SURI

SURI PART 33

SURI
TUSUN 33
DIKARANG DARA MELANJAN

5 bulan udahnya.

Kira ke nyau kerebak tawas ari, Suri lalu angkat nuju dapur. Datai di dapur lama iya tegenung bai ati iya berasai enda lantang. "Nama mih ati aku berasai enda lantang, nama mih utai ngekul ati aku ari demalam" pia dih anak ati Suri berandau kediri. Angkat ga Aki enggau Ini iya meda Suri agi tegenung, ketil ai lalu ga enda di panduk iya. "Endu nama ulah dik tegenung baka nya, nya ai lalu ga enda di panduk dik?" Ku Aki iya nanya. Ninga Aki iya nanya nyau tekenyit ga Tudah. "Eh Aki Ini udah Dani seduai, enda nemu aku Aki, ati aku berasai enda lantang ari demalam, baka bisi utai ka nyadi" ko Saut Suri madah ke Aki enggau Ini iya ke duduk nungga Suri.

Ninga Saut Uchu iya Suri munyi nya, dia dih Ini iya lalu bejaku, "enti asai enda lantang endu nibuh bejalai ke kini ga dik legi, gari nya nibuh di basu dik, legi aku ngemai iya" pia ko Ini Suri bejaku. "Au amai endu nibuh beberi utai ke baruh dik legi, te nyaga diri mih dik Sari tu, diau aja, pansut nibuh, jaga mulut enggai ke belaya enggau orang" ku Aki Suri madah ke Uchu Asi iya. "Au mih Aki enda mih aku ngereja semua nya legi, anang irau ka aku seduai" ku Suri.

Udah tembu ngelumai ai kupi, Suri lalu angkat pulai ka bilik besai, baru datai ba bilik besai dinga bisi orang ngetuk pintu. "Apu sapa ngenumu tu ke bejagau, tu nadai orang bukai tu sigi ibu tuai enggau ibu indai Janin" ku Suri bejaku. Buka iya pintu peda iya Siku indai tuai sebaka baka enggau gamal ibu iya  indai Leya. Ingat kitai wai indai Leya suba ke nyamah Suri ba rumah iya. Nyadi indai Leya udah pansut ari rumah jil lalu di bai Leya pulai ke menua apai Iya. Pulai baru ngagai indai tuai nya tadi.

Lama Tudah Suri meda indai tuai nya  "nama gamal indai tuai tu baka ibu indai Leya sapa iya kini?" Ku Suri ngerandau diri. "Sapa giga dik ibu?" Ku Suri nanya.Tang indai tuai nya enda nyaut iya semina merening mua Suri tajam "Tentu indu tu Suri anak Ampang, anak sial" ku indai tuai nya. Di juk ke iya Suri nyau teduduk Tudah Suri, ninga nyerauh Suri madah diri pedis. "Dik anak Ampang tau munuh diri dik, ukai bilik dik tu, anang enda Malu diau ngenusah ke apai indai aku!!" Ku indai tuai nya lalu Tama mai bala anak iya gau laki iya.

Ninga nyawa Suri nyerauh angkat Tudah aki enggau Ini Suri lalu mansang ke bilik besai. Peda seduai iya Suri teduduk ba tengah bilik. Malik seduai iya ngagai orang ke baru datai nya peda te indai Suri. Melut mata aki Suri laban asai  ka nganu. "Dik  Melia anang berani rani dik datai kitu ngacau pengidup Uchu aku, tu sapa ngasuh dik kitu, dik ukai anak aku agi dik udah mati pansut dik bai bala sampah uduk dik nya pulai" ku Aki Suri besai nyawa. Nya mih bala ka tumu Dani ninga nyawa Aki Suri besai nyau pansut magang Lenta enggau Janin lalu belanda ngagai bilik Aki iya, pia mega Tudah Mikai laban ke bisi pulai.

Tama Sida iya Tiga peda Suri agi teduduk ngetat kediri pedis udah di juk ke Indai tuai benama Melia tauka Indai ada Suri. Mansang Lenta enggau Mikai lalu merap menyadi seduai iya. "Aka, bisi pedis dik, angkat dik" ku Lenta, nanya ga Mikai "pedis dik mang, bah angkat anang takut aku bisi" ku Mikai bejaku. "Eee anak Ampang anak nadai apai, anak buai" ku  Melia ngelingut ke Suri. "Selamat pagi ibu, aku tu Mikai anak Belayong ngelala dik ibu sapa Belayong, nyadi aku madahka dik ibu, Menyadi aku Suri tu bisi apai,apai aku apai iya, Tang nadai Indai laban Indai iya jelu nadai empedu enda Malu muai anak, nemu dik ibu jelu, jelu nya ukai jelu ngapa jelu mensia ka benama Melia" ku Mikai nyaut enggau ati pedis.

Nya mih gamal ka mirah ka ngelaban Mikai, bala anak Melia pan baka nya ninga ngagau ke indai Sida Jelu. "Kih jaku manah agi anang sengapa ngumbai indai aku jelu enti dik enda Kala makai buku 5" ku anak Melia ke laki." Oohh manah jaku ku kih, manah agi ari mensia ke baka jelu, labih Kala makai buku 5 aku tu kih, Balai Polis suah endur aku diau "ku Mikai nyaut. Indai Janin enggau Bini tuai rumah enggau bala ke bukai tetuchum ninga Saut Mikai munyi nya.

"Bah Aram belaban tua kih enti bangat kering, enda takut dik suah diau di balai aku tu" ku Anak Melia nya nyaut. "Anang guai kih aku ke bilik dulu bisi utai diambi enggai nyadi tubuh puang baka tu dik kering amai nyangka enda alah laban aku" ku Mikai lalu pansut belanda Tama ke bilik Entua iya. Lalu di ambi iya gelang tauka gari. Mansang iya ngagai bilik Aki iya lalu bejaku. "Bah Aram mih belaban tua, Tang sua ke dulu jari dik kih engka dik ulih telaban ke aku" ku Mikai mantai ke gelang gari nya tadi. Peda surut Anak Melia nya lalu enda memunyi.

"Lapa kih nyau surut sangka dik takut aku ke gamal kita mindai nya, nya bejaku anang kerah engka bedau nemu sapa orang enggau belaban, bah belaban tua ku mai dik ke balai" ku Mikai tetuchum. "Enda berani ku ngelaban dik kih" ku Iya nyaut. "Bah baka ni tu ibu, agi berai dik datai kitu ngacau pengidup menyadi aku, enti asai dik datai kitu ka ngacau pengidup Iya, senang aku talipun ngagai balai ngasuh nangkap Kita.

Melia lalu duduk Iya lalu bejaku. "Penatai aku kitu ukai nemuai Tang penatai Kami menyanak laban ka pulai diau ditu" ku Melia bejaku. "Ehh pansut dik, ukai bilik dik tu, bilik uchu aku tu, anang senang senang ka diau ditu" ku Ini Suri bejaku. "Dik nya nibuh bejaku, nyau ka mati da, pagila lusa dik mati aku tu ke ngempu utai dik" ku Melia nyaut. Pedis ati tudah india janin ninga satu Melia munyi nya dia iya lalu pansut ke tanju, gining gining ngiga sengayuh tang nadai temu. Pansut ga bini tuai rumah meda ulah iya nyau gining gining ba taju lalu nanya, "nama giga dik wak, nama ulah nyau gegining?" Ku Bini tuai rumah.

"Ni sengayuh enggau pemansai tua wai nama te nadai ditu?" Ku India Janin.. lama sesuai iya gegining ngiga sengayuh nadai temu. Meda pia tama bini tuai rumah ke bilik mai india janin dia seduai iya niki ke sadau, "dik nanti ditu aku ngambi sengayuh ke baru di beli ku bulan nyin kemari, lama ku sudah nadai meda sengayuh tua ka lama suba, kada enda udh di buai orang" ku Bini tuai rumah. Usah sesuai iya buluh sengayuh dia dih sesuai iya pansut baru bediri sesuai iya tisu pintu ninga Melia majak ngelaban Ini enggau aki Suri.

"Mati hidup aku enda mih meri dik pemai aku, biar di tunu aku enda mih aku meri dik nya, pansut dik lari dik ari tu" ku ini Suri. "Mati hidup dik ngasuh aku pansut enda mih aku tu pansut tu bilik aku penatai aku nya anak ampang anak buai nya tau gi pansut!" Ku melia bejaku. Pedis ati india janin te lalu mansang alu di tenung iya gay sengayuh tiga kali Melia. "Nya empa dik antu sebayan, dik bejaku baka enda merenung diri antu enggai makai dik nya ke jadi adat, enti di nya enda kanji enda bisa Suri nya hidup di dunya nemu dik jelu, dik nya sigi amai jelu kanji" ku India Janin agi ka malu enggau sengayuh. Nyau angkat dih ati Melia nyepik diri di palu enggau sengayuh dia iya lalu angkat.

"Hampang mensia dik nya, nadai geguna dik nya, sapa dik berani datai jari ba aku!!!" Ku Melia. "Aku tanya dik sapa aku mih ibu penangkup pemansai mandal tuai ibu pemalu sengayuh di menua Tinting Melanjan ditu enti asai enggai masuk sepital patah tulang rusuk tau diatu kita menyanak angkat kaki mulai kediri" ku Indai janin ngering diri tumu pagi udah di bai belaya. Indai Lika ari jauh meda aja laban ke bedau tau bejalai mina duduk ba bangku roda laban ke lagi pedis tulang rusuk ka patah suba. "Enti kita enda pulai diatu, kita mih baka aku diau sepital patah tulang rusuk legi" ku indai Lika bejaku kediri.

"Enda bangat takut ke dik nya aku tu!" Ku Melia angkat lalu mansang ka nyamah indai Janin laban ke Bini tuai rumah benung bediri ba tisi pintu ta lalu angkat ke Iya pemansai tangkup Iya ngagai Melia nama agi Kung Kang mih munyi sengayug kena indai Janin Malu Tudah Melia. Meda indai Sida di jamah mansang Anak Iya ke indu lalu ngejuk ke Bini tuai rumah benung indai Janin ka Malu indai Iya dinga semetap belakang Anak indu Melia kena palu sengayuh. "Akaiii apaii akaiii indaii pedis aku" ku Anak indu Iya nyabak nyepik diri pedis di palu indai Janin belakang. Meda indai enggau madi Iya pedis dia dih anak Melia ke laki tadi mansang ka mukut Tudah indai Janin.

Peda tarit Mikai lalu di gelang  Mikai jari Tudah. "Anang memain enggau pengidup" ku Mikai bejaku, laki Melia enda dapat ngelaban laban udah meda Melia enggau bala anak Iya udah pedis sereta di gelang. Angkat laki Melia lalu nyukul kediri minta ampun laban ulah anak Bini Iya mai penusah ngagai Sida Aki Suri  serumah. "Minta ampun mih aku apai, ketegal ulah Sida Iya menyanak baka nya, aku enggau pulai kitu semina ka betemu enggau Endu Suri laban aku nemu Melia bisi anak dulu, nyadi aku datai kitu semina deka nyua ke duit tu ngagai Endu laban duit tu sigi udah di janji aku kediri deka Meri iya" Ku laki Melia. Laki Melia tu sigi manah Tang mih Iya kelalu alah bai Melia enggau anak Iya ti jai. Mansang Suri ngagai apai Tiri Iya lalu bejaku, "angkat mih dik Aya, bai mih indai pulai ari tu, enggai ka Iya pedis agi di saup ke Kami serumah, aku ngampun ke semua penyalah di gaga Iya udah tu badu mih datai kitu enggai ke bulih penusah, bai mih duit tu aku enda beguna ka duit tu, aku agi ulih nupi diri begulai enggau Aki Ini ditu" ku Suri.. laki Melia lalu angkat mai bala anak Bini Iya pulai Melia nyau enda dapat bejalai laban udah di palu indai Janin. Anak Iya kelaki lalu di lepas ka Mikai . "Ingat mati aku pagila lusa anang kitu Kita, rumah tu enda asuh aku di tiki Kita!!!" Ku Aki enggau Ini Suri bejaku..