SURI

SURI PART 10

SURI
TUSUN 10
DIKARANG DARA MELANJAN

DI TINTING MELANJAN.

     Seilu ilu mih tudah Aki Suri ngenang Uchu asi iya jauh, bendar tudah nyabar ati ambi enda beraie. "Makai tua wai, umbas nya ngenang Uchu din" ku Ini Suri. "Enggai makai nyawa ku wai, lelenggau amai aku ka iya, irau mih ati aku ditu ukai dik enda nemu Indai Liya nya, kada iya ka endur kumang asi tua diau wai" ku Aki Suri tusah ati. Laban iya nemu anak indu iya nya cukup begik ka Suri agi mit. Sampai kala di selam ka Indai Liya ba dalam tong asuh iya mati.

     Seminggu udah Suri nadai di rumah Indai Janin mansang ngagai Aki Ini Suri. "Apai oh indai bisi di bilik seduai?" Ku Indai Janin. "Wai nama nya te nyawa Indai Janin alai buka pintu nyin nama mih ka antu indu nya" ku Aki Suri mutap. Mansang tudah Ini Suri beguai guai iya muka pintu. "Ya lapa nya, sapa ka di giga dik?" Ku Ini Suri nanya. "Ngiga seduai mih aku, bisi utai di tusi aku ngagai seduai" ku Indai Janin. "Lalu mih tama ke bilik" ku Ini Suri. Aki Suri pan datai ari Bilik dapur lalu nudukka diri ba sepiak Ini Suri. "Nama utai ka di padah ka dik nya indai Janin?" Ku Aki Suri nanya..

    "Baka tu aya, nyadi empai lama Endu suri ka luput ba pendai din, ukai orang bukai malu iya, Indai Lika malu iya ketegal ka enggai meda Suri ka diau ditu kumbai iya deka ngacau Apai Lika" ku Indai Janin nyebut ngagai Aki Ini Suri. Lama seduai iya enda memunyi ka pechaya ka enda ngagai Indai Janin, laban Indai Janin tu sama sebaka enggau Indai Lika.

    "Nama amai utai ku dik nya, ya anang bula dik, aku asuh buru ari rumah tu seduai pama bula!" Ku Aki Suri merak. "Amai aku apai nadai aku ngemulaka seduai, nyin langit nya baruh rumah tanah berani aku madah nya amai" ku Indai Janin. Angat mih tudah Aki Suri iya alu angkat niti Ruai ngagau ka Indai Lika pansut.Orang pansut magang ninga nyawa iya besai..

     "Pansut dik indai Lika pansut dik, anang dik ngelamun tai diri!!" Ku Aki Suri. Ninga bisi orang ngagau Indai Lika lalu pansut. "Ya nama dik nya rerauh, nama utai ka bangat enda puas ati dik!!" Ku Indai Lika nyaut. "Dik nya mensia ti nadai guna diau di rumah tu, lari dik ari rumah panjai kami tu, dik malu Uchu aku empai lama nih!" Ku Aki Suri. Lama Indai Lika enda bebunyi iya enda nemu utai di saut. "Nya lapa dik enda nyaut laban nya ulah dik!" Ku Aki Suri maja besai nyawa.

     Ari jauh Indai Janin ketawa meda Aki Suri belaya enggau Indai Lika. Nadai iya nemu Indai Unas nemu sapa ka amai malu Suri. Mansang indai Unas ngagai sida iya ka belaya bai ati iya enda ulih di tat agi. "Aya Indai Lika umbas seduai dik betalatka nya, aku nemu sapa ka malu Suri, aku meda lemai nya, seduai dik Indai Janin malu iya, dik laban dadak ulih asut Indai Janin bai iya masung Suri ka mih dik! Nyadi iya kebendar malu Suri Indai Janin Indai Lika masung Suri, seduai dik enda meda aku laban aku belalai di babas ketegal ka ngumpul daun jambang" ku Indai Unas.

     Indai Janin ko jaku ka ngelamun tai diri ngasuh nyau tebantai. Dia dih iya ngila diri bebai ka duku sebelah ruai. "Sapa sapa berani mansang kitu sigi aku pantap, nadai aku ngira kita sapa ka laki ka anak ka iya indu laki anak mit sigi aku pantap!" Ku Indai Janin. "Antu dik nya! Bisi penulah dik ngaga Uchu aku baka nya ila dik ila!!" Ku Aki Suri. Tuai Rumah, apai Janin, janin enggau bala bakih Janin sama bela ka ngangkap Indai iya ketegal ka miau ka duku sebelah ruai. Nadai siku berani semak.. bala bukai nyau kesebal lari tama ke bilik meda ulah Iya baka nya.

BA SIBU.

   Pagi tumu Suri angkat ngelumai kupi, bepanduk ka asi lauk. Udah mansau iya lalu lalu nyapu bilik semua. Udah ka tembu meresi bilik Suri lalu masu gari. Ketegal enda nemu ngena misin iya ngena jari bebasu gari. Chukup mayuh gari ibu iya di tuchi penat diri jari Suri. Udah tembu lalu di redai iya. Ari sigi agi petang laban Suri sigi indu sikal nadai lama iya ngereja semua nya. Udah tembu Suri lalu begari palik iya jam baru pukul 6.30 pagi. "Hemm agi tumu, nama mih berita Aki Ini aku din, seminggu udah aku ditu berasai amai lelenggau seduai. Nasib mih aku udah bulih kereja" ku Suri bejaku kediri.

    Peda jam nyau enda berasai nyau kq pukul 7, beguai guai iya niki ka atas ngerak ibu iya. "Ibu oh ibu, gari udah basu bilik udah sapi lauk asi udah di sumai aku, aku deka nurun gawa" ku Suri ngetuk pintu. Pansut Indai Liya "Dik chukup enda bebasa ka aku! Agi tinduk nadai mih ulih dik nya anak ampang anak nadai guna dik nya!!" Ku Indai Liya nampal ngeludah mua Suri. Bedau puas iya di jamah iya tudah Suri irit iya ari tangga nurun ka baruh. Bedarup aja munyi Suri di bai irit iya ari tangga. "Pedis aku ibu pedia aku, badu aku ngerak dik ibu, umbas nya aku deka nurun gawa" ku Suri nyerauh nyabak.

    Datai di baruh Suri lalu di juk ka indai Liya ari mua pintu. "Alai kereja dik, badu agi di rerauh pama pagi!" Ku Indai Liya. Angkat Suri begadai gadai mai kaki jari tubuh iya pedis ngipa bas mih tudah duduk di stesen bas. Bisi lima minit peda datai bas iya lalu nepan. Datai iya ba endur penyakai Suri lalu sangkai. Iya lalu nuju kedai makai endur iya gawa. Ambu Endur iya gawa chukup manah. Meda mua Suri abis biru dia iya tekenyit.

   "Ayo Amoi apai bikin lu punya muka ini macam, mali mali sini duduk" ku Ambu nya nuduk ka Suri ba bangku di tunga iya. Bala bakih ka kereja gau Suri mansang magang. "Apu ri, nama mua dik balat amai, sapa ngaga dik baka tu" ku Lenta. "Laa labuh ku tadi ari tangga" ku Suri nyaut. "Lain kali ah kamu misti jalai bagus bagus turun itu tangga, tengok sikarang apa macam, macam mana lu mau kelija, lenta ah lu ambi ini duit lu antar ini amai piligi itu klinik, ambi ubat" ku Ambu nya nyau ngilik pala iya..

    Sambut Lenta duit sua ambu alu iring iya tudah Suri ngagai klinik. "Suri uji dik madah ka aku, sapa ngaga dik baka tu, ambu nya ulih di kemulak ka dik tang aku enda ulih tuai aku ari dik nemu aku nya bekau kena palu" ku Lenta. "Ibu aku empu Len, iya nyamah aku ketegal aku anak ampang nadai apai nadai indai, di kumbai anak buai anak sial aku" ku Suri. Tekenyit tudah lenta ninga Suri nusi ka iya. "Apu Ri kasih mih dik, badu dik diau dia, pulai ngagai aku dik aku diau enggau abang aku, abang ku Polis ila tua binchang enggau iya baka ni ngatur semua tu" ku Lenta bejaku.

     Lama Suri enda nyaut baka ni iya ka pansut ari rumah nya. "Baka ni aku deka pansut ari rumah nya Len,mangah amai ibu aku nya" ku Suri. "Anang irau dik legi  Abang ku nulung dik pansut ari rumah nya" ku Lenta. "Au mih Lemai legi aku ngadu ka barang aku ga, seduai legi laun datai laban iya selalu pukul 2 pagi tinduk" ku Suri.. seduai iya pan tama ka klinik...