Monster In Me
Part 3
" Jiyong..."
" ဘာလဲ.."
" ငါ မင်းနဲ့အပြင်လိုက်ခ့ဲလို့ရမလား..အိမ်မှာ
အရမ်းပျင်းနေပြီဘာမှလုပ်စရာလည်းမရှိဘူး "
" အရမ်းများပျင်းနေသလား "
" အင်း.. "
" ရော့..အထက်တန်းကျောင်းစာအုပ်တွေ..
မင်း သိပ်အားနေရင် ပြန်ကြည့်နေ..ညနေ ငါ
ပြန်လာရင် စာမေးမယ်.."
" ဟာ..မင်းကလည်း ဒါတွေကဘာလုပ်မှာလဲ
ငါ သင်ပြီးသားတွေပဲဟာကို "
" မင်း တက္ကသိုလ်ဝင်ခွင့်ဖြေရဦးမှာလေ..မေ့
များမေ့နေပြီလား..ပြောစမ်းပါဦး "
" ဖြေတာတော့ ဖြေတာပေါ့ကွာ.."
" လျှာမရှည်နဲ့ စာပြန်ကြည့်နေ..စောစောပြန်
လာခ့ဲမယ်..စာမေးမယ် "
Jiyong ပြောပြောဆိုဆိုနဲ့ အခန်းထဲကထွက်
သွားတော့တယ်..
Seungri မှာပျင်းပျင်းရှိတာနဲ့ ဟိုစာအုပ်ကြည့်
ဒီစာအုပ်ကြည့်လိုက်..Jiyong မရှိတုန်း သူ့
ကုတင်ပေါ်တက်ခုန်လိုက်..ဗီရိုထဲက အကျႌ
တွေယူဝတ်ကြည့်လိုက်နဲ့လုပ်ချင်တိုင်းကိုလုပ်
နေတော့တာ..
သူ့စိတ်တိုင်းကျ တခန်းလုံးဗြောင်းဆန်အောင်
မွှေနှောက်ပြီးမှ အပျင်းပြေသွားသလိုလို..
နေ့လည်ကျ ဗိုက်ဆာလာတော့ မီးဖိုချောင်ထဲ
ခြေဦးလှည့်ရတယ်..Top ကသူ့အတွက်ခူးခပ်
ပေးပြီး သူတို့နှစ်ယောက်ထမင်းအတူတူစား
ကြရင်း..
" Seungri..စားရတာ အဆင်ပြေလား မင်း
မကြိုက်တာတွေရှိရင်လည်းပြောထားလေ "
" ရတယ်..ကျွန်တော်က အကုန်စားတယ်
ဘုရားကျောင်းမှာနေရတာဆိုတော့ဂျေးများနေ
လို့မရဘူးလေ..ကျွေးတာစားပဲ မစားရင်ငတ်
တာ..ဟီး.."
" မင်း ငယ်ငယ်တုန်းက အိမ်ကိုခဏခဏလာ
တာ..လာလို့ ငါတို့ကတခုခုကျွေးရင် အရမ်း
ဂျေးများတယ်..ဟိုဟာမစား ဒီဟာမစားနဲ့ "
" ဟုတ်လား..ကျွန်တော် ဘာလို့မမှတ်မိတာ
ပါလိမ့် "
" မင်းမိဘတွေ ဘယ်လိုဖြစ်ရတာလဲဆိုတာ
ရော မှတ်မိလား "
