SURI

SURI PART 16

SURI
TUSUN 16
DIKARANG DARA MELANJAN

    Tumu Mikai nurun gawa laban iya nemu  Indai Leya udah di tangkap. Datai iya ba balai iya lalu ngasuh dua iku polis ngemai India Leya ka bilik siasat. Datai Indai Leya ba dia. "Tuan lepas ka aku tuan kasih ka aku udah tuai diau ditu" ku Indai Leya ngepun bejaku. Mata Mikai nyau bekuring meda Indai Leya bai pemangah iya enda alah di tat agi. "Dik minta diri lepas!! Maya dik ngaga penyalah nyamah orang ka enda salah bisi di ingat ka diri tuai?" Ku Mikai nyaut. "Dik nemu kes dik tu besai nyamah orang!" Ku Mikai baru merak Indai Leya.

  Enda bebunyi tudah Indai Leya ninga Mikai Merak iya. Dalam ati sigi enda berubah iya endang sigi deka ngemediska Suri labanka udah ngeripot iya ka balai. "Siap dik Suri enti aku pansut" ku Iya betelai dalam ati. Mati mati iya enggai meda Suri ari ada nyentuk ka Suri dara. Ku iya Suri mih salah laban ka anak ampang ketegal Suri iya mega lenyau madik di ka sayau. Pemuas meda Indai Leya enda bejaku dia dih Mikai nanya iya baru. "Aku nanya dik, dik ngaku ka enda enggau penyalah ka udah di gaga dik tu?" Ku Mikai. Agi iya enda bebunyi ukai ka berapa kali mikai nanya enda di saut. Nyau gidan tudah Mikai asuh iya Polis dua iku nya mai Lilin.

     "Mike tolong ambil lilin, saya nak ajar orang tua ni rasa bersalah" ku Mikai. Nyau siku nya ngambi lilin agi ga Mikai nanya. "Aku nanya dik tu ngaku ka enda dik!" Ku mikai nyau besai nya. "Enda kapa aku ngaku nyamah iya! Anak Ampang Sapa sinu ka iya, ketegal iya mih madi akau nadai kala pulai ka menua, ketegal iya mih pengidup kami kitang kitang nyapi pemerinsa!" Ku Indai Leya nyaut. "Okey dik enda ngaku aku maksa dik ngaku, Mike bagi sini lilin tu" ku Mikai ngerampas lilin. Idup ka iya lilin nya tadi iya pan ngasuh dua iku nya migai jari Indai Leya. Titik ka iya lilin nya ba jari Indai leya. Dinga nyerauh siku nya nyepik pedis. "Ngaku ka enda dik!!" Ku Mikai.

     Bendar Mikai ngemedis iya enggau semua cara ngambi ka iya ngaku enggau penyalah diri tang mih bangat liat. Ni ka titik ni ka daing siku nya mih nadai ngasuh iya ngelaban. "Ka baka ni dik ngemedis ka aku, aku sigi enda ngaku, nya pengajaran ngagai iya nyadi Anak Ampang nusah ka Apai Indai aku ka ngibun iya" ku Indai Mikai. "Mike pangil Liza Masuk!" Ku Mikai. Berumban siku nya pansut bai nyau takut ka Mikai. Pemangah Mikai baka api ka benung mau.
 
    Tama pengawai polis nama Liza ke dalam bilik nya. Dia Mikai lalu bejaku. "Liza gaga iya sampai ngaku penyalah iya, Ni ku dik mih enggau iya aku pansut dulu, enti aku agi dalam tu mati iya legi" ku Mikai lalu pansut. Peda iya jam orang ngabas orang ka sakit. Ambi iya kunchi lalu pansut ari Balai  nuju ka Sepital. "Nadai guna anak menyadi diri deka di pedis" ku Mikai kekucau. Pemuas iya kekucau datai ga iya ba Sepital. Lalu nuju Ward Suri. Ba mua pintu, peda iya Suri benung gali Singit. "Tinduk kin iya" ku Mikai lalu begadai gadai tama.

    Suri laban ka semina singit nyepik diri puas galik telentang ninga iya bisi orang tama. Bepusin peda iya Mikai. "Aik enda kereja dik, ni Lenta enda enggau dah?" Ku Suri nanya. "Kereja mih tu baru pansut ari Balai tadi, meda chukup jam nya mih limpang kitu ngabas dik" ku Mikai. "Au mih, udah makai dik tadi, tau nibuh mih ngabas aku lemai legi jangka pansut aku ari tu, sida Aki aku lemai legi bisi kitu ngambi aku, nyadi aku terus pulai ka rumah panjai padah ka Lenta, dia aku udah gerai aku ngiga iya" ku Suri.

  "Baka ni aku enda ngabas dik intan, dik mih ngasuh aku mamau ninting ari, ngasuh ati aku seruran ngenang, baka ni mih enti dik pulai ka menua kada aku betah" ku Mikai bejaku dalam ati. Lama seduai iya enda memunyi dinga bisi nyawa orang tama. Neyy baru ka bebungai pengerindu datai ga Janin ngabas Suri mai asi. "Eh bisi dik tadi akih" ku Janin nanya. "Bisi ari Balai tadi terus kitu ngabas enda lama" Ku Mikai nyaut. "Ni Sida Aki dih Janin enda enggau sida iya?" Ku Suri.

   "Bisi sida iya enggau tadi tang niki ke atas ngabas Indai, tu Asi bubur dik panduk endu tadi, asuh iya beri ngagai dik dulu" ku Janin lalu ngadu ka Bubur lalu ka sua iya ngagai Suri. "Ulih nyampik diri dik? Enti enda ulih aku nyapik" ku Janin.Suri mina tetagun aja laban amai enda dapat nyapik diri.jari agi bebalut ka dua dua Ninding ga tudah Mikai meda Janin nyapik Suri. "Ehh mupuk dulu aku Akih Janin, nyau chukup jam aku masuk gawa" Ku Mikai. "Nai enda lama amai dik ngabas aku, au mih jimat ka gawa ingat pesan aku ngagai Lenta tadi" ku Suri "Au mih legi aku madah ka iya dik ngibun diri" ku Mikai.

   Janin tetuchum meda Mikai enda lama ngabas Suri. "Mang, bisi nyagam ati dik ngagai Mikai?" Ku Janin. "Nyagam nama ku dik nya wat" ku Suri nanya laban ke enda nemu utai Ku Janin. "Peda dik gamal iya baka ka Ninding" ku Janin. "Nai nama utai ka ngasuh iya ninding Sulu aku ukai ga nya, laki jauh agi" ku Suri. "Apu Mang iga ga dik enda ulih nyagam ati orang" ku Janin ngapu meda ulah Suri. "Enda arh nadai aku kiruh bah nama utai ka ngasuh iya ninding dih?" Ku Suri. "Mikai ka ke dik Mang, uji peda mata iya nyeling dik meda dik baka ni" ku Janin. "Sengapa, alai Ibu abas udah kenyang aku makai" ku Suri alu ngalik ka diri.. kebatang malu tudah Suri ninga Janin nusi Mikai bisi ati ngagai iya.

   Pansut Mih Janin lalu ke atas ngabas indai iya. Datai iya ba atas peda bala sida apai iya begau ka Indai iya. "Apu nama tu Apai nama ga indai nyau ngila diri baka tu" ku Janin. "Gila gila Indai dik nya Janin, uji te palu enggau Sengayuh iya, uji aku beri nyadi misi enda iya di kemegau ka orang baka nya" ku Bini Tuai Rumah. "Anang mansang kita enti enggai di jik aku enggau Jarum tu, aku udah madah aku enda gila kita enda ninga" ku Indai Janin mansang Janin nunduk ka Indai iya. "Indai beri ngagai aku jarum nya, anang baka tu au, enti dik baka nya ka gi orang ngumbai dik gila" ku Janin. "Enda enda aku gila, bai pulai aku" ku Indai Janin.

    Malik Janin ngagai Apai iya berunding baka ni ka enggau Indai iya "Apai baka ni tu?bai pulai aja mih din tua ngintu iya mih" ku Janin. "Ni ku dik mih anak tqnya dulu sida aya ibu dik ke bukai" ku Apai iya. "Aya ibu aki baka ni enggau tu, bai pulai?" Ku Janin. "Bai mih dom, din kitai besaup ga utai tajam aja mih anang ngayan ka iya" ku Tuai rumah. Ninga tuai rumah udah bejaku munyi nya nyau mih Janin berandau enggau bala Lutur. "Jaga dik enti mayuh ulah di rumah panjai ila bisi ku tekung enggai Sengayuh dik" ku Bini tuai rumah bejaku ka diri enggau indai Jugam.

   "Indai pansut mih dik ari tu, janji dik anang ngemedis ka orang di rumah oanjai ke lebih agi Suri anang ngaga ulah ka enda manah agi" ku Janin. Gaga mih Indai Janin ninga diri pansut. Mansang iya ngagai indai tuai gila ka selalu ngemelik ka iya. "Ibu, mupuk aku pulai, ila aku ngabas dik mai bubur nyamai gi ari Sepital tu" ku iya merap siku nya. "Au mih bejimat mih dik pulai, badu gila enti enda gila hahaha" ku Indai tuai nya nyaut.. Mupuk sida iya lalu limpang ngambi Suri ka baruh laban ka pansut ari ward.

    "Nama gaga kita kitu, sapa di abas kita" ku Indai Janin. Datai ba pintu Ward Suri tang Suri nadai bak katil laban udah ka jamban begari. Pansut Suri ari jamban tekenyit Indai Janin meda mua jari kaki iya bebalut. "Sapa ngaga dik baka nya endu balat amai dik pedis" ku iya. "Eh nibuh sebut mih kapa ka ngenang utai ka jai" ku Aki Suri. Lalu badu ga iya nanya tang iya nyau sinu meda Suri chukup pemedis baka nya. "Kasih dik anak, badu aku ngemedis ka dik, enggai dik nyadi menantu aku nyadi ka anak aku mih dik" ku Indai Janin merap Suri.. nyau nyabak Suri ninga iya munyi nya labab ketemu iya Indai Janin enda kala jai enggau iya. Bai Suri enda nerima Janin mih iya baka nya....