من الأجندة الارجوانية:
"أنا كل صفة و عكسها...نعم، فأنا الطيبة و أنا الشريرة، أنا المسنة والشابة و أنا الطفلة، أنا القوية و أنا الضعيفة، أنا الذكية و أنا الحمقاء، أنا كل شئ و عكسه في ذات الوقت ..."
*******
بإحدى كافيهات المحروسة...
_ فيروز : يا باشمهندس فارس احنا بقالنا حوالي ربع ساعة قاعدين و انت مش قولتلي جايبني هنا ليه؟
_ فارس : بصي بقا على بلاطة، أنا بحب ياسمين اختك...اتسعت عيناها بدهشة مما قال فأكمل هو : عارف انك مش هاتستوعبي و لا هاتصدقي، بس دي الحقيقة. اختك شدتني ليها من أول ماشوفتها، أنا بردو ماكنتش مستوعب و لا فاهم بس فهمت و أتأكدت...
_أخيرا تحدثت ذات العيون الفيروزية: أنا مش عارفة اقولك إيه بس...
_قاطعها: أنا عارف و فاهم حالتها و مش فارق معايا انا عايزها هيّا تكون مراتي و عيلتي
_ مش عارفة بصراحة بردوا...
_والله انا مابتسلى أنا حقيقي حبتها، يمكن حب من أول نظرة زي ما بيقولوا... أنا عارف انك اكيد سمعتي اني بسهر و ليا علاقات و كدا بس دي مرحلة و عدت و أنا مش عايز ارجعلها تاني وعايز ياسمين في حياتي و اتجوزها...
_تتجوزها!
_أمال هالعب معاها يومين و اسيبها، بقولك بحبها و عايزها تكون مراتي و عيلتي... شكلك لسة مش مستوعبة
_بصراحة آه، أنا لا مستوعبة ولا واثقة فيك دانا سمعت عنك كتير
_تنهد و قال:عارف... بس خلاص انتهت المرحلة دي من حياتي و عايز أستقر،و الله هاحافظ عليها و أحبها و اتمني تكون أم عيالي ان شاء الله يعني متقلقيش أنا قفلت الصفحة دي من حياتي خالص...
_ صمتت قليلا ثم قالت بتردد: بص أنا مصدومة بصراحة، بس انت من ساعة ما عرفتك و انت بتتعامل بشاهمة و راجل يعتمد عليه بجد... أنا عايزة اصدقك بس مترددة و بعدين انا اصلا مش عارفة ياسمين رد فعلها هايكون ايه...
_تحدث فارس بصدق بيّن: والله ماتخافي مني
_نظرت له و التمست الصدق ثم قالت بتردد: يعني هاتحافظ على الأمانة ؟!
_اوعدك و ربنا شاهد اني هاحافظ على الأمانة لآخر نفس فيّا... ابتسمت بساعدة لاختها فتابع هو بحماس: بصي بقا يا خالة العيال أنا عايزك تساعديني...
*******
خرج بعد دوام العمل من مكتبه و وجدها بمفردها بعد ذهاب الجميع، تنظر من النافذة بخوف و تردد ظاهرين بشدة:
_اقترب منها بتساؤل: حبيبة! انتي ماروحتيش ليه؟!
_انتفضت اثر سماع صوته و نظرت له بخوف و على وشك البكاء: اا... مستر أمير ... و فقدت الوعي ...
******
استفاقت و جدت نفسها بغرفة بمشفى و هو يجلس على بعد منها:
_ تحدث هو أولا: حمد الله على السلامة!
