Monster In Me
Part 31
ပွဲပြီးတာနဲ့ ဘယ်သူ့ကိုနှုတ်မဆက်နိုင်တော့ပဲ
Jiyong အမြန်ထွက်လာခ့ဲလိုက်တော့တယ်..
မိဘနှစ်ပါးရော Dara ကိုရော အသိမပေးချင်
တော့..သူ့ကိုတနည်းနည်းနဲ့ဆွဲခေါ်ထားမှာကို
စိုးရိမ်လို့ ဘယ်သူမှမသိအောင် စံအိမ်ရှိရာဆီ
အမြန်မောင်းလာခ့ဲတယ်..
လမ်းမှာ Seungriဆီဖုန်းဆက်ဖို့စဉ်းစားလိုက်
ပေမယ့် ဖုန်းက မနေ့ကတင် ကိုယ်တော်ချော
စိတ်ဆိုးပြီး ကိုင်ပေါက်ပစ်ခ့ဲတာမို့ ခုထိအသစ်
မဝယ်ရသေးဘူးမနက်ကလည်းပွဲကိစ္စကြောင့်
စိတ်လောပြီးထွက်လာခ့ဲတာဝယ်ဖို့မေ့နေရော
~ အရေးအကြောင်းဆို ဦးနှောက်ကြီးက
အလုပ်မလုပ်တော့ဘူး..တကယ်ပါပဲ..
စိတ်ထဲမှာလည်း ယောက်ယက်ခတ်နေပြီ..
Seungriဆီအမြန်ဆုံးရောက်သွားချင်တ့ဲစိတ်
တွေကသာပြင်းထန်လို့နေတာမို့ Jin Woo ကိုတောင် ဂရုမစိုက်ပဲ ထားပစ်ခ့ဲလိုက်မိတယ်
အခုချိန်မှာ သူ့ Seungri သူ့အပေါ် အထင်လွဲ
သွားမလားဆိုတ့ဲစိတ်က ဦးနှောက်ထဲမှာပြည့်
နေတာမို့ ကျန်တာ ဘာမှအရေးမကြီးတော့..
~ မတွေ့ပါစေနဲ့..မကြည့်မိပါစေနဲ့..Seungri
ကိုကို့ကို အထင်မလွဲနဲ့..
Jiyong အမြန်လည်းရောက်ချင်တယ် ရောက်
သွားမှာကိုလည်းလန့်နေတယ်..Seungri ခုန
က အဖြစ်အပျက်တွေကိုမြင်ပြီးအထင်လွဲသွား
မှာကို အရမ်းစိုးရိမ်မိနေတယ်..သူ စိတ်ဆိုးပြီး
ဗရမ်းဗတာတွေ လျှောက်လုပ်မလားတွေးရင်း
ကြောက်နေမိတာ အကျင့်ကိုဖြစ်နေပြီ..
စံအိမ်ထဲကို စဝင်လာကတည်းက ဘာဖြစ်ဖြစ်
ရှင်းပြမယ် ရအောင်ချော့ရမယ်ဆိုတ့ဲစိတ်နဲ့
မာန်တင်းလိုက်ပြီးSeungri ရှိရာအခန်းဆီကို
လှမ်းသွားလိုက်တယ်..အခန်းတံခါးကို ၃ ၄
ချက်ခေါက်ပေမယ့်အထဲကပြန်မထူးဘူး..အ့ဲဒါ
နဲ့ Jiyong လည်း အခန်းတံခါးလေးကို အသာ
လေးဖွင့်ကြည့်တော့..တခန်းလုံးပွစာကျဲနေပြီး
ပစ္စည်းမှန်သမျှ အကောင်းပင်မရှိတော့..
ရှိသမျှ ခုံတွေ စားပွဲတွေ မှန်တွေကိုပါ ရိုက်ချိုး
ဖျက်စီးထားပြီး မနက်ကမှဝယ်လာတ့ဲအဝတ်
အစားတွေကလည်း ပြန့်ကျဲလို့..လူကလည်း
အခန်းထဲမှာမရှိတော့ Jiyong ပျာယာခတ်
သွားရတယ်..
