai Janin laban bini tuai rumah. Apai Lika enggau Janin ka mansa nyau tegenung meda ulah bini tuai rumah. "Agi dik kekutap ari malam sampai diatu nadai ngetu" ku bini tuai rumah. Sekali ka nguing iya tepeda ka dua iku nya benung malik iya nyau enda beilap. "Hihi minta ampun dom malu indau dik, nyau pedis pending ninga iya enggai badu kekutap" ku bini tuai rumah ngambi sengayuh enggau pemansai iya pansut ka tanju..

     "Pahai mih aku ukum apai Janin legi, nama mih aku malu indai tuai nya tadi" ku  bini tuai rumah lalu tama ka bilik. Nyau lesey lesey iya meda sida nya duduk ba bilik besai iya alu ka dapur. "Nama ulah indai umang baka nya akih" ku Apai Janin. Janin enggau apai Lika tetuchum meda ulah bini tuai rumah ka nyebut nyangi seduai iya. "Entah akih enda nemu ulah iya" ku Tuai rumah nyaut. Malik ga tuai rumah ngagai apai Lika enggau Janin lelesey ga seduai nya. "Nai lapa seduai nyau baka indai Umang dah?" Ku tuai rumah..

   "Enggai nyadi enda lelesey tuai uji tanya pengawa bini dik di ruai tadi" ku Apai Lika ketawa. Enda puas ati ga tuai rumah. "Wai ohh indai Umang kitu dik" ku Tuai Rumah ngagau. "Apu mati aku, dadak seduai nya enti madah legi" ku Bini tuai rumah kekucau.Mansang iya ngagai sida nya sambil mai ai kupi. "Tu Kupi kita apai Umang, nama nya bekangau kangau dih?" Ku Bini tuai Rumah. "Nama pengawa dik di ruai tadi?" Ku Tuai rumah nanya. Malik iya ngagai seduai nya ka duduk berimbai nyau ngelintuk mata iya. "Nadai pengawa aku" ku Bini tuai beguai ka angkat.

    "Padah ka dia mih indai Umang nadai apai Janin nganu dik legi wai" ku Apai Lika. "Au ibu enda ku nganu dik dah" ku Janin nundi iya. Bini tuai rumah sigi tedai di tundi sida iya serumah laban sigi tatau. "Ehh seduai dik tu tangkup aku enggau pemansai seduai palu enggau sengayuh baka indai Janin luput seduai dik legi" ku Bini tuai rumah nyebut. "Nama ku dik?!" Ku apai Janin nanya. Sida ka bukai nyau tetuchum meda Bini tuai rumah bepampul mulut. "Nama mih aku nyebut tadi" ku Iya betelai.

    "Nya nya pengawa indai Umang tadi akih, tau tilik Indai Janin di ruai din emoai iya ngeleda dah" ku Apai Lika sida iya nyau engkakah ketawa. "Amai seduai dik amai, ehh kiruh aku enggau kita nya, Minta ampun apai Janin" ku Bini tuai rumah alu angkat ka dapur. Sida iya pan berandau baka ni ngadu ka Indai Janin nya..

Ba Balai Polis.

     Udah ka tembu sida Suri ngaga ripot, Suri lalu di anjung Seduai iya ngagai sepital. Lama seduai iya nganti Suri labanka nuchi telih Suri. "Abang kati kita enggau ibu iya nya" ku Lenta. "Bisi orang nangkap iya anang irau, ditu tua ngibun iya dulu, nganti udah suman anjung pulai ka menua kasih iya ditu" ku Abang Lenta nyaut. Nyau puas seduai iya Nganti Suri peda pansut Lutur melayu siku. "Keluarga cik Suri?" Ku Lutur nya. "Kami berdua doktor, macam mana dengan keadaan dia doktor" ku Abang Lenta. "Encik, cik Suri sangat lemah sekarang ni jadi saya harap encik dan cik benarkan Suri masuk ward sekarang sebab kaki cik Suri ade retak sedikit" ku Lutur nyaut. "Baik lah Doktor buat yang termampu" ku Abang Lenta.

     Benung seduai iya ka duduk dinga nyawa indai tuai siku benung begau dipasung. "Lepas ka aku enggai aku bai kitu enda sakit aku" ku Indai tuai nya. "Apu abang nama indai tuai nya di rantai baka nya" ku Lenta nyaut. "Enda nemu mang, ditu dik aku nulung sida iya" ku abang Lenta. "Nama tu akih, nama ibu tu sakit?" Ku Abang lenta. "Au akih, indai aku tu, nya mih nganjung iya kitu laban berapa ari tu iya nyau baka tu" ku Janin. "Aku Janin dik sapa dih, sapa anjung nuan kitu?" Ku Janin nyua ka jari. "Aku Mikai, tadi aku nulung kaban madik aku di jamah Ibu iya,diatu benung ba dalam din"ku Mikai..
  
    Nya nama abang lenta mikai. "Au kasih amai,ngarap ka gerai mih"ku Janin ninggal ka Mikai. Datai ga apai tuai siku baru tama enggau sida iya.Malik Mikai meda mua apai tuai nya sama sebaka enggau Suri. "Aik nama gamal iya sebaka enggau aki nya?"ku Mikai betelai dalam ati. "Eh mensia kan bisi 7 iku sama mua"ku Mikai nuju Lenta tama ka dalam ngabas Suri...