SURI

SURI PART 36

SURI
TUSUN 36
DIKARANG DARA MELANJAN

Lemai ari datai tudah tuai rumah ari bejalai .Meda bini iya enggau indai janin benung nunga tajau tuak. "Amai antu nyawa seduai dik nya indai dom nadai ngetu seduai dik ke ngirup"pia dih ko jaku tuai rumah nganu Amai pama seduai nya ngirup ari kemarik tu nyau besambung ngirup seari ari... Ninga dih nyawa tuai rumah ke nganu dia bini iya lalu angkat. "Oh dik apai dom te ka nganu sengapa dik nya alai tama ke bilik dik legi dik meda sapa nyemilik tua anang tekenyit pama nyau udah meda nya mih menantu asie tua ila"ko bini tuai rumah nyau gegiuk nunjuk ke pintu bilik.

Tuai rumah enda lalu nyaut iya pan nuju pintu bilik lalu tama .peda nadai ga orang ba bilik besai, lalu ga iya ke dapur bisi meda belakang orang indu asai ka dikelala iya."nama nya te belakang endu Suri nya dih,sapa menantu aku ko indai dom tu tadi ?" Ku tuai rumah betelai. Malik Suri ke belakang meda entua iya ke laki.iya lalu nanya entua iya."baru datai dik apai? Bah duduk mih apai din Jawan tadi di pelabuh din meri manuk makai"ku suri nanya lalu madah ke Laki iya jawan ."Naaaaamaaa dikkkk menannnttuuu akkkuuuu kkkoooo iiiibbbukkkk diiikkkk tadiiii ennnduuu?" Ko tuai rumah nyau sesekat bejaku.laban ke tekenyit ninga Suri te ngaggau ka iya apai..

Tetuchum Suri merening mua tudah entua laban ke nyau tekenyit ninga iya ngagau ke  apai."Au aku mih apai,umbas nya tekenyit aku mih nyadi menantu dik ,aku mih bini jawan nyemilik seduai indai"ko Suri nyaut iya. Peda nyau bepurus dada tudah tuai laban ke enda nyangka indu sigi ka di sambung jadi enggau anak iya nyau udah nyemilik seduai bini iya." Au mih endu nadai nya salah sigi utai diasuh nganti berandau enggau aki dik mih ngerami seduai pagila"ko tuai rumah lalu ngenuduk kediri ba bangku Jawan pan lalu tama ninga nyawa apai iya bisi.

Merening apai iya udah duduk Jawan pan lalu nunduk ke diri ba tisi bini iya Suri. Tuai rumah pan lalu bejaku."Nya Dom pama kitai udah deka bebini anang mayuh ulah agi,ibun manah ka bini anang ngemedis ati iya te jaga mih ruang bilik seduai enggaika mantul,malam tu kitai baum nyadi lusa  mih ngerami seduai pagila madah ka rumah bukai enggau bala bala ke semak ngerami seduai"ko tuai rumah bejaku."au mih ,kira ka bakanya mih ngambi enda lama nadai utai di anti ga kitai enti lama Suri udah ga ngemilik kitai"ku Jawan nyaut.

Tuai rumah lalu angkat iya lalu pansut ke ruai cun ga maya nya Janin benung duduk di ruai tuai rumah pan lalu ngaggau ka iya ."Wat kitu dulu dik "ko tuai rumah rerauh. Janin lalu mansang iya lalu ngenuduk kediri."nama utai tuai,bisi utai ka dikerandau ka dik?"ku Janin nanya."kira ka bakanya mih alai dik nyesau kitai serumah,bisi utai di kerandau ka aku"ku tuai rumah. Janin sigi nadai leman iya pan angkat lalu nyesau sida iya serumah .

Udah ke bala mayuh betunggung di ruai indai Janin enggau bini tuai rumah lalu ngetu ngirup laban seduai iya ka ninga utai kerandau ka tuai rumah . Benung seduai iya malik ke tisi mua ari kiba peda gamal Melia benung  ka duduk tisi seduai iya .empai duduk tudah melia te lalu di tendang indai janin nyau tetungkam tudah  begau ga orang laban seduai iya ."Nya kitai anang ka semak orang duduk  uji dinnnnnn dik duduk ba pendam lama din nyeeeeee!!!..." Ku bini tuai rumah bejaku merak. Udah seduai iya ngereja ka Melia tetuchum seduai iya meda kening siku nya nyau mekul .

Baka nya tudah lika ke duduk ba mangku roda laban ke nyau tacat di jamah indai janin enggau bini tuai rumah suba.ditarit bini tuai rumah mangku nya lalu di asur ke iya ke setak baru.nya mih indai lika ngumbai diri mati laban ke asur ke bini tuai rumah laju." Hahaha nyaaa sepik dik ,nibuh ka ngindik ruai aku dik wai gila,nama nadai empedu malu dik udah munuh anak ku suba,enti asai enggai di bunuh menantu aku Mikai anang memain dik ka ngindik ruai tauka bilik aku"ku bini tuai rumah lalu ninggalka indai Lika kediri diri ba ruai sida iya.

Orang ke meda nadai memunyi laban nemu bini tuai rumah sigi enda ulih lara enti iya udah pedis ati enda alah makai sengayuh magang laban iya."nya puas asai ati aku"ku bini tuai rumah lalu duduk baru sepiak indai janin.. Tuai rumah semina gilik pala meda ulah bini iya nyau makin nyadi.sapa ngemediska orang ti di sayau ka iya sigi di dendam iya magang nya mih makai sengayuh enggau pemansai dih..

Udah bala jenuh magang , semina suri gau jawan aja nadai pansut  dia dih tuai rumah lalu bejaku."Terima kasih ngagai kitai serumah ke udah datai baka ke lemai tu,nyadi aku bisi utai ka di kerandau enggau kita,nyadi baka tu,lemai lusa kitai deka ngerami melah pinang anak aku Jawan lalu pagila sigi ari kitai begiga ke utai berintu ke utai lalu bepadah ngagai bala bala ke semak rumah ke semak ngambika orang nemu magang,nyadi ditu aku madah sapa ke nyadi menantu aku iya nya Endu Suri,pansut seduai dom "ku tuai rumah .nya mih orang nyau begau meda Suri enggau Jawan pansut ari bilik.Melia nyau melut mata iya pan lalu angkat mantah jaku tuai rumah.

"Aku enda setuju !!! suri nya jadi enggau anak dik!! Nya anak ampang anak nadai apai  nadai indai anak uduk anak ngampal!!"ko Melia nunjuk penunjuk ngagai mua Suri .nyau Tunduk mua suri ninga indai iya ka bejaku munyi nya."bah enti suri nya enda jadi enggau anak aku sapa ke diasuh dik jadi enggau anak aku dih!!!!"ko bini tuai rumah angkat ka ngelaban."Nya nya anak aku endu jantang jadi enggau anak dik nyak ke bisi indai bisi apai ukai anak ampang!!"ku Melia nunjuk ke anak dara iya.

"Puuiii puiii asuh ngambi anak dara dik nya ke menantu nyamai ku ngambi anak uduk nyadi ke menantu,uji peda tai kena anak dik nya nyau baka uduk ke nadai baju,nyau telanjai semak ke jaku uji bai bumai kada nemu ngetau ,ka ngelaku ke anak enda chukup kain!!!!"ku bini tuai rumah belaban enggau Melia..Ninga bini tuai rumah ke nulak anak iya nyadi ke menantu dia dih Melia belanda nuju Suri ke benung duduk sepiak Jawan lalu ka ditarit iya buk,laban ke indai janin ngadang dia dih Melia lalu di tarit iya lalu di terkam indai janin ba mua.

Bini tuai rumah lalu narit sengayuh lalu dedat penedat ..nya mih orang nyau begau ngusai ke sida iya tiga laban ke melia siku nadai mih alah laban seduai iya.Angkat jawan enggau janin lalu perekuh ke seduai iya indai seduai ..Melia lalu di tarit anak iya Jantang enggau sesabak meda melia nyau luput di jamah bini tuai rumah enggau indai janin."lapa enggai mati sekali dik nya ,ririk dik ngacau pengawa orang!!!"ko bini tuai rumah."irit kin ke indai dik nya anang sekali pansut maya pengerami uchu asie akuuu lusa!!"ku aki Suri angkat merak jantang. Jantang lalu ngaggau ke apai enggau madi iya kelaki ngemai pulai ke bilik.

Tuai rumah pan bejaku baru"nyadi putus ke ditu mih jaku kitai ,anang kiruh ke utai nyekul baka nya,nyadi pagila kitai bebagi tubuh ni ka bagi begiga ke lauk ,bagi ke ngintu lauk ,ni ke bepadah pagila,bala ke indu sigi berintu ke utai meseti betulung ngambi semua pengawa lempung dikereja lusa mih kitai ngerami seduai iya "ku tuai rumah.