SURI

SURI PART 19

SURI
TUSUN 19
DIKARANG DARA MELANJAN

Puas ka enda bebunyi tetungging malu ketegal bini enggau anak iya.Dia dih Apai Lika bejaku. "Nyadi Aku minta ampun ngagai kitai serumah kelebih agi ngagai Dom Mikai enggau sida Suri sebilik, ketegal ulah anak bini aku ka baka tu, nyadi aku Deka madah ka kita bala mayuh nyadi Indai Lika enggau Lika deka di anjung aku pulai ngagai Langkau kebun kami di bukit, dedin aku arap ka seduai iya mindai tau berubah badu ngaga ulah baka ka udah, siti da aku minta bala mayuh madah ka aku nyema seduai iya mindai bisi pulai ka rumah sigi tau di buru  laban aku sekali pan enda ngasuh seduai iya ngindik batang ai Tinting Melanjan tu seagi seduai iya nadai ati deka berubah" ku Apai Lika

Nya mih bala sida iya serumah panjai bejaku betelai enggau pangan diri lebih agi Bini Tuai Rumah. "Neyy sepik asai seduai dik menyanak nya ngidup ka diri seduai dik ba puak kampung din ambi antu nelan seduai dik ka jai uji aku empu bini sengayuh pemansai nya mih kena aku malu ngangkup sedua jera, ni dik Dom Mikai uji jala aya dik nya ambi tibal ka ngagai seduai iya kena ngirit iya" ku Bini Tuai Rumah empa pemedis ati iya. Siku nadai mih matah nyau nyukung magang sida iya penemu Bini Tuai Rumah. Nyentuk ka Indai Janin ka gila nya pan nyukung abis betempik jari mih iya ni ka lelekik ketawa.

"Rampang kita nya, gaga kita meda aku di Buru Apai Lika ari bilik tu, pagila lusa mati kita ku gaga" ku Indai Lika, Anang ka ngasuh iya berubah nyau makin nyadi tambah iya meda Indai Janin nyau lelekik ketewa betempap jari. "Eee gila patut mih dik nya masuk Sepital bai kelalu bendar gila" ku Iya baru lelintuk meda orang. "Malam tu muru seduai iya menyanak wai, anang nganti pagila, utai jai anang lama dik ngibun iya, enggai ka dik di bunuh seduai iya" ku Bini Tuai Rumah. Malik Tuai Rumah melut ka mata ngagai bini iya.meda laki iya nyau melut mata di kelesey ka iya sekali. Nyau ngilik pala tudah Tuai Rumah meda Bini iya baka nya

"Nyadi kemaya dik nganjung seduai iya kin dih akih?" Ku Tuai Rumah nanya. "Ka Runding aku udah tu mih aku nganjung seduai iya ka simpang kin seduai iya menyanak bedarat" ku Apai Mikai "Ehh enda mih Aku tu ka di anjung dik memalam ari baka tu!"ku Indai Lika nyaut. Pedis ati Bini Tuai Rumah Iya lalu pansut ka luar ngambi Perengka iya di sandih dikait ka iya ba dinding. Indai Lika majak kekutap ngelaban. "Legi sepik dik, enggai dik anjung ngeleda anjung Luput dik" ku Bini Tuai Rumah tama baru.

Nya mih bala banyak ka meda ulah iya ka bebai ka pemansai enggau sengayuh nyau melut magang leka mata. Jari iya di engkah iya ba Mulut enda ngasuh ragak, Tuai Rumah ka ngelara nyau tunjuk ka Iya sengayuh alu badu engketik tudah meda aja pengawa bini iya. Indai Lika laban ka melakang nadai mih nemu Diri iya maja ngelaban nyumpah laki iya. Datai Bini Tuai Rumah ba belakang Indai Lika lalu tangkup iya enggai pemansai engkuda siku nya lalu di palu iya enggau sengayuh. "Ney lapa dih agi mayuh jaku" ku Bini Tuai Rumah.

Malik iya ngagai Lika "dik ka enti dik ia aku malu dik" ku Bini Tuai Rumag nunjuk ka Lika ngena sengayuh. Nyau ngilik pala Lika takut ka iya. Ney ta nadai ga apak Indai Lika ka dua kali Siku nya malu nyau Luput telentang orang ka dia nyau lelekik meda ulah iya nyentuk ka Apai Lika empu enggai bebadu ketawa. "Nya anjung seduai iya mindai kin kenya enggau pama mayuh jaku, alai dik Lika simpan perengka seduai dik mindai bai magang nama utai ka nadai, seduai anang pepulau enti empai berubah. Nya mih Lika lalu beradu iya lalu nempu semua gari seduai iya.

Udah ka tembu Indai Lika di kantung sida iya serumah tama van Apai Jugam. Nadai mih siku nya nemu diri labanka luput. Datai sida iya ba simpang bukit Indai Lika lalu di san niki ka bukit laban ka enda jauh nadai lama mih datai tinggal mih seduai iya mindai nyabak mih tudah Lika di tinggal ba Langkau Bukit  kediri laban Indai iya lalu bedau ngeleda..

~~~~~~~~~~~~~
5 bulan udah nya.

Nyau 5 bulan pengerindu Suri enggau Mikai makin bebungai dia dih Mikai berunding ka Mai enggau pulai ka rumah panjai sida. "Sayau, nyema aku mai dik betemu enggau apai aku ulih, indai aku udah nadai mina apai aja ka ahi bisi" ku Mikai nanya. "Nadai salah sayau, aku penitih dik aja, nadai aku milih laki ka indu sama nmmih nyadi ka entua aku" ku Suri sambil nyuap Asi. Lama seduai iya makai ba Kedai makai berandau ka pengidup diri..

Udah ka tembu Mikai lalu madah ka diri nganjung Suri ngambi gari dulu laban tengah ari nya Sida iya deka mupuk mulai ka diri. Datai bk rumah sewa Suri enggau Lenta. Suri lalu pansut Mikai semina nganti Suri ba luar. Lenta laban ka udah tembu meda abang iya datai iya lalu pansut "laju gik Suri enda sabar udah tu ka pulai ka menua" ku Lenta. "Au au sabar mih nadai ngasuh seduai dik abang dik enda madah tumu ka mai aku" ku Suri nyaut. "Ukai aku au, abang enda ngasuh" ku Lenta lalu ninggal ka Suri..

Suri lalu ngadu ka barang ka bai pulai ngagai rumah panjai sida Mikai.. udah tembu semua iya lalu ngunchi pintu enggau pagar. "Udah aram mih mupuk kitai" ku Suri. Mupuk sida iya tiga mulaika ka diri ngagai rumah panjai sida Mikai. Lama tudah Suri enda bebunyi ati iya berasai enda nyamai kesal pendiau "nama ati aku enda nyamai ka enggau seduai iya pulai, nama mih utai ka nyadi" ku Suri. Mikai meda Suri enda bebunyi alu di pigai iya jari. "Nama gaga dik baka nya sayau enda bebunyi takut dik ka?" Ku Mikai nanya. Giling ka Suri pala aja. Malik iya ngagai belakang peda Lenta reranggap tinduk.

Bisi 3 jam sida iya nengah jalai baru datai ba simpang rumah panjai. Tama ka dalam bisi 20 minit sida iya pan datai. "Mang dani mang udah datai kitai" ku Mikai ngerak menyadi iya. Ngeliat ga tudah Lenta di gerak Mikai. Sida iya tiga lalu pansut, Niki sida iya tiga ka rumah panjai ati Suri majak kesal. "Apu nama tu nyau majak kesal" ku Suri migai dada iya. Tama sida iya ke ruai nya mih orang ka meda nadai enda nanya Suri nya ka bini Mikai..

Tama sida iya ka bilik apai Mikai baru datai ari ujung bilik. "Apai ni dik kami duai mang udah datai, bisi mai kaban aku apai ka di kelala ka enggau dik" ku Mikai. Apai iya lalu nuchi kaki lalu ka bilik besai. Suri laban ka benung tetunging ngadu ka barang enda meda. "Nya iya Apai indu ka di kelala aku enggau dik" ku Mikai nunjuk ka Suri. Ninga Suri nyawa Mikai madah ka apai iya, Suri lalu ngangkat ka pala lalu malik ngagai apai Mikai. Tekenyit apai Mikai lalu nyebut nama "Melia!........