من قال أن المعجزات انتهت...عفوا، انها لازلت موجودة و لكننا لا نفهمها أو لا نراها أو لا نفكر بالأساس بهذه الطريقة. فعلى سبيل المثال الخروج حي بعد حادثة بشعة،معجزة. و عودة الحياة لقلب توقف،معجزة. و افلاتك من شئ على آخر لحظة كان سيحطم رأسك، معجزة. و فجأة تجد حياتك تغيرت مائة و ثمانين درجة للأحسن بعدما انعم عليك الله،معجزة. ولادتنا بحد ذاته معجزة،فقد خرجنا من رحم امهاتنا و بين خط رفيع فاصل بين الحياة و الموت.
و أيضا قد تكون معجزتك أن يرسل الله لك أحد بعد يأس و تيهة، و تبدأ مرحلة جديدة في حياتك بدون أن تستطيع استيعاب كيفية حدوث كل هذه الأحداث مرة واحدة. و يكون هذا الشخص هو "المعجزة" لكي تتغير حياتك بطريقة أو بأخرى و يكون هو بوصلتك للحياة، مرسى للاستقرار، و دواء التخبطات التي تعانيها مع نفسك ، و بسمة الأمل و السلام الداخلي ، و دليل ليخطو بك نحو الوطن و السكن ...
*******
يستعد عاصم للذهاب هو و فريدة لعزيمة آل المنصوري، و هي تتابعه بصمت و ضيق. التفت لها أخيرا بابتسامة ساحرة :
_حبيبتى!عاوزة حاجة قبل ما أمشي؟
_ شرين بلهفة:بجد انا حبيبتك يا عاصم؟!
_اقترب منها و احاطها بزراعيه بحب و قال: اكيد...انتي حبيبتى و مراتي
_ طب ماتخدني معاك طيب
_ قبّل جبينها و قال بصوت اجش: حبيبتى مش هاينفع، انتي ماتعرفيهمش
_طب مافريدة رايحة
_فريدة تعرفهم من زمان و عازمينها معايا، مش معقول هاخدك معايا و هما مش عازمينك. انتي غالية اوي يا شرين و أنا مش هاسمح لحد يبصلك و لا يقعد يتكلم على مرات عاصم التانية و الا جاي بمراتته الاتنين و الجو دا. و كدا كدا انا وانتي بنخرج لوحدنا و كتير كمان ماجتش من مرة...
_أنا بحبك على فكرة
_ابتسم وقال: و أنا بحبك، اوعي تنامي، حضري القاعدة و فيلم حلو و نكمل السهرة سوا ... سلام...
_تنهدت بعمق وقالت بخفوت و هي تنظر مكان ذهابه: يارب تكون بتحبني زي ما بحبك يا عاصم...
********
اجتمع الجميع بحديقة المنزل ماعدا أمير الذي تأخر ،و فجأة دلف مأذون و اندهش الجميع من سبب حضوره:
_ تقدم منه ليل : اتفضل، العريس جاي في الطريق
_ حسن بتساؤل:مين اللي هايتجوز ؟
_أمير
اندهش الشباب ونظروا لبعضهم،ثم تحدث مروان: هي وافقت؟
اماء ليل لهم بنعم...
_تحدثت فاتن بتساؤل: ازاي يا بني ؟
_ ليل بهدوء: هي جات كدة يا أمي
_حسن: ازاي يعني بس ؟
_يا جماعة ظروفهم جات كدا و أمير هايتجوزها في وسطنا،ناس و وليمة و كمان هايتصوروا و الصور هاتنزل علي مواقع التواصل،و كدا اشهار و بعدين هو مش عايز فرح
