مهما كبرنا سنكون بعين والدينا أطفال صغيرة و سيظلون مشغولون بنا...قد نختنق احيانا و قد ندعوا بأن يتوقفوا. لكن تذكر، هناك من حُرم من هذا الاهتمام و يتوق إليه...عاطفة الأم و حكمة الأب كنز يجب أن نحتفظ به و نراعيه لأطول فترة من عمرنا...
وفاتن أم قلقة حد الهوس بليل و حياته و تحلم باليوم الذي تراه فيه مرتاح و ترى أولاده،حلم كأحلام اي ام مصرية لابد أن يتزوج و يعيش حياة أسرية سليمة...جلست على طرف الفراش و أطلقت تنهيدة عميقة و كان على وجهها علمات الحزن والقلق... انتبه لها حسن بعدما خرج من المرحاض وعلم ما تفكر به، جلس بجانبها ثم تحدث بهدوء:
_خير إن شاء الله، بكرة يحصل اللي انتي عايزاه
_قالت بحزن: ازاي بس يا حسن و هو زي ماهو و كمان رضوى دي غريبة و أنا بتضايق منها، على طول منطوية و ساكتة و على طول تحسها غريبة في أفعالها، دا غير حاجات كتيرة يا حسن. و بالطريقة دي مافيش حاجة هاتتغير...
أمسك يدها بحنان ثم أردف قائلا:
_ أنا شايف غير كدا خالص...
_ازاي يعني و هي انطوائية و بتناطح في أي حد في أي حاجة مش على مزاجها... يارتها كانت زي أميرة الله يرحمها...
_ابتسم و قال بحكمة: رضوى مش انطوائية خالص دي بس محتاجة دفعة ...حد يتكلم معاها و هي ترتاحله و بدليل علاقتها بأمل دلوقتي بقيت عاملة إزاي و ماتنسيش هي عملت ايه لما البت ضايقت أمل... البنت دي شافت كتير يا فاتن و اتعاملت مع حاجات كتير لوحدها. اشتغلت و اتعاملت و لفت و شافت و عرفت كتير من الدنيا دي... اللي في سنها لسة يادوب بيكتشفوا الدنيا و أقرب مثال بنتك أمل، لكن دي لأ،دي واجهت كتير لوحدها و من غير مساعدة حد كمان و دا اللي فهمته من كلام رقية أختها و رباب و كمان بنظرتي كواحد لف وشاف كتير و اديكي شوفتي ماحدش وقف جنبها في مشكلتها لما قابلت ليل دي تكسر من جوا يا فاتن أنها تعمل كدا، قررت و واجهت المشكلة لواحدها عشان أختها ماتتأزيش... الله اعلم بحالها يا فاتن ماتحمكيش عليها...كمان البنت دي عاقلة و ذكية و بتعرف تتعامل مع اي موقف،بتعرف امتى تتكلم و امتى تسكت و بتعرف ان كل حاجة و وقتها و تتصرف على الأساس دا. دي فيها مميزات غير أميرة...
_نظرت له في تساؤل وقالت: ازاي بس؟ دي أميرة طيبة و كانت بتريح ليل و اللي بيقولوا بتعمله من غير ما تفكر و كانت هي اللي بتناغشه و تضحكه بطفولتها و جنانها و برائتها زي الاطفال و حنينة كدا، مش زي دي، أنا ماشوفتش بنت جواها البرود و القسوة دي كلها ، دي لوح تلج يا حسن... إنما أميرة الله يرحمها كانت طيبة و حنينة و مطيعة و رقيقة...
_ ابنك ماتغيرش فيه حاجة غير أنه حب ،يادوب أختار واحدة تشاركه حياته و عجبه طفولتها و طاعتها و كل الكلام اللي انتي قولتيه دا كله... هو حبها بس ماتغيرش... بيها و من غيرها زي ماهو،و زاد بعد موتها ... لكن رضوى لأ ... لو ربنا أراد و حصل زي مانا متوقع البنت دي هاتغيره للأحسن ان شاء الله...
